Jean 4:1 - Takarata pɛ Sɔ Mbombe Mbon

¹ Jésus kpaa hio *wan-yambimɔ nɛdɔka pen Jean, nɛ a gdumso fin hio dɔka wi ha li pen wɛnɛ. Hio *Farizien zea wen mɛgi, nɛ Jésus ingɔ yo.

Jean 4:1 Referans Kwoze

Jean 3:26

Mɛgi mbwa nɛa ha pɛ Jean nɛ mbwa tɔa ha wɛnɛ: «Wan-osimɔ, wi kɛ ka mɛ tɔa wen pɛa ha ɔ, ka dungɔ hinɛ mɛ ha kuli Jourdain, a tɛ bo ha gdumso hio wi ha li. Hio dɔka wi zuro may nɛ ha pɛa.»

Jean 3:22

Hapata, Jésus hinɛ hio *wan-yambimɔ pɛa nɛa ha kandɔnu Judée. Mbwa dungɔ haki ma ngimɔ ha gdumso hio wi ha li.

2 Korente 4:5

Ey, ɔ bul wen tɛ ɔ ndang na, ma, ɔ bul wen tɛ Jésus-Christ, ka dung nê *Kongawan. Pɛ ɔ, ɔ nê hio wan-tom pɛ ɛnɛ hazu Jésus.

1 Korente 15:47

Bosi wi, Adam, tɛa nɛ wal nu, nɛ wɛnɛ nê mɔ nu. Zebwa wi, Christ, tɛa nɛ wal ngɔn.

1 Korente 2:8

Ma wan ndang mɔ nzan ɛngɛ tɛ ing mbaramɔ ɛngɛ na. Hazu, ka bo se nde, mbwa aing yo, ki mbwa tɛ ngba lɛkɛ-lɛkɛ *Kongawan ha getakate na.

Deamɔ 10:36

Sɔ tomsa *Dede Wen ha hio wi mɔ *Israel nde, ɔ lɛma kpa gaamɔ ha soko ɔ hinɛ wɛnɛ nɛ wal Jésus-Christ, ka dung nê *Kongawan pɛ hio wi fɛt.

Gbasamɔ 19:16

Ha tɛ gbambusa pɛa nɛ ha ku wa, ɛ ngɛraka ling mɛgɛ: «*Kongapora ha zu hio kongapora fɛt, *Kongawan ha zu hio kongawan fɛt.»

Jacques 2:1

Hio ya mi, ɛnɛ mɛkara lɛkɛ-lɛkɛ *Kongawan pɛ ɔ, Jésus-Christ. Mɛgi, ka ɛnɛ agba soko hio wi na.

Dede Wen hazu Jésus-Christ ka Luc ngɛraka 2:11

Swe mɛsɛ ɛ bhɛa *wan-kpasisi ɛnɛ ha le pɛ David. Wɛnɛ nê *Mesi, Kongawan pɛ ɛnɛ.

Dede Wen hazu Jésus-Christ ka Luc ngɛraka 19:34

Mbwa kiforo wen: «Kongawan ngoya yo.»

Dede Wen hazu Jésus-Christ ka Luc ngɛraka 19:31

Ka ma wi ani ɛnɛ nde, ɛnɛ bul wɛnɛ hazu ge nde? Ɛnɛ tɔ ha wɛnɛ nde, yo nê *Kongawan ha ngoy yo.»

Dede Wen hazu Jésus-Christ ka Luc ngɛraka 1:76

Ka mɛ, bem pɔm, betɛ gasa, ɛ besa ling mɛ nde, wan-tɔkuliwen pɛ nzɔy Sɔ, ka dung ha kuso ngɔn. Mɛ bepen ha li Kongawan mɛ bhɔngiri wal ha wɛnɛ.

Dede Wen hazu Jésus-Christ ka Luc ngɛraka 7:13

Ka *Kongawan Jésus zɔka nagula ɛngɛ, sila wa doya nɛ kobhe. Nɛ a tɔa ha wɛnɛ: «Mɛ he kwa na!»

Dede Wen hazu Jésus-Christ ka Luc ngɛraka 7:19

nɛ a tomsa mbwa ha pɛ Jésus hazu ani wɛnɛ: «Mɛ nê *Mesi ka betɛ nde? Mana ɔ akeri ma mbinga?»

1 Korente 1:17

Christ tɛ tomsi mi hazu nɛ nɛ gdumsi wi ha li na. Ma, a tomsa mi hazu bul *Dede Wen. Mi ha bulo yo bo nɛ dede gɛl mana mbaramɔ na, yu nde, wen fio pɛ Christ ha getakate betɛ tɛ gbelemɔ.