Jean 15:1 - Takarata pɛ Sɔ Mbombe Mbon

¹ «Mi nê kpasa te vigne, nɛ Bafa mi nê wan-fɔ vigne.

Jean 15:1 Referans Kwoze

1 Korente 3:9

Hazu, ɔ nê hio sɔy-tom ha tom pɛ Sɔ, nɛ ɛnɛ dung tuka fɔ pɛ Sɔ. Nɛ ɛnɛ dung fin tuka twa pɛ Sɔ.

Jean 6:55

Hazu multɛ mi nê kpasa yɔngamɔ mɛ yɔng. Nɛ tɔktɛ mi nê kpasa mɔ mɛ nɔ.

1 Jean 2:8

Ma, ngase ɛngi, mbonga ka mi ngɛriki ha ɛnɛ, yo bhɔna nê mbombea. Deamɔ pɛ Jésus-Christ gbasa nde, mbonga ɛngɛ nê tɛwen, nɛ deamɔ pɛ ɛnɛ ha gbasa yo fin. Hazu tutum ha pena, nɛ kpasa saamɔ ha baa kari.

Marc 12:1

Hapata, Jésus angara wolamɔ ha mbwa nɛ towen, a tɔa: «Ma wi bagun se te vigne ha fɔ pɛa. Wɛnɛ dea ngalɔ zikiri nɛ yo fɛt. Hapata, a zaa ma kɔ ha zang gogo ta hazu bhal nɛ li vigne. Wɛnɛ bɛa ma kuso twa mɛ pɛm nɛ fɔ. A gdea fɔ ɛngɛ ha kɔ hio ma wan-tom, nɛ wɛnɛ nɛa gɛnɛ ha ma bhandi nɛyɛa.

Matthieu 21:33

«Ɛnɛ ze ma mbing towen. Ma wan-fɔ bagun se te vigne ha fɔ pɛa. Wɛnɛ dea ngalɔ zikiri nɛ yo fɛt. A zaa ma kɔ ha zang gogo ta hazu bhal nɛ li vigne. Wɛnɛ bɛa ma kuso twa mɛ pɛm nɛ fɔ. Nɛ a gdea fɔ ɛngɛ ha kɔ hio ma wan-tom, nɛ wɛnɛ nɛa gɛnɛ ha ma bhandi nɛyɛa.

Jean 6:32

Jésus tɔa ha mbwa: «Mi tɔ kpasawen ha ɛnɛ nde, yo bo nê Moïse ka baha yɔngamɔ ka tɛ nɛ ngɔn na. Ma, yo nê Bafa mi ka ha ɛnɛ kpasa yɔngamɔ ka tɛ nɛ wal ngɔn.

Dede Wen hazu Jésus-Christ ka Luc ngɛraka 13:6

Hapata Jésus tɔa ma towen ha mbwa: «Ma wi bagun se ma te fige ha fɔ pɛa. Ngimɔ fɛt ka wɛnɛ nɛ hazu bhi wayaa, a kpa ma mɔ ndang na.

Matthieu 20:1

«*Kongakandɔ Ngɔn gbesi tuka ma wan-gasa fɔ ka nɛa nɛ sutole sut ha kio hio wan-tom mɛ gɔm fɔ vigne pɛa.

Jean 1:9

Wi ka ɛ sa nde, Wen, nê ngbak saamɔ ka tɛa ha zang nzan, nɛ wɛnɛ ha baa ha zu hio wi fɛt buee.

Jean 1:17

Sɔ baha *mbonga ha ɔ nɛ wal Moïse. Ma, nɛ wal Jésus-Christ wɛnɛ dea dede sila ha tɛ ɔ, nɛ a osa tɛwen ha ɔ.

Matthieu 15:13

Nɛ Jésus kiforo wen: «Hio te ndɔng ka Bafa mi ha zang ngɔn tɛ gun na, ɛ bezuri yo fɛt pi.

Jean 15:2

Hio gbakɔ te ndang ndang fɛt ka dung ha tɛ mi nɛ ka way na, Bafa mi begɔn yo yunɛ. Ma, hio gbakɔa ndɔng ka way waya, a besasisi yo nde, yo away fin nɛdɔka pen mɔ sɔngsi.

Rome 11:17

Kandɔ *Israel, hio zuife, dung tuka dede te olive ka ɛ gunɔ ha zang fɔ, nɛ ka ɛ gɔna hio ma gbakɔa yunɛ. Nɛ mɛ, ka bo nê zuife na, mɛ dung tuka ma gbakɔte ka dung ha zang bɛlɛ, nɛ ka ɛ gɔna ndari ha li bhandi dede gbakɔte ɛngɛ. Mɛgi, mɛ tɛ bo ha kpaa ndangtɛ li te ka gutɛ ha gunte ɛngɛ.