Jean 3:21 - Takarata pɛ Sɔ Mbombe Mbon

²¹ Ma, wan-de nzengmɔ nɛ ha saamɔ nde, hio wi azɔk wɛnɛ ha dea dedemɔ ka Sɔ ngoya.»

Jean 3:21 Referans Kwoze

1 Jean 1:6

Ka ɔ tɔ nde, ɔ ha dea sɔy hinɛ Sɔ, nɛ ka ɔ bhɔna ka ha yala ha zang tutum nɛnɛ, ɔ ha tɔa dalo, nɛ ɔ ha dea mɔ, ka lɛm nɛ tɛwen na.

3 Jean 1:11

Ndɔngsila mi, ka mɛ azɔk dea gdangamɔ mɛ de nɛ pɛ mɛ na. Ma, mɛ zɔk dea dedemɔ mɛ de nɛ pɛ mɛ. Wi ka de dedemɔ, wɛnɛ nê wi pɛ Sɔ. Ma, wi ka de gdangamɔ, wɛnɛ tɛ zɔk Sɔ na.

Efeze 5:9

Hazu wi ka dung ha zang saamɔ beway nɛ tili dedemɔ fɛt, nɛ deamɔ nzeng, nɛ fin nɛ deamɔ lɛm nɛ tɛwen pɛ Sɔ.

Filipe 2:13

Hazu yo nê Sɔ ka lɛmsiri mɔ ha tɛ ɛnɛ nde, ɛnɛ adung nɛ hɛl, nɛ ngatɛ mɛ lɛmsiri hio tom ka wɛnɛ weka hazu ɛnɛ.

Galasi 6:8

Wi ka gun ka sɔna nɛ mɔ ka ndɔkitɛ wa ngoya, wɛnɛ bebhi fin waya ka tɛ nɛ ndɔkitɛ wa. Nɛ wayaa yo nê fio. Ma, wi ka gun mɔ ka Nzɔy-Sɔtɛ ngoya, wɛnɛ bebhi fin waya ka tɛ nɛ Nzɔy-Sɔtɛ. Nɛ wayaa yo nê *tunɔ kpoo.

1 Pierre 1:22

Ɛnɛ sasasa tɛ ɛnɛ kari, hazu ɛnɛ ha dea mɔ lɛm nɛ tɛwen pɛ Sɔ. Tuka ɛngi, ɛnɛ ngoya hio ya ha Christ nɛkpasa. Ey, ɛnɛ angoy may nɛ sila ndang.

Hebro 13:21

Sɔ alɛmsiri ɛnɛ mɛ de hio dedemɔ fɛt, ka sila wa ngoya nde, ɛnɛ ade. Nɛ wal Jésus-Christ, wɛnɛ aha ɛnɛ ngatɛ mɛ de mɔ ka ha totɛ ha wɛnɛ. *Lɛkɛ-lɛkɛmɔ ha kɔ Jésus-Christ kpoo nɛ kpoo. Amen.

Kolose 1:29

Yo nê ɛngi, mi ha gbɛngsa tɛ mi, nɛ mi ha bio bulo nɛ wal gasa ngatɛ ka Christ ngasisi nɛ mi.

Filipe 1:11

Ha swe ɛngi, tunɔ pɛ ɛnɛ bedon nɛ nzeng deamɔ ka Jésus-Christ dea nɛ wal ɛnɛ tuka nde, Sɔ akpa *lɛkɛ-lɛkɛmɔ nɛ lukosomɔ ang.

Jean 5:39

Ɛnɛ yambi takarata pɛ Sɔ hazu ɛnɛ takiri nde, ɛnɛ ha kpaa *tunɔ kpoo ha zanga. Ma, bo nê takarata pɛ Sɔ ha kɛ wen tɛ mi, na nde?

Jean 1:47

Ka Jésus zɔka Natanael ha tɛa, a tɔa wen tɛ wa nde: «Zɔk, ɛngɛ nê tɛ ngbak wi mɔ *Israel ka bo nɛ likisi na.»

2 Korente 1:12

Mɔ ka ɔ lɛma mɛ sutɛ hazua, yo nê ɛngɛ: Ɔ ingɔ ha zang sila ɔ nde, ha bhandi fɛt ka ɔ yala ang ha nzan, nɛ pen mɔ fɛt ha soko ɛnɛ, ɔ dungɔ nɛ mɛndi nɛ saa sila ka tɛ nɛ wal Sɔ. Ɔ tɛ dung mɛgi nɛ wal mbaramɔ pɛ wi na, ma, nɛ wal *dede sila pɛ Sɔ.

1 Korente 15:10

Ma, nɛ wal *dede sila pɛ Sɔ, mi tɛ bo nê wi ka ɛnɛ zɔk wɛnɛ sising. Nɛ dede sila ka wɛnɛ dea ha tɛ mi, yo bo nɛ gbelea na, hazu mi dea tom nɛ ngaya pen hio olo wan-nɛtom fɛt. Ma, yo bo nê mi nɛ tɛ mi ha de tom na, yo nê Sɔ nɛ wal dede sila pɛa ha tɛ mi.

Gbasamɔ 3:15

Mi ingɔ deamɔ pɛ ɛnɛ fɛt. Ka bo se nde, ɛnɛ adung nɛ gaa mana nɛ gbɛnga, ki dea se!

Jean 3:20

Hio *wan-de gdangamɔ ha sɛna saamɔ. Mbwa nɛ ha saamɔ na, yu nde, gdangamɔ pɛ mbwa betɛ gbo long.

Jean 7:17

Wi ka ngoy de mɔ ka sila Sɔ ngoya, wɛnɛ being nde, mana osamɔ pɔm tɛ nɛ wal Sɔ, mana mi ha wola nɛ mɔ nɛ pɔm tɛ.