Jean 13:11 - Takarata pɛ Sɔ Mbombe Mbon

¹¹ Jésus tɔa mɛgi, hazu a ingɔ wi kɛ ka begdongi wɛnɛ ha hio ngana pɛa. Yo nê ɛngi ka wɛnɛ tɔa nde, yo bo nê mbwa fɛt mburr ka dung nɛ saa na.

Jean 13:11 Referans Kwoze

Jean 13:26

Nɛ Jésus tɔa ha wɛnɛ: «Wia nê wi kɛ ka mi beku mampa dubhi nɛ likpo ha wɛnɛ.» Hapata, Jésus kuo mampa dubhi ha likpo ha Judas bewei pɛ Simon Iskariote.

Jean 13:21

Ka Jésus tɔa wen ndɔng fɛt kari, sila wa dona nɛ ngɔtɛ nɛ wɛnɛ tɔa: «Kpasawen, mi tɔ ha ɛnɛ nde, ma wi ndang ha soko ɛnɛ beha kasatɛ mi.»

Jean 13:18

«Mi tɔ wen ɛngɛ bo hazu ɛnɛ fɛt na. Mi ingɔ wi ndɔng ka mi weka. Ma, lɛma nde, wen ɛngɛ ha zang takarata pɛ Sɔ alɛmsiri tɛ: ‹Wi kɛ ka mi yɔngamɔ hinɛ may, tɛ bo nê kɔmbɛ pɔm.›

Jean 13:2

Nɛ mbolo, Jésus dungɔ ha yɔngamɔ hinɛ hio wan-yambimɔ pɛa. *Satan bagde se takaramɔ ha sila Judas bem pɛ Simon Iskariote nde, ka wɛnɛ agdongi Jésus ha hio ngana pɛa.

Jean 2:25

Ma wi ndang lɛm tɔ goto deamɔ pɛ wi ha Jésus na, hazu wɛnɛ nɛ tɛ wa ingɔ mɔ ka dung ha zang sila wi fɛt.

Jean 17:12

Ha ngimɔ ka mi dungɔ hakɛ ha nzan, mi pama mbwa nɛ wal ziomɔ pɛ ling mɛ ka mɛ haa ha mi. Mi pama mbwa, nɛ ma ndang tɛ yɔ mɔ na, kanɛ wi kɛ ka ɛ bangɛriki se wen pɛa ha zang takarata pɛ mɛ nde, a beyɔmɔ. Mɛgi, wen ɛngi lɛmsara tɛ.

Jean 18:4

Jésus ingɔ pɛa hio mɔ ndɔng ka bekpa wɛnɛ fɛt bingiri. A tiko nɛ ha pɛ mbwa, nɛ a anamɔ: «Ɛnɛ ki nɛ o?»