Jean 13:1 - Takarata pɛ Sɔ Mbombe Mbon

¹ Ha gangli yenga *Pake, Jésus ingɔ nde, a tɛ bo sanga-sanga mɛ lak nu ɛngɛ gde, hazu kifiri si ha pɛ Bafa wa. Swe fɛt wɛnɛ ngoya hio wi pɛa ha nzan, nɛ sising a gbasi nde, a ngoya mbwa wɛ ɛ.

Jean 13:1 Referans Kwoze

Jean 12:23

Jésus kiforo wen ha mbwa: «Ngimɔ ka Sɔ beha nɛ *lɛkɛ-lɛkɛmɔ ha mi, *Bewei pɛ Wi, yo lɛma kari.

1 Jean 4:19

Pɛ ɔ, ɔ ngoya may hazu Sɔ ha ngoy ɔ sɔngsi.

Jean 13:34

Mi ha mbombe mbonga ha ɛnɛ nde, ɛnɛ ngoy may gbesi tuka mi ngoya ɛnɛ, nɛ ɛnɛ ngoy may ha soko may.

Jean 16:28

Mi guotɛ ha pɛ Bafa mi tɛnɛ ha nzan. Sising mi ha guotɛ fin ha nzan hazu kifiri si ha pɛ Bafa mi.»

Jean 13:3

Jésus ingɔ nde, Sɔ gdea mɔ fɛt ha kɔ wa. A ingɔ fin nde, a bagutɛ ha pɛ Sɔ tɛnɛ, nɛ nde, a bekifiri si ha pɛ Sɔ.

Jean 18:4

Jésus ingɔ pɛa hio mɔ ndɔng ka bekpa wɛnɛ fɛt bingiri. A tiko nɛ ha pɛ mbwa, nɛ a anamɔ: «Ɛnɛ ki nɛ o?»

1 Korente 1:8

Nɛ yo ka fin nê wɛnɛ ka beha ɛnɛ ngatɛ mɛ zati ngi-ngi-ngi hɔ ha kpogio. Mɛgi, ha ngimɔ ka Kongawan pɛ ɔ, Jésus-Christ bekifiri, ma wen lɛm dung ha zu ɛnɛ na.

Jean 17:16

Gbesi tuka mi bo nê wi mɔ nzan ɛngɛ na, mbwa fin, mbwa bo nê hio wi mɔ nzan ɛngɛ na.

Jean 17:1

Ka Jésus tɔa wen ndɔng fɛt kari, a guo li ha ngɔn nɛ a tɔa: «Bafa mi, ngimɔ lɛma kari. Mɛ gbasi *lɛkɛ-lɛkɛmɔ pɔm, Bewei pɛ mɛ, ha hio wi tuka nde, mi agbasi lɛkɛ-lɛkɛmɔ pɛ mɛ ha mbwa fin.

Gbasamɔ 1:5

Jésus-Christ nê mboazu wan-kɛwen, bosi wi ka guotɛ ha soko hio fiowi, nɛ gasa wan hazu hio *kongapora mɔ nu ɛngɛ fɛt. A ngoya ɔ, nɛ a yanga ɔ ha si *sɛmbɔ pɛ ɔ nɛ wal tɔktɛ wa.

Hebro 3:14

Lɛma nde, ɔ abhɔn ha gdea tazu ɔ ha tɛ Christ tuka ka ɔ dea nɛ ha angara mɛkara wɛnɛ. Hazu, ɔ nê hio sɔy pɛa sɔna ka ɔ de mɛgi tee hɔ ha kpogio ngimɔ.

Jean 17:5

Nɛ sising, Bafa mi, mɛ gu mi gde hapɛtɛ mɛ ha zang lɛkɛ-lɛkɛmɔ, ka mi badung nɛ yo hapɛtɛ mɛ sɔngsi, ha ngimɔ ka mɛ tɛ de ka nzan na.

Matthieu 26:45

Hapata, a kiforo tɛ ha pɛ hio wan-yambimɔ, nɛ a tɔa ha mbwa: «Ɛnɛ boka ha ɔala nɛ ɔmatɛ nde? Ɛnɛ zɔk, ngimɔ hɛra kari ka ɛ begde mi, *Bewei pɛ Wi, ha kɔ hio *wan-de gdangamɔ.

1 Pierre 1:13

Hazu ɛngi ɛnɛ adung gdungɛ-gdungɛ hazu de tom pɛ Sɔ. Ɛnɛ adung ngɛlɛlɛ, nɛ ɛnɛ agde tazu ɛnɛ ha *dede sila ka Sɔ bede ha tɛ ɛnɛ, ha swe ka Jésus-Christ begbasi tɛ wa long.

