Jean 15:2 - Takarata pɛ Sɔ Mbombe Mbon

² Hio gbakɔ te ndang ndang fɛt ka dung ha tɛ mi nɛ ka way na, Bafa mi begɔn yo yunɛ. Ma, hio gbakɔa ndɔng ka way waya, a besasisi yo nde, yo away fin nɛdɔka pen mɔ sɔngsi.

Jean 15:2 Referans Kwoze

Matthieu 3:10

Ɛ gdea kpe ha gunte kari, te ndang ndang fɛt ka way dede waya na, ɛ begɔn yo pi ha we.

Matthieu 15:13

Nɛ Jésus kiforo wen: «Hio te ndɔng ka Bafa mi ha zang ngɔn tɛ gun na, ɛ bezuri yo fɛt pi.

Gbasamɔ 3:19

Hio wi fɛt ka mi ngoy, mi dak zala mbwa nɛ ndulsi mbwa. Mɛgi, ɛnɛ gbɛngsi tɛ ɛnɛ, nɛ ɛnɛ kifiri sila ɛnɛ.

Jean 15:8

Ka ɛnɛ nê hio kpasa *wan-yambimɔ pɔm, ɛnɛ way dɔka waya. Yo nê mɛgi, ka ɛnɛ gbasi *lɛkɛ-lɛkɛmɔ pɛ Bafa mi ha hio wi.

Matthieu 13:12

Hazu ɛ beha mɔ ha wi ka dung nɛ mɔ ha kɔ wa. Nɛ wɛnɛ bedung ha zang yɛbhɛ-yɛbhɛ kpaamɔ. Ma, wi ka bo nɛ ma mɔ na, ngase bebe mɔ ka dung ha kɔ wa, ɛ beku yo yunɛ.

Matthieu 3:12

Wɛnɛ tɛ bo sanga mɛ pɛfi kpalmɔ pɛa. Hapata a besasisi bhandi pɛfi mɔ. A bewesiri hongbongbo kpalmɔ gde ha zang gulo, nɛ a bebesisi sara ha we ka bisi na.»

Matthieu 21:19

A zɔka ma te fige hapɛtɛ wal. Nɛ a tiko tɛ hapɛtɛa mɛ bhi wayaa. Ma, a kpaa kanɛ hio waa sɔna. Mɛgi wɛnɛ tɔa ha te fige ɛngɛ: «Kpɛ-kpɛ-kpɛ! Mɛ lɛm way fin na!» Nɛhasa, te ɛngɛ kota.

Hebro 12:15

Ɛnɛ pangay yu nde, ma wi betɛ kɔpi *dede sila ka Sɔ de ha tɛ hio wi. Nɛ ɛnɛ pangay fin yu nde, ma wi ha soko ɛnɛ betɛ dung tuka panga te, ka kpɔtɛ nɛ bhunziki sila hio dɔka wi nɛ wal gdanga yina pɛa.

Jean 15:16

Yo bo nê ɛnɛ ka weka mi tuka wan-osimɔ na. Ma, yo nê mi ka weka ɛnɛ tuka nde, ɛnɛ anɛ nɛ way waya ka bebhɔn kpoo. Mɛgi, Bafa mi beha ɛnɛ mɔ fɛt ka ɛnɛ beani nɛ ling mi.

Dede Wen hazu Jésus-Christ ka Luc ngɛraka 8:13

Pɛ hio ma, yo gbesi nganu. Mbwa zea wen pɛ Sɔ nɛ totɛ. Ma, wena kpa kua ha zang sila mbwa na. Mbwa mɛkiri ngimɔ tikiring, nɛ ka ɛ wea sila mbwa, mbwa laka mɛkaramɔ gde.

1 Jean 2:19

Hio wi ndɔng dungɔ ha soko ɔ sɔngsi. Ma, mbwa tɛ dung nê pɛ ɔ na. Yo nê ɛngi ka mbwa gboa. Hazu mbwa abo se nê pɛ ɔ, ki mbwa bhɔna hinɛ ɔ. Ma, mɔ hɔa mɛgi hazu gbasi long nde, ma ndang ha soko mbwa tɛ dung nê wi pɛ ɔ na.

