Jean 16:10 - Takarata pɛ Sɔ Mbombe Mbon

¹⁰ A begbasi hazu wen nzeng mɔ nde, Bafa mi ha mbwa wal mɛ tɛ *nzeng wi, hazu mi besi nɛ ha pɛa, ha bhandi ka ɛnɛ lɛm zɔk mi fin na.

Jean 16:10 Referans Kwoze

1 Pierre 3:18

Hazu Christ fea ze ndang hireng gɔn zu *sɛmbɔ pɛ hio wi. Wɛnɛ ka dung nê nzeng wi, fea gɔn zu ɔ, hio *kalbho-kalbho wi hazu ku ɔ nɛnɛ ha pɛ Sɔ. Hio wi gbɛa tɛ wa, ma, Sɔ tunso wɛnɛ nɛ mbinga nɛ wal *Nzɔy-Sɔtɛ.

2 Korente 5:21

Christ tɛ de ma gdangamɔ ndang na. Ma, ngase ɛngi, Sɔ kuo gdangamɔ pɛ ɔ gde ha zu Christ tuka nde, ɔ adung nzeng ha li wa nɛ wal wɛnɛ.

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.

1 Korente 1:30

Ma, yo nê Sɔ ha de nde, ɛnɛ ade sɔy hinɛ Jésus-Christ, ka tɛ bo nê mbaramɔ pɛ Sɔ hazu ɔ. Yo nê wɛnɛ ka gdea ɔ nzeng ha li Sɔ, ka gdea ɔ nɛtɛ hazu dung nê nzɔy kandɔ pɛ Sɔ, nɛ ka yanga ɔ ha si gdangamɔ.

Deamɔ 3:14

Ɛnɛ kafa wɛnɛ ka dung nɛ nzɔya nɛ nzeng, nɛ ɛnɛ ana Pilate mɛ gbosisi nɛ nagbɛwi ha ɛnɛ.

Galasi 5:5

Pɛ ɔ, ɔ gde tazu ɔ nɛ wal *Nzɔy-Sɔtɛ ha tɛ Sɔ nde, wɛnɛ begde ɔ nzeng ha li wa hazu ɔ mɛkara Christ. Nɛ ɔ ha kera mɔ ɛngɛ nɛ sila ɔ fɛt.

Rome 1:17

Kpasawen, Dede Wen gbasi wal ka Sɔ gde wi nzeng ha li wa. Hazu kpa wal ɛngɛ, lɛma ka lɛm sɔna nde, wia amɛkiri Jésus-Christ, nɛ mɛkaramɔ ɛngɛ belɛm nɛkpasa. Yo gbesi tuka ɛ ngɛraka ha takarata pɛ Sɔ nde, «Wi ka dung nzeng ha li Sɔ nɛ wal mɛkaramɔ, wia bedung nɛ tunɔ.»

Deamɔ 17:31

Hazu a weka ma yala, ka wɛnɛ begɔn nzeng kita ha zu hio wi mɔ nzan fɛt. A weka wan-gɔn kita ɛngɛ kari, nɛ a gbasa wɛnɛ long nɛ wal guo wɛnɛ ha soko hio fio wi.»

Deamɔ 7:52

Hio ngbabafa ɛnɛ namala hio wan-tɔkuliwen fɛt. Mbwa gbɛa hio wi, ka batɔ wen tɛa pɛ *Mesi, ndanga *nzeng wi. Yo nê wɛnɛ ka ɛnɛ haa kasatɛ wa nɛ gbɛa wɛnɛ.

Deamɔ 2:32

«Ɔ nê wan-kɛwen nde, Sɔ tunso Jésus ɛngɛ ha soko hio fiowi.

Jean 5:32

Ma, ma wi ang ka kɛ wen pɔm. Nɛ mi ingɔ nde, wen tɛ mi ka wɛnɛ kɛ, nê tɛwen.

Jean 3:14

«Sɔngsi ha kpɛnu, Moïse bagu gɔk ka wɛnɛ dea nɛ bolo gde ha ngɔn ha zu tongolo. Lɛma nde, ɛ agu mi, Bewei pɛ Wi, gde ha ngɔn gbesi.

Jean 7:33

Jésus tɔa: «Mi dung fin hinɛ ɛnɛ ngimɔ tikiring. Hapata, mi benɛ ha pɛ wi ka tomsa mi.

Jean 16:5

«Sising, mi ha sioa ha pɛ wan-tomsi mi tɛnɛ. Nɛ ma wi ha soko ɛnɛ tɛ ani bhandi ka mi nɛ ang na.

Jean 16:28

Mi guotɛ ha pɛ Bafa mi tɛnɛ ha nzan. Sising mi ha guotɛ fin ha nzan hazu kifiri si ha pɛ Bafa mi.»