Jean 2:11 - Takarata pɛ Sɔ Mbombe Mbon

¹¹ Ɛngɛ nê bosi *mɔweka pɛ Jésus. A dea yo ha Kana, ha kandɔnu Galile. Yo gbasa ziomɔ pɛa ha li hio wi, nɛ hio wan-yambimɔ pɛa mɛkara wɛnɛ.

Jean 2:11 Referans Kwoze

Jean 1:14

Nɛ Wen kifo wi, ka dung nɛ multɛ nɛ gbalatɛ fɛt. A dea le ha soko ɔ. A dona nɛ *dede sila nɛ tɛwen fɛt. Ɔ zɔka *lɛkɛ-lɛkɛmɔ pɛa, ka Bafa wa haa ha wɛnɛ, ndanga Bewei pɛa.

Jean 3:2

Ma zɛ, a nɛa ha pɛ Jésus, nɛ a tɔa ha wɛnɛ: «Wan-osimɔ, ɔ ingɔ nde, yo nê Sɔ ka tomsa mɛ hazu osimɔ ha ɔ. Hazu, ka ngatɛ pɛ Sɔ bo ha tɛ ma wi na, ki a lɛm de hio *mɔweka tuka ka mɛ ha dea na.»

Jean 6:2

Dɔka giliwi nɛa ha pata wa, hazu mbwa zɔka hio *mɔweka ka wɛnɛ dea kpasisi nɛ hio wan-zɛlɛ.

Jean 6:30

Mbwa ana wɛnɛ fin: «Ma, mɛ bede nɛ nge mɔweka ha li ɔ ge nde? Mɛ bede nɛ nge mɔ nde, ka ɔ amɛkiri mɛ ge nde?

Jean 6:26

Jésus kiforo wen ha mbwa: «Mi tɔ kpasawen ha ɛnɛ: Ɛnɛ ki mi, hazu ɛnɛ yɔnga mampa ndɔng zang ɛnɛ don. Yo bo nde, hazu ɛnɛ ingɔ goto *mɔweka pɔm na.

Jean 6:14

Ka hio wi zɔka mɔweka ɛngi ka Jésus dea, mbwa tɔa: «Kpasawen, wei kɛ nê *wan-tɔkuliwen, ka ɛ batɔ sɔngsi nde, a betɛ bin ha nzan.»

2 Korente 4:17

Bebe yeksamɔ ndɔng ka kpa ɔ sising, bepen. Ma, yo ha bhɔngara gasa lɛkɛ-lɛkɛmɔ hazu ɔ. Nɛ lɛkɛ-lɛkɛmɔ ɛngɛ pena mɔ fɛt nɛ yo bebhɔn kpoo.

Jean 14:13

Mɛgi, mi bede mɔ fɛt ka ɛnɛ beani ha kɔ Bafa mi nɛ ling mi, tuka nde mi, Bewei pɛa, agbasi *lɛkɛ-lɛkɛmɔ pɛ Bafa mi ha hio wi.

Jean 12:41

Esaïe batɔ wen ki hazu Jésus, hazu a bazɔk *lɛkɛ-lɛkɛmɔ pɛ *Mesi ha zang zizimɔ.

Jean 12:37

Ngase hio dɔka *mɔweka ka Jésus dea ha li hio wi, mbwa tɛ mɛkiri wɛnɛ na.

Jean 2:23

Ha ngimɔ ka Jésus dungɔ ha gala yenga *Pake ha Jérusalem, hio wi nɛdɔka mɛkara wɛnɛ hazu mbwa zɔka hio *mɔweka ka wɛnɛ dungɔ ha dea.

Jean 1:50

Jésus tɔa ha wɛnɛ: «Mi tɔa nde, mi zɔka mɛ ha si te fige. Yo nê ɛngi, ka mɛ mɛkara mi nde? Mɛ bezɔk fin hio gasamɔ pen ɛngi.»

1 Jean 5:13

Mi ngɛraka takarata ɛngɛ ha ɛnɛ ka mɛkara ling *Bewei pɛ Sɔ tuka nde, ɛnɛ aing nde, ɛnɛ kpaa *tunɔ kpoo kari.

Jean 4:46

Ha Galile, wɛnɛ hɔa ha Kana, le ka wɛnɛ bakifiri li nɛ li vigne. Ma konga nasara dungɔ haki, nɛ ma bem pɛa mɔ bewei dungɔ nɛ zɛlɛ ha Kapernaum.

Jean 5:23

A dea mɛgi tuka nde, hio wi fɛt alukisi mi gbesi tuka mbwa lukisi nɛ Bafa mi. Wi ka lukisi mi na, a lukisi Bafa mi ka tomsa mi na.

