Jean 19:6 - Takarata pɛ Sɔ Mbombe Mbon

⁶ Ka hio gasa wan-hasadaka nɛ hio nasara zɔka mɛgi, mbwa gdɔra: «Ngba wɛnɛ ha getakate! Ngba wɛnɛ ha getakate!» Pilate tɔa ha mbwa: «Ɛnɛ ku wɛnɛ nɛ tɛ ɛnɛ, nɛ nɛ ngba ha getakate. Hazu pɔm, mi tɛ kpa ma gdangamɔ pɛa ka lɛma nɛ kita fio na.»

Jean 19:6 Referans Kwoze

Jean 18:31

Pilate tɔa ha mbwa: «Ɛnɛ ku wɛnɛ nɛ tɛ ɛnɛ, ɛnɛ gɔn kita ha zu wa lɛm nɛ *mbonga pɛ ɛnɛ.» Hio wan-le zuife kiforo wen: «Mbonga mɔ Rome tɛ ha ɔ wal mɛ gbɛ wi na.»

Jean 19:4

Nɛ Pilate gboa fin nɛ ha pɛ hio giliwi. A tɔa ha mbwa: «Ɛnɛ ze, mi beku wɛnɛ tɛnɛ ha ɛnɛ hakɛ ha dɛl hazu osi ha ɛnɛ nde, mi tɛ kpa ma gdangamɔ pɛa ka lɛma nɛ kita fio ndang na.»

Deamɔ 7:52

Hio ngbabafa ɛnɛ namala hio wan-tɔkuliwen fɛt. Mbwa gbɛa hio wi, ka batɔ wen tɛa pɛ *Mesi, ndanga *nzeng wi. Yo nê wɛnɛ ka ɛnɛ haa kasatɛ wa nɛ gbɛa wɛnɛ.

Deamɔ 2:23

Ɛ gdea Jésus ha kɔ ɛnɛ, nɛ ɛnɛ gbɛa wɛnɛ ha getakate nɛ wal kɔ wi ndɔng, ka mɛkiri Sɔ na. Mɔ hɔa mɛgi lɛm nɛ kpoa zuwen ka Sɔ babhɔngiri ha sila wa sɔngsi.

Jean 19:15

Nɛ mbwa gdɔra gbɔɔ: «Gbɛ wɛnɛ gbɛ! Gbɛ wɛnɛ gbɛ! Mɛ ngba wɛnɛ ha getakate!» Pilate tɔa ha mbwa: «Ɛnɛ ngoy nde, mi angba kongapora pɛ ɛnɛ ha getakate?» Hio gasa wan-hasadaka tɔa: «Ɔ bo nɛ ma mbing kongapora na, kanɛ kongapora Sezar sɔna.»

Dede Wen hazu Jésus-Christ ka Luc ngɛraka 23:4

Mɛgi Pilate tɔa ha hio gasa wan-hasadaka nɛ ha giliwi: «Mi tɛ kpa ma wen mɛ gɔn kita ba wɛnɛ ndang na.»

Matthieu 27:24

Ka Pilate zɔka nde, a lɛm gan zu giliwi na, nɛ ka woto-wotomɔ penatɛ, wɛnɛ ana li, a taya kɔ wa ha li hio wi fɛt nɛ tɔa: «Fio pɛ wi ɛngɛ zɔk mi na! Yo nê wen pɛ ɛnɛ!»

Matthieu 27:22

Nɛ Pilate ana mbwa fin: «Mɛgi mi bede mɛng nɛ Jésus ka ɛ sa nde Mesi ge nde?» Mbwa fɛt gdɔra: «Ngba wɛnɛ ha getakate!»

Matthieu 26:58

Pierre dungɔ nɛyɛa nak nɛ pata wa nɛnɛ, kanɛ lɛkɛ-lɛkɛ twa pɛ wan-zu hio wan-hasadaka. A lea zang dɛl nɛ dungɔnu ha soko hio wan-tom, hazu zɔk mɔ ka behɔ.

Jean 18:3

Judas ngbɔsa zugili bulo mɔ Rome nɛ hio ma nasara pam *gasa twa Sɔ nɛnɛ haki. Yo nê hio gasa wan-hasadaka nɛ hio *Farizien ka tomsa mbwa. Mbwa dungɔ nɛ mɔ bi bulo, nɛ lamba, nɛ kan-du we ha kɔ mbwa.

Jean 18:38

Pilate ana Jésus: «Tɛwen nê ge?» Hapata wen ndɔng, Pilate gboa fin nɛ mbinga nɛ ha dɛl ha pɛ hio *zuife. Nɛ a tɔa ha mbwa: «Pɔm, mi tɛ kpa ma gdangamɔ ka ɛ lɛma mɛ gɔn nɛ kita ha zu wa ndang na.