Jean 13:5 - Takarata pɛ Sɔ Mbombe Mbon

⁵ Hapata, a aa li ha ma toy. A angara fala nanga hio wan-yambimɔ pɛa, nɛ wɛnɛ dio yo nɛ la limbitɛ ɛngɛ, ka wɛnɛ libhoko ha guntini wa.

Jean 13:5 Referans Kwoze

Dede Wen hazu Jésus-Christ ka Luc ngɛraka 7:44

Nɛ Jésus kiforo tɛ zɔk bhoko ɛngɛ nɛ wɛnɛ tɔa ha Simon: «Zɔk bhoko ɛngɛ nɛdedea! A dea mɔ ka mɛ tɛ de na. Hazu, ka mi lea twa pɛ mɛ, mɛ tɛ ha mi li mɛ fal nɛ nanga mi na. Ma, a taya nanga mi nɛ milikwa pɛa, nɛ a dio yo nɛ bumɔzu wa.

1 Timothée 5:10

Nɛ lɛma fin nde, hio wi akɛ wen dede tom pɛa mɛgɛ: A dungɔ ha pama hio bem pɛa nɛdedea, ha baa hio gɛnɛ nɛ dede kɔ, ha fala nanga hio wi pɛ Sɔ, ha gbakara hio wan-ngɔtɛ, nɛ ha gdea tɛ wa fɛt ha dea dedemɔ.

Gbasamɔ 7:14

Mi kiforo wen ha wɛnɛ: «Gasa wi pɔm, yo nê mɛ ha ing mbwa.» Nɛ wɛnɛ tɔa ha mi: «Yo nê hio wi ndɔng ka gboa ha zang gasa yeksamɔ. Mbwa fala la tɛ mbwa ha zang tɔktɛ Besami gde nɛ bua.

Hebro 10:22

Wɛnɛ sasasa sila ɔ kari, ingɔmɔ sila pɛ ɔ bo fin nɛ nzing na, nɛ a zosa tɛ ɔ nɛ ngɛnza li. Hazu ɛngi, ɔ tiki nɛ hapɛtɛ Sɔ nɛ kpasa sila, ka dona don nɛ mɛkaramɔ.

Efeze 5:26

tuka nde, mbwa adung nɛ nzɔya. A sasasa mbwa nɛ wal li, ka ɛ gdumso mbwa ang, nɛ fin nɛ wal wen nu wa.

1 Korente 6:11

Hio ma wi ha soko ɛnɛ bade tili gdangamɔ ndɔng sɔngsi. Ma, sising, Sɔ pɛ ɔ fala gdangamɔ pɛ ɛnɛ yunɛ fɛt kari, a dea ɛnɛ hio nzɔy wi pɛa, nɛ a gdea ɛnɛ nzeng ha li wa. Sɔ dea mɛgi nɛ wal ling *Kongawan, Jésus-Christ, nɛ fin nɛ wal *Nzɔy-Sɔtɛ pɛa.

Deamɔ 22:16

Mɛ keri fin nɛ ge nde? Gutɛ mɛ, mɛ tɛ ka mi agdumsi mɛ ha li. Mɛ sa ling Jésus nɛ wɛnɛ bezosi *sɛmbɔ pɛ mɛ.›

1 Jean 5:6

Jésus-Christ tɛa ha pɛ ɔ nɛ wal mɔ bwa: Li ka ɛ gdumso wɛnɛ ang, nɛ tɔktɛ wa ka sɛa ha ngimɔ fio pɛa. A tɛ tɛ sɔna nɛ wal li na, ma, nɛ wal li nɛ tɔk fɛt. Nɛ *Nzɔy-Sɔtɛ ha kɛa wena, hazu Nzɔy-Sɔtɛ nê wan-tɔ tɛwen.

1 Jean 1:7

Ma, ka ɔ ha yala ha zang saamɔ tuka Sɔ dung ha zang saamɔ, ɛngɛ osi nde, ɔ ha dea sɔy hinɛ may, nɛ tɔktɛ Jésus, *Bewei pɛ Sɔ, ha fala *sɛmbɔ pɛ ɔ fɛt yunɛ.

Jean 19:34

Ma, ma wan-bibulo ndang baa sɛ tok nɛ mbanzi Jésus. Nɛhasa, tɔk nɛ li sɛa.

Dede Wen hazu Jésus-Christ ka Luc ngɛraka 7:38

Nɛ a tiko tɛ ha gdong Jésus hapɛtɛ nanga wa. Wɛnɛ hea kwa nɛ milikwa huyo ha nanga Jésus. Nɛ a dio yo nɛ bumɔzu wa. A duyo nanga Jésus nɛ hɔnga yo nɛ liyama.

Gbasamɔ 1:5

Jésus-Christ nê mboazu wan-kɛwen, bosi wi ka guotɛ ha soko hio fiowi, nɛ gasa wan hazu hio *kongapora mɔ nu ɛngɛ fɛt. A ngoya ɔ, nɛ a yanga ɔ ha si *sɛmbɔ pɛ ɔ nɛ wal tɔktɛ wa.

Jean 13:10

Jésus kiforo wen ha wɛnɛ: «Wi ka zoya li kari, lɛma fal sɔna nɛ nanga wa hazu olo tɛ wa nɛ saa kari. Nɛ ɛnɛ dung nɛ saa, ma, yo bo nê ɛnɛ fɛt mburr na.»

Jean 13:8

Pierre kiforo wen ha wɛnɛ: «Way! Mɛ lɛm fal nanga mi ndang nɛ ndang na.» Mɛgi, Jésus tɔa ha wɛnɛ: «Ka mi fal nanga mɛ na, ki mɛ lɛm dung wi pɔm fin na.»

Jean 13:6

Nɛ ka Jésus hɔa ha tɛ Simon Pierre, a ana Jésus: «*Kongawan, yo nê mɛ ka befal nanga mi kpasawen nde?»