2 Korente 4:6

Sɔ batɔ se: «Saamɔ aba ha zang tutum.» Nɛ yo nê wɛnɛ fin, ka dea nde, saamɔ aba ha zang sila ɔ. Mɛgi, a gbosasa li ɔ tuka nde, ɔ aing lɛkɛ-lɛkɛmɔ pɛa, ka ba ha zang li Christ.

2 Korente 3:18

Mɛgi, zang li ɔ fɛt tɛ bo nɛ kpɛa, nɛ yolo lɛkɛ-lɛkɛmɔ pɛ Kongawan ha baa ha zanga. Nɛ wal Sɔtɛ pɛa, Kongawan ha kpalsa ɔ tuka nde, ɔ aba tɛ hinɛ wɛnɛ. Nɛ ɔ ha kpaa lɛkɛ-lɛkɛmɔ pɛa nɛnɛ pen mɔ sɔngsi.

Jean 11:15

Mi nɛ totɛ hazu mi bo ang hinɛ wɛnɛ na. Sɔ dea mɛgi tuka nde, ɛnɛ amɛkiri mi. Ma, ɔ nɛ ha pɛa.»

Jean 1:17

Sɔ baha *mbonga ha ɔ nɛ wal Moïse. Ma, nɛ wal Jésus-Christ wɛnɛ dea dede sila ha tɛ ɔ, nɛ a osa tɛwen ha ɔ.

Jean 1:43

Yala ndang hapata, Jésus ngoya mɛ nɛ ha kandɔnu Galile. Nɛ ka wɛnɛ kpaa Philippe, a tɔa ha wɛnɛ: «Mɛ ndari mi!»

Jean 2:1

Hapata yala bwa, ɛ dea ma yenga sibhoko ha le Kana, ha kandɔnu Galile. Nana mɛ Jésus dungɔ ang.

Jean 4:3

Hazu wen ɛngɛ, a guotɛ ha kandɔnu Judée pen si ha kandɔnu Galile.

Jean 4:54

Ɛngɛ nê zebwa mɔweka ka Jésus dea. A dea yo hapata ka wɛnɛ guotɛ ha Judée si ha Galile.

Jean 7:31

Dɔka wi ha soko giliwi ndɔng mɛkara Jésus, nɛ mbwa dungɔ ha tɔa: «Ha ngimɔ ka Mesi betɛ, a bede *mɔweka pen ɛ ndɔng ka wei kɛ ha dea nde?»

Jean 9:16

Nɛ hio ma Farizien tɔa: «Wei kɛ ka deamɔ tuka ɛngi, a bo nê wi pɛ Sɔ na, hazu a tɛ pam *mbonga hazu wen swe ɔmtɛ na.» Ma, hio ma tɔa: «*Wan-de gdangamɔ lɛm de tili *mɔweka tuka ɛngɛ na.» Mɛgi, hio Farizien kɛtana soko bwa hazu wen ɛngɛ.

Jean 10:41

Hio wi nɛdɔka dungɔ ha tɛa ha pɛa, nɛ mbwa tɔa: «Kpasawen, Jean tɛ de ma *mɔweka ndang na. Ma, mɔ ka wɛnɛ tɔa ha zu wi kɛ, yo nê tɛwen.»

Jean 11:47

Mɛgi, hio gasa wan-hasadaka nɛ hio Farizien wesara hio *wan-kpo zuwen nɛ mbwa tɔa: «Woo! Ɔ bede mɛng? Wei kɛ ha dea hio gasa *mɔweka nɛnɛ!

Jean 12:18

Yo nê ɛngi, ka zugiliwi dungɔ ha wea si Jésus, hazu mbwa zea wen *mɔweka ɛngɛ ka wɛnɛ dea.

Jean 16:27

hazu Bafa mi nɛ tɛ wa ngoya ɛnɛ. Wɛnɛ ngoya ɛnɛ hazu ngoy ka ɛnɛ ngoya nɛ mi, nɛ hazu ɛnɛ mɛkara nde, mi guotɛ ha pɛ Sɔ tɛnɛ.

Jean 16:30

Ɔ zɔka sising nde, mɛ ingɔ mɔ fɛt kari. Mɛ ingɔ mɔ fɛt, ka ɛ beani nɛ mɛ, bingiri ing ki ɛ tɛ ani yo. Yo nê ɛngi, ka ɔ mɛkara nɛ nde, mɛ guotɛ ha pɛ Sɔ tɛnɛ.»