Jean 17:1 - Takarata pɛ Sɔ Mbombe Mbon

¹ Ka Jésus tɔa wen ndɔng fɛt kari, a guo li ha ngɔn nɛ a tɔa: «Bafa mi, ngimɔ lɛma kari. Mɛ gbasi *lɛkɛ-lɛkɛmɔ pɔm, Bewei pɛ mɛ, ha hio wi tuka nde, mi agbasi lɛkɛ-lɛkɛmɔ pɛ mɛ ha mbwa fin.

Jean 17:1 Referans Kwoze

Jean 12:23

Jésus kiforo wen ha mbwa: «Ngimɔ ka Sɔ beha nɛ *lɛkɛ-lɛkɛmɔ ha mi, *Bewei pɛ Wi, yo lɛma kari.

Deamɔ 3:13

Ma, yo nê Sɔ pɛ Abraham, Isaac, Jacob, nɛ hio ngbabafa ɔ fɛt, ka gbasa *lɛkɛ-lɛkɛmɔ pɛ Jésus, wan-tom pɛa, nɛ wal kpasasa wei ɛngɛ. Ɛnɛ nɛ tɛ ɛnɛ gdea Jésus ha kɔ gɔfɔrma Pilate. Nɛ ɛnɛ kafa wɛnɛ long ha li wa, ngase wɛnɛ kpoa zuwen mɛ daksi kɔ ha tɛ wa kari.

Jean 7:39

Jésus tɔa wen ɛngi hazu *Nzɔy-Sɔtɛ ka hio wan-mɛkiri wɛnɛ bekpa. Ha ngimɔ ɛngi, Nzɔy-Sɔtɛ tɛ zil ka tɛ ha nzan na, hazu Sɔ tɛ ba ka Jésus ha zang *lɛkɛ-lɛkɛmɔ na.

1 Pierre 1:21

Ɛnɛ mɛkara Sɔ nɛ wal Christ. Sɔ guo wɛnɛ ha soko hio fiowi, nɛ a haa wɛnɛ *lɛkɛ-lɛkɛmɔ. Yo nê ɛngi, ka ɛnɛ kpaa wal mɛ mɛkiri Sɔ, nɛ mɛ gde tazu ha tɛ wa.

Jean 11:4

Ka Jésus zea wena, a tɔa: «Zɛlɛ pɛ Lazare bo nê zɛlɛ fio na. Ma, yo baa wɛnɛ tuka nde, Sɔ agbasi *lɛkɛ-lɛkɛmɔ pɛa, nɛ nde, ɛ azɔk fin lɛkɛ-lɛkɛmɔ pɔm, *Bewei pɛ Sɔ.»

Marc 14:41

Nɛ ka wɛnɛ pea ha zetara, a tɔa ha mbwa: «Ɛnɛ boka ha ɔala nɛ ɔmatɛ nde? Yo kara! Ngimɔ lɛma kari, ka ɛ begde mi, *Bewei pɛ Wi ha kɔ hio *wan-de gdangamɔ.

Jean 11:41

Ɛ kinso ta yunɛ. Jésus guo li ha ngɔn nɛ wɛnɛ tɔa: «Bafa mi, mi lukisi mɛ hazu mɛ ha zea gɔamɔ pɔm.

Jean 8:20

Jésus tɔa hio wen ndɔng ha ngimɔ ka wɛnɛ dungɔ ha osamɔ ha zang *gasa twa Sɔ, ha bhandi wesiri mbɔli ha Sɔ. Ma, ɛ tɛ ba wɛnɛ na, hazu ngimɔ pɛa tɛ lɛm ka na.

Jean 7:30

Mɛgi, mbwa dungɔ ha kio wal mɛ ba wɛnɛ. Ma, ma wi ndang tɛ gde kɔ ha tɛ wa na. Hazu ngimɔ pɛa tɛ lɛm ka na.

Jean 16:32

Ma, ma ngimɔ ha tɛa nɛ yo hɔa kari, ka ɛnɛ ndang ndang fɛt bepanziki si ha le pɛ ɛnɛ lak mi gde. Ma, mi lɛm dung gbatɛ na, hazu Bafa mi dung hinɛ mi.

Jean 13:1

Ha gangli yenga *Pake, Jésus ingɔ nde, a tɛ bo sanga-sanga mɛ lak nu ɛngɛ gde, hazu kifiri si ha pɛ Bafa wa. Swe fɛt wɛnɛ ngoya hio wi pɛa ha nzan, nɛ sising a gbasi nde, a ngoya mbwa wɛ ɛ.

Dede Wen hazu Jésus-Christ ka Luc ngɛraka 22:53

Mi dungɔ swe fɛt hinɛ ɛnɛ ha gasa twa Sɔ, nɛ ɛnɛ tɛ yafifi kɔ ɛnɛ sungiri mi na. Ma, sising ngimɔ pɛ ɛnɛ hɔa. Yo nê ngimɔ pɛ ngatɛ mɔ tutum.»

Dede Wen hazu Jésus-Christ ka Luc ngɛraka 18:13

Ma, wan-ndɛm mbɔli garama yola pɛa ha gdong. A ngoy guo li wa ha ngɔn na. Ma, a mɛla mbanzi wa nɛ ngɔtɛ nɛ a tɔa: ‹Woo Sɔ! De kobhe tɛ mi wa. Mi nê *wan-de gdangamɔ.›»