Jean 12:5 - Takarata pɛ Sɔ Mbombe Mbon

⁵ «Gɛnɛ liama ɛngɛ lɛma nɛ mbɔli tom mɔ yala gɔmmay tar. Hazu ge ɛ tɛ gdongi yo nɛ ha mbɔlia ha hio fabha wi na ge nde?»

Jean 12:5 Referans Kwoze

Dede Wen hazu Jésus-Christ ka Luc ngɛraka 18:22

Ka Jésus zea wen ndɔng, a tɔa ha wɛnɛ: «Mɔ ndang ngbɔla ka mɛ tɛ de na. Mɛ gdongi hio mɔ pɛ mɛ fɛt, nɛ mɛ kapini mbɔlia ha hio fabha wi. Mɛgi mɛ bekpa dɔka kpaamɔ ha zang ngɔn. Nɛ mɛ tɛ tɛ ndari mi.»

Dede Wen hazu Jésus-Christ ka Luc ngɛraka 12:33

Ɛnɛ gdongi kpaamɔ pɛ ɛnɛ, nɛ ha mbɔlia ha hio fabha wi! Ɛngɛ nê wal mɛ wesiri kpaamɔ pɛ ɛnɛ gde ha zang ngɔn. Nɛ ngobho mbɔli mɔ ngɔn lɛm gdɔy na. Hazu ha ngɔn, mɔ bedung nɛ dedea kpoo, wanzu lɛm zu yo na, nɛ nzɛmɛ lɛm gdangsi yo na.

Jean 6:7

Philippe kiforo wen ha wɛnɛ: «Ngase ka ɔ hɛ mampa ka lɛm nɛ mbɔli tom mɔ yala gɔmmay bwa, wi ndang ndang fɛt bekpa bebe titi mampa sɔna.»

Dede Wen hazu Jésus-Christ ka Luc ngɛraka 6:41

«Hazu ge mɛ gɛri mbuli pala ka dung ha li ya mɛ, ma, mɛ zɔk gasa te ka dung ha li mɛ na ge nde?

Matthieu 20:2

A bhɔngara wen hinɛ wan-tom ndɔng nde, nɛ mbolo wɛnɛ bekɛ mbwa nɛ mbɔli ka lɛm nɛ swe tom ndang. Nɛ a tomsa mbwa ha gɔma fɔ pɛa.

Matthieu 18:28

«Ka wan-tom ɛngɛ gboa, a kpaa ma sɔy-tom pɛa, ka gbakara bebe yamando ha kɔ wa. A tito gɛl wa nging nɛ tɔ ha wɛnɛ: ‹Kpe yamando pɔm!›

Jean 12:4

Ma, Judas Iskariote, *wan-yambimɔ pɛ Jésus ka beha kasatɛ wa, ana mɔ:

Jean 12:6

Judas bo ha dea ngɔtɛ tɛ hio fabha wi na. Ma, a tɔa mɛgi hazu wɛnɛ nê wanzu. Wɛnɛ nê wan-pam mbɔli pɛ mbwa, nɛ a dung mɛ zu hio ma mbɔli.

Jean 13:29

Tuka Judas nê wan-pam mbɔli pɛ mbwa, hio ma takara pɛ mbwa nde, Jésus tɔa ha wɛnɛ mɛ hɛ ma mɔ, ka kɔpa mbwa hazu yenga, mana mɛ ha ma mbɔli ha hio fabha wi.