Jean 14:1 - Takarata pɛ Sɔ Mbombe Mbon

¹ Jésus tɔa ha hio *wan-yambimɔ pɛa: «Ka ɛnɛ adung nɛ nɔzang na. Ɛnɛ mɛkiri Sɔ, nɛ ɛnɛ mɛkiri fin mi.

Jean 14:1 Referans Kwoze

Jean 12:44

Mɛgi Jésus tɔa ha mbwa: «Wi kɛ ka mɛkara mi, a mɛkiri nɛ mi sɔna na. Ma, a mɛkara fin wi ka tomsa mi tɛnɛ hakɛ ha nzan.

Jean 6:40

Bafa mi ngoya nde, wi ndang ndang fɛt ka zɔk Bewei pɛa, nɛ ka mɛkiri wɛnɛ, akpa tunɔ kpoo. Nɛ mi betunsi mbwa ha soko hio fiowi ha kpogio ngimɔ.»

1 Pierre 1:21

Ɛnɛ mɛkara Sɔ nɛ wal Christ. Sɔ guo wɛnɛ ha soko hio fiowi, nɛ a haa wɛnɛ *lɛkɛ-lɛkɛmɔ. Yo nê ɛngi, ka ɛnɛ kpaa wal mɛ mɛkiri Sɔ, nɛ mɛ gde tazu ha tɛ wa.

Jean 13:19

Mi tɔ wen ndɔng ha ɛnɛ bingiri tuka nde, ka mɔa behɔ, ɛnɛ amɛkiri nde, mi nê *Mesi.

Efeze 1:15

Mi zea nde, ɛnɛ bhɔna ka ha mɛkara *Kongawan Jésus, nɛ nde, ɛnɛ ha ngoya hio wi pɛ Sɔ fɛt. Yo nê ɛngi,

Jean 12:27

«Sising, mi nɛ ngɔtɛ ha zang sila mi. Mi betɔ nɛ nge wen ge? Mana mi betɔ nde, Bafa mi, mɛ gu ngimɔ yimtɛ ɛngɛ ha zu mi yunɛ nde? Way! Mi tɛa hakɛ ha nzan hazu kpa yimtɛ ɛngɛ.

2 Tesalonike 2:2

ka takaramɔ pɛ ɛnɛ abhunziki nɛhasa na, nɛ ka ɛnɛ ayaksi na. Hazu hio ma wi ha tɔa wen nde, swe ka Kongawan bepe nɛ hɔa kari. Mbwa ha tɔa nde, wen ɛngɛ tɛ nɛ wal *Nzɔy-Sɔtɛ, mana nɛ wal ma wen nu ɔ, mana nɛ wal ma takarata ka ɔ tomsa.

2 Korente 2:7

Sising, lɛma nde, ɛnɛ abisi *sɛmbɔ pɛa, nɛ ɛnɛ ayɔkili wɛnɛ yu nde, gasa ngɔtɛ pentɛ betɛ dak wɛnɛ ha laka wal mɔ Sɔ gde.

Jean 11:33

Jésus zɔka Marie ha hea kwa. Nɛ wi ndɔng fɛt ka ndara wɛnɛ hea fin kwa. Mɛgi Jésus dea ngɔtɛ pentɛ nɛ sila wa doya nɛ kobhe.

Jean 5:23

A dea mɛgi tuka nde, hio wi fɛt alukisi mi gbesi tuka mbwa lukisi nɛ Bafa mi. Wi ka lukisi mi na, a lukisi Bafa mi ka tomsa mi na.

Jean 16:3

Mbwa bede mɛgi, hazu mbwa tɛ ing ngase Bafa mi, ngase mi na.

Jean 16:6

Ma, sising sila ɛnɛ dona nɛ ngɔtɛ hazu mi tɔa wen mɛgi ha ɛnɛ.

Jean 16:24

Gbo ha swe mɛsɛ, ɛnɛ tɛ ani ka ma mɔ nɛ ling mi na. Ɛnɛ ani mɔ, nɛ ɛnɛ bekpa yo tuka nde, totɛ pɛ ɛnɛ alɛm wɛɛ.»