Jean 20:1 - Takarata pɛ Sɔ Mbombe Mbon

¹ Yala ndang hapata *swe ɔmtɛ, ha swe dimasi, Marie Magdala guotɛ ha bu-nge-nge nu mɔsaa, nɛ ha zupisi. Nɛ ka wɛnɛ hɔa haki, a zɔka nde, ɛ kinso gasa ta ka ɛ bagdɔki nɛ nu zupisi yunɛ.

Jean 20:1 Referans Kwoze

Marc 16:9

Ka Jésus guotɛ ha bosi yala hapata *swe ɔmtɛ, wɛnɛ gbasa tɛ sɔngsi ha Marie Magdala, ka Jésus bayin se gdanga sɔtɛ mɔrkɔ zanga bwa ha tɛ wa gbosisi.

Matthieu 27:60

A gdea yo ha zang mbombe zupisi pɛa, ka ɛ gdɔya bingiri ha zang gogo ta mɛ gde bin wɔl wa ang. Nɛ wɛnɛ kinso ma viɛ-viɛ gasa ta gdɔki nɛ nua, nɛ wɛnɛ pena.

Marc 15:46

Nɛ ka Joseph hɛa bula kari, a nɛa nɛ zilsi wɔl Jésus ha getakate. A luo yo nɛ bula ɛngɛ, nɛ a gdea yo ha zang gdɔku ka ɛ gdɔya ha zang gogo ta mɛ gde wɔlwi ang. Nɛ wɛnɛ kinso ma viɛ-viɛ gasa ta gdɔki nɛ nua.

Jean 20:26

Hapata dimasi ndang, hio wan-yambimɔ pɛ Jésus wesara may fin nɛ mbinga ha zang twa, nɛ Thomas dungɔ hinɛ mbwa. Mbwa gɔma nutwa, ma, Jésus hɔa tɛ yol ha binsila mbwa, nɛ a tɔa ha mbwa: «Gaamɔ adung hinɛ ɛnɛ!»

Jean 19:25

Marie nana mɛ Jésus, nɛ Marie ko pɛ Klopas, nɛ Marie Magdala, mbwa dungɔ ha yola hapɛtɛ getakate pɛ Jésus.

Gbasamɔ 1:10

Ha swe pɛ *Kongawan, *Nzɔy-Sɔtɛ baa mi, nɛ mi zea ma ngagɛl ha gdong mi tuka gɛl mbia,

Matthieu 27:64

Hazu ɛngi, mɛ ha nu nde, ɛ apɛm zupisi pɛa nɛkpasa kanɛ yala tar. Yu nde, hio *wan-yambimɔ pɛa atɛ nɛ zɛ, tɛ ku wɔl wa pen nɛ. Nɛ mbwa betɛ tɔ ha hio wi nde, a guotɛ ha soko fiowi. Nɛ kpogio dalo ɛngɛ bedung nɛ gdangaa pen bosi dalo, ka tɔa nde, wɛnɛ nê *Bewei pɛ Sɔ.»

1 Korente 16:2

Ha swe dimasi fɛt lɛma nde, ɛnɛ ndang ndang fɛt aku ma mbɔli ka lɛm nɛ kpaamɔ pɛ ɛnɛ, gde nɛtɛ hazu pam ha twa. Ɛnɛ ade mɛgi tuka nde, ka mi behɔ ha pɛ ɛnɛ, ɛnɛ awesiri fin ma mbɔli ha li mi na.

Deamɔ 20:7

Ha *swe ɔmtɛ, ɔ wesara may nɛ mbolo hazu yɔngamɔ pɛ *Kongawan. Nɛ Paul bulo wen nɛ bɔyaa tee kanɛ gduko zɛ, hazu a bepen nɛ mɔsaa.

Matthieu 27:56

Ha soko mbwa dungɔ: Marie Magdala, Marie nana mɛ Jacques hinɛ Joseph, nɛ nana mɛ hio bewei pɛ Zebede bwa.

Matthieu 27:66

Mɛgi mbwa nɛa ha zupisi nɛ mbwa tuyo nua nɛ dafu ling Pilate, tuka nde, yo agbasi ka ɛ tikoso ta gdɔki nua. Nɛ fin, mbwa gdea hio wan-pɛm zupisi haki.

Matthieu 28:1

Hapata *swe ɔmtɛ, ha sutole sut mɔ swe dimasi, Marie Magdala nɛ mbinga Marie nɛa hazu zɔk zupisi.

Matthieu 28:2

Nɛhasa nu yaka nɛngaya, hazu ma *telenge pɛ *Kongawan Sɔ zilo ha liswe tɛ, nɛ a kinso ta gdɔki nu zupisi gde hapɛtɛa, nɛ a dungɔnu ha zua.

Jean 11:38

Sila Jésus dona nɛ kobhe fin nɛ mbinga, nɛ wɛnɛ nɛa ha zupisi. Yo dungɔ nɛ ngu ka ɛ gdɔka nua nɛ ma viɛ-viɛ gasa ta.

Jean 11:41

Ɛ kinso ta yunɛ. Jésus guo li ha ngɔn nɛ wɛnɛ tɔa: «Bafa mi, mi lukisi mɛ hazu mɛ ha zea gɔamɔ pɔm.