Jean 21:16 - Takarata pɛ Sɔ Mbombe Mbon

¹⁶ Jésus ana wɛnɛ fin ha zebwa: «Simon bewei pɛ Jean, mɛ ngoya mi nde?» Pierre kiforo wen ha wɛnɛ: «Ey! Kongawan, mɛ ingɔ nde, mi ngoya mɛ.» Jésus tɔa ha wɛnɛ: «Mɛ pam hio sami pɔm.»

Jean 21:16 Referans Kwoze

Deamɔ 20:28

Ɛnɛ pam tɛ ɛnɛ nɛ tɛ ɛnɛ. Nɛ ɛnɛ pam fin *giliwi mɔ eglize, ka Nzɔy-Sɔtɛ gdea ha kɔ ɛnɛ. Ɛnɛ pam mbwa nɛdedea, tuka ka zaoro sami pam nɛ sami, hazu Sɔ hɛa mbwa nɛ wal tɔktɛ Bewei pɛa.

1 Pierre 5:2

ɛnɛ apam hio giliwi mɔ eglize nɛdedea gbesi tuka ka zaoro sami day nɛ hio sami. Ɛnɛ pam mbwa nɛ totɛ tuka Sɔ ngoya. Ka ɛnɛ ade tom ɛngɛ tuka wi ka ɛ nɔsisi, na. Ɛnɛ de yo bo hazu kang mbɔli na, ma, ɛnɛ gde sila ɛnɛ fɛt ha toma.

1 Pierre 2:25

Sɔngsi ɛnɛ badung tuka hio sami ka yɔamɔ. Ma, sising, ɛnɛ kiforo si ha pɛ zaoro pɛ ɛnɛ, ka pam tunɔ pɛ ɛnɛ.

Hebro 13:20

Sɔ, wan-ha gaamɔ, guo *Kongawan pɛ ɔ, Jésus, ha soko hio fio wi yunɛ. Wɛnɛ nê gasa zaoro sami, ka tɔktɛ wa bhɔngara *mbon ɛngɛ ka bebhɔn kpoo.

Jean 18:25

Ka Simon-Pierre boka haki ha ɔa we, hio ma wi ana wɛnɛ: «Bo nê mɛ fin nê ma *wan-yambimɔ pɛ wi kɛ na nde?» Pierre kafa nɛ tɔa: «Way! Mi bo nê wan-yambimɔ pɛa na.»

Jean 18:17

Bhoko-de tom pɛm nu kin, ana Pierre: «Bo nê mɛ fin nê ma wan-yambimɔ pɛ wei kɛ na nde?» Pierre kiforo wen: «Way! Mi bo nê wan-yambimɔ pɛa na.»

Dede Wen hazu Jésus-Christ ka Luc ngɛraka 19:10

Kpasawen, mi *Bewei pɛ Wi, tɛa hazu ki nɛ kpasisi ɛ ndɔng ka yɔa.»

Matthieu 26:72

Nɛ Pierre kafa fin nɛ kanamɔ: «Mi ing wi ɛngɛ na.»

Matthieu 25:32

Nɛ hio kandɔ fɛt bewesiri may ha si mi, nɛ mi bekɛtini soko mbwa gbesi tuka zaoro kɛtini nɛ soko sami nɛ gbele mbori.

Matthieu 2:6

‹Nɛ mɛ, Betlehem mɔ Judée, mɛ bo nɛ bebea ha soko hio le mɔ kandɔnu Judée ndang na. Hazu gasa wan, ka bengbɔsi nɛ pam *Israel kandɔ pɔm, begutɛ ha pɛ mɛ.›»

Gbasamɔ 7:17

Hazu Besami ka dung hapɛtɛ solowan bedung nê zaoro pɛ mbwa. Nɛ a bengbɔsi mbwa nɛnɛ ha nɔa li ha hio nzɔngɛ ka ha tunɔ. Nɛ Sɔ bedi milikwa fɛt ha li mbwa yunɛ.»

Jean 21:17

Hapata, Jésus ana wɛnɛ ha zetara: «Simon bewei pɛ Jean, mɛ ngoya mi nde?» Ngɔtɛ dea Pierre hazu Jésus ana wɛnɛ tɛ bo zetar nde, Simon mɛ ngoya mi nde? Mɛgi, Pierre kiforo wen ha wɛnɛ: «Kongawan, mɛ ingɔ mɔ fɛt, nɛ mɛ ingɔ nde, mi ngoya mɛ.» Jésus tɔa ha wɛnɛ: «Mɛ day hio sami pɔm.