Hebro 6:11

Gasa mɔ ka ɔ ngoya mɛ tɔ ha ɛnɛ, yo nde, ɛnɛ abhɔn ka ha gbɛngsa tɛ mɛgi hɔ ha kpogio, ka de, Sɔ aha ɛnɛ hio mɔ ndɔng ka ɛnɛ gde tazu ɛnɛ ang.

Hebro 3:6

Ma, Christ nê *Bewei pɛ Sɔ, ka dung nê wan hazu twa pɛ Sɔ. Ka ɔ bhɔna nɛ da ha kera mɔ ka ɔ gde tazu ɔ ang, ɔ bedung nê twa pɛa.

Rome 8:37

Ma, ha zang mɔ ndɔng ki fɛt, ɔ nê hio wan-gan bulo nɛ wal Christ ka ngoya ɔ.

Jean 17:26

Mi osa mɛ ha mbwa, nɛ mi beosi fin mɛ ha mbwa pen mɔ sɔngsi tuka nde, ngoy ka mɛ ngoya nɛ mi adung ha sila mbwa, nɛ mi adung ang ha tɛ mbwa.»

Jean 14:28

Ɛnɛ zea wen ka mi tɔa ha ɛnɛ nde, mi ha pena nɛ mi bepe bin ha pɛ ɛnɛ. Ka bo se nde, ɛnɛ ngoya mi, ki ɛnɛ dea totɛ hazu mi ha nɛa ha pɛ Bafa mi, hazu wɛnɛ nɛ gasaa pen mi.

Jean 11:55

Ha ngimɔ ɛngi, yenga *Pake pɛ hio zuife hɛra kari. Mɛgi, hio dɔka wi mɔ kandɔnua dungɔ ha danga nɛ ha Jérusalem nde, mbwa asasisi tɛ ha li Sɔ haki sɔngsi yala yenga.

Jean 7:30

Mɛgi, mbwa dungɔ ha kio wal mɛ ba wɛnɛ. Ma, ma wi ndang tɛ gde kɔ ha tɛ wa na. Hazu ngimɔ pɛa tɛ lɛm ka na.

Jean 7:6

Mɛgi, Jésus tɔa ha mbwa: «Ngimɔ pɔm tɛ hɔ ka na. Ma, pɛ ɛnɛ, ngimɔ fɛt lɛma mɛ nɛ haki.

Jean 6:4

Ngimɔ yenga *Pake pɛ hio *zuife hɛra kari.

Dede Wen hazu Jésus-Christ ka Luc ngɛraka 22:53

Mi dungɔ swe fɛt hinɛ ɛnɛ ha gasa twa Sɔ, nɛ ɛnɛ tɛ yafifi kɔ ɛnɛ sungiri mi na. Ma, sising ngimɔ pɛ ɛnɛ hɔa. Yo nê ngimɔ pɛ ngatɛ mɔ tutum.»

Dede Wen hazu Jésus-Christ ka Luc ngɛraka 9:51

Ka ngimɔ tɛ bo sanga nde, Sɔ agu Jésus ha ngɔn, Jésus baa sila wa nɛ kɔ mɛ nɛ ha Jérusalem.

Matthieu 28:20

Nɛ ɛnɛ osi ha mbwa wal mɛ pam hio mɔ fɛt ka mi haa nua ha ɛnɛ. Nɛ ɛnɛ aing nde, mi dung hinɛ ɛnɛ swe fɛt tee, hɔ ha kpogio nzan.»

Jean 8:20

Jésus tɔa hio wen ndɔng ha ngimɔ ka wɛnɛ dungɔ ha osamɔ ha zang *gasa twa Sɔ, ha bhandi wesiri mbɔli ha Sɔ. Ma, ɛ tɛ ba wɛnɛ na, hazu ngimɔ pɛa tɛ lɛm ka na.

Jean 2:13

Yala yenga *Pake hɛra kari, nɛ Jésus nɛa ha Jérusalem.

Jean 13:29

Tuka Judas nê wan-pam mbɔli pɛ mbwa, hio ma takara pɛ mbwa nde, Jésus tɔa ha wɛnɛ mɛ hɛ ma mɔ, ka kɔpa mbwa hazu yenga, mana mɛ ha ma mbɔli ha hio fabha wi.

Jean 14:31

Ma, mi bede mɔ ka Bafa mi ngoya tuka nde, hio wi mɔ nzan aing nde, mi ngoya Bafa mi. Ɛnɛ gutɛ, ɔ pen hakɛ.»

Jean 19:28

Hapata, Jésus ingɔ nde, a karsa tom pɛa ha nzan kari. Ma, hazu lɛmsiri nɛ wen fɛt ha zang takarata pɛ Sɔ, a tɔa: «Wɔ li ha dea mi.»