Jean 16:5 - Takarata pɛ Sɔ Mbombe Mbon

⁵ «Sising, mi ha sioa ha pɛ wan-tomsi mi tɛnɛ. Nɛ ma wi ha soko ɛnɛ tɛ ani bhandi ka mi nɛ ang na.

Jean 16:5 Referans Kwoze

Jean 13:36

Simon Pierre ana Jésus: «*Kongawan, mɛ nɛ ha ndo?» Jésus kiforo wen ha wɛnɛ: «Sising, mɛ lɛm mɛ ndari mi nɛnɛ ha bhandi ka mi nɛ ang na. Ma, mɛ bendari mi bin hapata.»

Jean 7:33

Jésus tɔa: «Mi dung fin hinɛ ɛnɛ ngimɔ tikiring. Hapata, mi benɛ ha pɛ wi ka tomsa mi.

Jean 16:28

Mi guotɛ ha pɛ Bafa mi tɛnɛ ha nzan. Sising mi ha guotɛ fin ha nzan hazu kifiri si ha pɛ Bafa mi.»

Jean 17:4

Ha ngimɔ ka mi dungɔ ha nzan, mi osa lɛkɛ-lɛkɛmɔ pɛ mɛ ha hio wi nɛ wal dea tom ka mɛ haa mi mɛ de.

Jean 16:10

A begbasi hazu wen nzeng mɔ nde, Bafa mi ha mbwa wal mɛ tɛ *nzeng wi, hazu mi besi nɛ ha pɛa, ha bhandi ka ɛnɛ lɛm zɔk mi fin na.

Hebro 12:2

Ɔ azɔk kanɛ Jésus, wɛnɛ ka dung nê nanga mɛkaramɔ pɛ ɔ, nɛ fin wi ka lɛmsiri yo wɛɛ. A baa sila wa nɛ kɔ ha zang fio ha getakate. A zɔka foy mɔ fio ɛngɛ tuka gbelemɔ, hazu a gdea li wa ha totɛ ka wɛnɛ bekpa nɛ pata. Nɛ sising, wɛnɛ ha dungɔnu ha wekɔ Sɔ, hapɛtɛ solowan pɛ Sɔ.

Hebro 1:3

Wɛnɛ ha gbasa *lɛkɛ-lɛkɛmɔ pɛ Sɔ ha hio wi, dungɔ pɛa fɛt tuka pɛ Sɔ, nɛ wɛnɛ tɔn nzan fɛt nɛ wal ngatɛ mɔ wen nu wa. Hapata ka wɛnɛ zosa *sɛmbɔ pɛ hio wi kari, a dungɔnu ha ngɔn ha wekɔ Sɔ, ka dung nɛ ziomɔ pen fɛt.

Jean 13:3

Jésus ingɔ nde, Sɔ gdea mɔ fɛt ha kɔ wa. A ingɔ fin nde, a bagutɛ ha pɛ Sɔ tɛnɛ, nɛ nde, a bekifiri si ha pɛ Sɔ.

Jean 16:16

«Ngimɔ tikiring, ɛnɛ lɛm zɔk mi fin na. Hapata ngimɔ tikiring fin, ɛnɛ bezɔk mi fin.»

Jean 14:28

Ɛnɛ zea wen ka mi tɔa ha ɛnɛ nde, mi ha pena nɛ mi bepe bin ha pɛ ɛnɛ. Ka bo se nde, ɛnɛ ngoya mi, ki ɛnɛ dea totɛ hazu mi ha nɛa ha pɛ Bafa mi, hazu wɛnɛ nɛ gasaa pen mi.

Jean 6:62

Ma, ha ngimɔ ka ɛnɛ bezɔk mi, *Bewei pɛ Wi ha danga si ha ngɔn, ha bhandi ka mi badung ang tɛnɛ, ɛnɛ betɔ nɛ nge wen ge nde?

Jean 17:13

Ma, sising, mi ha kiforo si ha pɛ mɛ. Mi tɔ wen ndɔng ha mbwa ha ngimɔ ka mi bhɔna ka hakɛ ha nzan, tuka nde, ndangtɛ totɛ ka dung ha sila mi, yo adung ha sila mbwa fin, nɛ tuka nde, totɛ pɛ mbwa alɛm wɛɛ.

Jean 16:17

Mɛgi, hio ma *wan-yambimɔ pɛa ana may: «Jésus tɔa ha ɔ nde, ngimɔ tikiring, ɔ lɛm zɔk wɛnɛ fin na. Hapata ngimɔ tikiring fin, ɔ bezɔk wɛnɛ fin. Nɛ a tɔa fin nde, wɛnɛ ha sioa ha pɛ Bafa wa. Hio wen ndɔng ngoy tɔ nde ge?