Jean 2:10 - Takarata pɛ Sɔ Mbombe Mbon

¹⁰ nɛ a tɔa ha wɛnɛ: «Hio wi fɛt ha kapana dede li vigne sɔngsi. Nɛ ka yo baa li wan-gal yenga kari, ki ɛ tɛ kapini dɔkɔ ka bo nɛ dedea na. Ma, pɛ mɛ, mɛ pama dede li vigne gbo sising.»

Jean 2:10 Referans Kwoze

Dede Wen hazu Jésus-Christ ka Luc ngɛraka 16:25

Nɛ Abraham tɔa: ‹Bem pɔm, tazu mɛ agba nde, ha ngimɔ tunɔ pɛ mɛ ha nu, mɛ kpaa dedemɔ pɛ mɛ kari. Ma, Lazare dungɔ pɛa nɛ ngɔtɛ. Sising ɛ ha yɔkala wɛnɛ hakɛ, ma, pɛ mɛ, mɛ ha yɔnga nzata.

Matthieu 24:49

Nɛ wɛnɛ beangiri mɛla hio sɔy-tom pɛa, nɛ yɔng nɛ nɔ mɔ hinɛ hio wan-nguru dɔkɔ.

Dede Wen hazu Jésus-Christ ka Luc ngɛraka 12:45

Ma, ka wan-tom ɛngɛ takiri ha sila wa nde, wan pɛa lɛm pe nɛhasa na, a bemɛl hio olo wan-tom mɔ wei nɛ mɔ bhoko, nɛ a beyɔng nɛ nɔ, nɛ fe dɔkɔ.

Deamɔ 2:15

Ɛnɛ ha takara nde, dɔkɔ ha dea wi ndɔng. Way, yo bo mɛgi na. Hazu bhɔna ka sɔna nɛ ngonga mɔrkɔ zanga nar mɔ sutole.

1 Korente 11:21

Hazu, ha ngimɔ yɔngamɔ, wi fɛt ha hasa tɛ mɛ yɔng kanɛ mɔ pɛ mbwa. Mɛgi, hio ma bhɔna pɛ mbwa nɛ wɔ, nɛ hio ma ha fea dɔkɔ.

Efeze 5:18

Ka dɔkɔ ade ɛnɛ na, yu nde, ɛnɛ betɛ tɛ pofa wi ka de mɔ tum. Ma, ɛnɛ agde nde, *Nzɔy-Sɔtɛ adon sila ɛnɛ hɛrr.

1 Tesalonike 5:7

Hazu hio wi dung mɛ ɔla nɛ zɛ. Nɛ mbwa dung fin mɛ fe dɔkɔ nɛ zɛ.

Gbasamɔ 17:2

Hio *kongapora mɔ zu nu dea wanza hinɛ wɛnɛ. Nɛ hio wi mɔ zu nu fea dɔkɔ nɛ li vigne mɔ wanza pɛa.»

Gbasamɔ 17:6

Nɛ mi zɔka nde, bhoko ɛngɛ fea dɔkɔ nɛ wal nɔa tɔktɛ hio wi pɛ Sɔ nɛ tɔktɛ hio wan-kɛwen tɛ Jésus. Nɛ ka mi gɛra wɛnɛ, mi yaksa pentɛ.