Tite 2:14

Jésus-Christ fea gɔn zu ɔ hazu yangi ɔ ha dea tili kpandele fɛt, nɛ hazu sasisi ɔ tuka nde, ɔ adung nê kandɔ pɛa, ka gbɛngsi tɛ swe fɛt ha dea dedemɔ.

1 Korente 13:1

Ka mi wol mɔ nɛ nu pɛ hio wi nɛ pɛ hio *telenge, ma, ka mi ngoy hio wi na, gɛl mi tɛ bo nê kenge keng-keng, mana bio ngbum-ngbum.

Rome 8:28

Hio wi ndɔng ka ngoy Sɔ, nɛ ka Sɔ saa mbwa tuka sila wa bheka, ɔ ingɔ nde, Sɔ ha bhɔngara mɔ fɛt ka kpa may hinɛ mbwa, tuka nde, mɔ ndɔng adung nê dedemɔ hazu mbwa.

Jean 17:12

Ha ngimɔ ka mi dungɔ hakɛ ha nzan, mi pama mbwa nɛ wal ziomɔ pɛ ling mɛ ka mɛ haa ha mi. Mi pama mbwa, nɛ ma ndang tɛ yɔ mɔ na, kanɛ wi kɛ ka ɛ bangɛriki se wen pɛa ha zang takarata pɛ mɛ nde, a beyɔmɔ. Mɛgi, wen ɛngi lɛmsara tɛ.

Matthieu 13:33

Nɛ Jésus tɔa ma mbing towen ha mbwa: «Kpɔatɛ pɛ *Kongakandɔ Ngɔn dung tuka yina hasisi mampa ka ma bhoko kuo tikiring vɔtiki nɛ dɔka fok, kanɛ mbɔrɔa fɛt haa don toy.»

Matthieu 7:19

Te fɛt ka way dede wayaa na, ɛ begɔn yo pi ha we.

Matthieu 25:29

Hazu ka ma wi nɛ mɔ ha kɔ wa, ɛ begde ma ha zua. Nɛ wɛnɛ bedung ha zang yɛbhɛ-yɛbhɛ kpaamɔ. Ma, wi ka bo nɛ mɔ ha kɔ wa na, ɛ bezin ngase bebe mɔ ka dung ha kɔ wa yunɛ.

Marc 4:20

Fin, hio ma wi ang ka ba wen pɛ Sɔ tuka kpalmɔ ka teka ha dede nu. Yo nê wi ndɔng ka zea nɛ mɛkara wen pɛ Sɔ. Nɛ mbwa waya, ma bhukɔa tar, ma waya bhukɔa mɔrkɔ zu bhukɔa ndang, nɛ ma waya gɔmmay ndang.»

Jean 15:1

«Mi nê kpasa te vigne, nɛ Bafa mi nê wan-fɔ vigne.

Jean 15:3

Pɛ ɛnɛ, mɔ ndɔng ka mi osa ha ɛnɛ, yo sasasa ɛnɛ kari.

Jean 15:6

Ka ma wi bhɔn ha tɛ mi na, Sɔ bepi wɛnɛ ha dɛl tuka ka ɛ pi nɛ gbakɔ te, ka teka nu. Ka yo kota kari, ɛ kaya yo a ha we, nɛ yo bea we fɛt mburr.

Rome 11:17

Kandɔ *Israel, hio zuife, dung tuka dede te olive ka ɛ gunɔ ha zang fɔ, nɛ ka ɛ gɔna hio ma gbakɔa yunɛ. Nɛ mɛ, ka bo nê zuife na, mɛ dung tuka ma gbakɔte ka dung ha zang bɛlɛ, nɛ ka ɛ gɔna ndari ha li bhandi dede gbakɔte ɛngɛ. Mɛgi, mɛ tɛ bo ha kpaa ndangtɛ li te ka gutɛ ha gunte ɛngɛ.

Rome 11:22

Mɛ ing nde, Sɔ nê wan-de *dede sila, nɛ wɛnɛ fin nê wan-gɔn kita nɛngaya. A gɔn kita nɛngaya ha zu wi ndɔng ka lak wal pɛa gde. Pɛ mɛ, wɛnɛ ha dea dede sila ha tɛ mɛ. Ma, dea ka de nde, mɛ abhɔn ka ha gdea tazu mɛ ha dede sila pɛa. Ka bo mɛgi na, ki a begɔn mɛ yunɛ fin.