Jean 2:21 - Takarata pɛ Sɔ Mbombe Mbon

²¹ Ma, gasa twa Sɔ ka Jésus tɔa wena, dungɔ nê tɛ wa.

Jean 2:21 Referans Kwoze

1 Korente 6:19

Ɛnɛ tɛ ing nde, tɛ ɛnɛ nê twa pɛ Nzɔy-Sɔtɛ, na nde? Sɔ haa ɛnɛ Nzɔy-Sɔtɛ kari, nɛ wɛnɛ de le ha sila ɛnɛ. Mɛgi, ɛnɛ bo nê wan hazu tɛ ɛnɛ nɛ pɛ ɛnɛ tɛ na.

1 Korente 3:16

Bo nê ɛnɛ ingɔ nde, ɛnɛ nê twa pɛ Sɔ, nɛ Sɔtɛ pɛ Sɔ ha dea le ha sila ɛnɛ, na nde?

Hebro 8:2

Haki, a de tom pɛa ha nzɔy bhandi fɛt ha zang kpasa twa ka *Kongawan Sɔ bɛa, bo ha zang twa ɛngɛ ka kandɔ *Israel bɛa nɛ la ha kpɛnu na.

Kolose 2:9

Hazu Sɔ nɛ pɛa tɛ fɛt mburr ha dea le ha tɛ Christ.

Kolose 1:19

Hazu Sɔ bheka nde, wɛnɛ nɛ tɛ wa fɛt adung ang ha tɛ Bewei pɛa.

2 Korente 6:16

Hio gbele sɔ lɛma kpa bhandi ha *gasa twa Sɔ mɛng? Kpasawen, ɔ nê twa pɛ tunɔ Sɔ, gbesi tuka wɛnɛ tɔa: «Mi bede le ha soko mbwa, nɛ mi beyal ha soko mbwa. Mi bedung nê Sɔ pɛ mbwa, nɛ mbwa bedung nê kandɔ pɔm.»

Jean 1:14

Nɛ Wen kifo wi, ka dung nɛ multɛ nɛ gbalatɛ fɛt. A dea le ha soko ɔ. A dona nɛ *dede sila nɛ tɛwen fɛt. Ɔ zɔka *lɛkɛ-lɛkɛmɔ pɛa, ka Bafa wa haa ha wɛnɛ, ndanga Bewei pɛa.

Jean 2:22

Tazu hio wan-yambimɔ pɛa gbaa nɛ wen ɛngi sɔna ha ngimɔ ka Jésus guotɛ ha soko hio fiowi. Mɛgi, mbwa mɛkara hio wen pɛ takarata pɛ Sɔ fɛt, nɛ hio wen ka Jésus batɔ se.