Jean 19:11 - Takarata pɛ Sɔ Mbombe Mbon

¹¹ Jésus kiforo wen ha wɛnɛ: «Mɛ bo nɛ ziomɔ ha zu mi na, ka Sɔ tɛ ha yo ha mɛ na. Hazu ɛngi, wi kɛ ka gdea mi ha kɔ mɛ, gdangamɔ pɛa pena pɛ mɛ.»

Jean 19:11 Referans Kwoze

Rome 13:1

Dea nde, wi ndang ndang fɛt aze nu hio gasa wi mɔ zu le. Hazu yo nê Sɔ ka ha ziomɔ ha mbwa ndang ndang fɛt. Nɛ yo nê wɛnɛ ka gde mbwa ha zu le.

Jean 3:27

Jean kiforo wen ha mbwa: «Wi lɛm kpa ngase bebe mɔ na, ka Sɔ tɛ ha yo ha wɛnɛ na.

Deamɔ 2:23

Ɛ gdea Jésus ha kɔ ɛnɛ, nɛ ɛnɛ gbɛa wɛnɛ ha getakate nɛ wal kɔ wi ndɔng, ka mɛkiri Sɔ na. Mɔ hɔa mɛgi lɛm nɛ kpoa zuwen ka Sɔ babhɔngiri ha sila wa sɔngsi.

Deamɔ 3:13

Ma, yo nê Sɔ pɛ Abraham, Isaac, Jacob, nɛ hio ngbabafa ɔ fɛt, ka gbasa *lɛkɛ-lɛkɛmɔ pɛ Jésus, wan-tom pɛa, nɛ wal kpasasa wei ɛngɛ. Ɛnɛ nɛ tɛ ɛnɛ gdea Jésus ha kɔ gɔfɔrma Pilate. Nɛ ɛnɛ kafa wɛnɛ long ha li wa, ngase wɛnɛ kpoa zuwen mɛ daksi kɔ ha tɛ wa kari.

Jean 7:30

Mɛgi, mbwa dungɔ ha kio wal mɛ ba wɛnɛ. Ma, ma wi ndang tɛ gde kɔ ha tɛ wa na. Hazu ngimɔ pɛa tɛ lɛm ka na.

Jacques 1:17

Dedemɔ nɛ mɔ fɛt, ka lɛma wɛɛ, gutɛ ha ngɔn. Yo nê Sɔ ha tomsi yo tɛnɛ. Wɛnɛ dea swe nɛ ze nɛ hio sɔla fɛt, ka yoloa bekpali nɛ tu. Ma, pɛa yo bo mɛgi ndang na.

Matthieu 6:13

Lesisi ɔ ha *sɛbhalamɔ na, ma, kpasisi ɔ gbo ha gdangamɔ. [Hazu kongakandɔ, nɛ ziomɔ, nɛ *lɛkɛ-lɛkɛmɔ dung ha kɔ mɛ kpoo. Amen.]›

Jacques 4:17

Mɛgi, wi ka ingɔ wal mɛ de dedemɔ, nɛ ka de yo na, wia dea gdangamɔ.

Rome 11:36

Kpasawen, yo nê Sɔ ka dea mɔ fɛt. Mɔ fɛt dung ang nɛ wal wɛnɛ, nɛ yo fɛt hazu wa. *Lɛkɛ-lɛkɛmɔ ha kɔ Sɔ kpoo nɛ kpoo. Amen.

Deamɔ 4:28

Mɛgi, mbwa lɛmsara hio mɔ fɛt, ka mɛ babhɔngiri sɔngsi nɛ wal ngatɛ pɛ mɛ. Mɛ ngoya nde, mɔ ahɔ tuka ɛngɛ.

Matthieu 27:2

Mbwa sanga wɛnɛ, nɛ mbwa baa wɛnɛ nɛnɛ ha pɛ gɔfɔrma Ponse Pilate. Nɛ mbwa gdea wɛnɛ ha kɔ wa.

Marc 14:44

Judas, wan-hakasatɛ Jésus, baosi ha mbwa wal mɛ ing wɛnɛ sɔngsi, a batɔ: «Wi ka mi beduy mbuku wa, yo nê Jésus. Ɛnɛ aba wɛnɛ nɛ pam wɛnɛ nɛkpasa!»

Jean 18:3

Judas ngbɔsa zugili bulo mɔ Rome nɛ hio ma nasara pam *gasa twa Sɔ nɛnɛ haki. Yo nê hio gasa wan-hasadaka nɛ hio *Farizien ka tomsa mbwa. Mbwa dungɔ nɛ mɔ bi bulo, nɛ lamba, nɛ kan-du we ha kɔ mbwa.

Jean 9:41

Nɛ Jésus kiforo wen ha mbwa: «Ɛnɛ abo se nê hio wan-gdɔka li, ki ma *sɛmbɔ bo ha zu ɛnɛ na. Ma, ɛnɛ tɔa nde, ɛnɛ nê hio wan-dede li. Mɛgi, sɛmbɔ bebhɔn ha zu ɛnɛ.»

Dede Wen hazu Jésus-Christ ka Luc ngɛraka 22:53

Mi dungɔ swe fɛt hinɛ ɛnɛ ha gasa twa Sɔ, nɛ ɛnɛ tɛ yafifi kɔ ɛnɛ sungiri mi na. Ma, sising ngimɔ pɛ ɛnɛ hɔa. Yo nê ngimɔ pɛ ngatɛ mɔ tutum.»

Matthieu 26:65

Mɛgi ngambi dea wan-zu hio wan-hasadaka nɛ wɛnɛ gba latɛ pɛa nɛ pɛa tɛ. Nɛ wɛnɛ tɔa: «Wɛnɛ fɛngsa Sɔ! Ɔ lɛm ki ma wan-kɛwen fin na! Ɛnɛ zea fɛngsamɔ ka wɛnɛ fɛngsa nɛ Sɔ!

Jean 18:13

Mbwa kuo wɛnɛ nɛnɛ ha pɛ Anne, hazu Anne nê folo mɛ Kaife, ka dungɔ nê *wan-zu hio wan-hasadaka ha bɛlɛ ɛngi.

Jean 19:10

Mɛgi, Pilate ana wɛnɛ: «Mɛ kafi tɔa wen ha mi, hazu ge? Mɛ ing nde, mi nɛ ziomɔ mɛ ha nu nde, ɛ adaksi kɔ ha tɛ mɛ, mana nde, ɛ angba mɛ ha getakate, na nde?»