Jean 11:44 - Takarata pɛ Sɔ Mbombe Mbon

⁴⁴ Lazare gboa nɛ olo la ndɔng ka ɛ gunɔ nɛ wɛnɛ. Hio kɔ wa nɛ nanga wa fɛt dungɔ nɛ libhokoa nɛ pɛl la. Nɛ li wa dungɔ nɛ hɛla nɛ ma nu la fin. Jésus tɔa ha mbwa: «Ɛnɛ bul la ha tɛ wa, nɛ ɛnɛ gde wɛnɛ asi ha twa.»

Jean 11:44 Referans Kwoze

Jean 5:25

Mi tɔ fin kpasawen ha ɛnɛ nde, ngimɔ ha tɛa, yo hɔa sising, ka hio fiowi beze gɛl mi, *Bewei pɛ Sɔ, nɛ ɛ ndɔng ka zea yo betun.

Jean 20:7

nɛ fin nu la ka ɛ goka nɛ li Jésus. Yo tɛ dung hinɛ hio mbing la ndɔng na, ma, yo dungɔ nɛ gbindoa ha ma bhandi nɛtɛ.

Filipe 3:21

A bekifiri hio mɔka kilitɛ ɔ gde nɛ lɛkɛ-lɛkɛa tuka kilitɛ wa. A bede yo nɛ wal ndangtɛ ziomɔ ɛngɛ ka de nde, wɛnɛ agan zu mɔ fɛt.

Jean 10:30

Mi hinɛ Bafa mi, ɔ nê wi ndang sɔna.»

Jean 5:21

Gbesi tuka Bafa mi gu hio fiowi nɛ gde mbwa nɛ tunɔ, mi Bewei pɛa, mi ha tunɔ ha hio wi tuka sila mi ngoya.

Dede Wen hazu Jésus-Christ ka Luc ngɛraka 7:15

Mɛgi fiowi kiforo ha tunɔ, a dungɔnu, nɛ wɛnɛ angara wolamɔ. Nɛ Jésus haa wɛnɛ ha nana wa.

Gbasamɔ 1:18

Mi nɛ zutunɔ. Mi bafe, ma, sising mi bhɔna nɛ zutunɔ kpoo nɛ kpoo. Mi nɛ ziomɔ hazu fio nɛ hazu bhandi pɛ hio fiowi.

Jean 19:40

Joseph hinɛ Nikodeme baa wɔl Jésus. Mbwa luo yo nɛ pɛl la, nɛ mbwa pɛla kulo pɛlmɔ ɛngɛ ha tɛ wa, lɛm nɛ ndɔki gunɔ wi pɛ hio zuife.

Marc 5:43

Mɛgi, Jésus mboa nu mbwa nɛngaya nde, ka mbwa atɔ wena ha ma wi ndang na. Hapata wɛnɛ haa nu nde, mbwa aha yɔngamɔ ha bebhoko ɛngɛ.

Jean 20:5

Nɛ ka wɛnɛ hilo pi li ha zanga, a zɔka pɛl la ka ɛ balu nɛ wɔl. Ma, a tɛ le ha zang zupisi na.

Jean 11:39

Nɛ Jésus tɔa: «Ɛnɛ kinsi ta kɛ yunɛ!» Nɛ Marthe ya mɛ fio tɔa ha wɛnɛ: «*Kongawan, ki pɛl tɛ wa begbɛ ɔ, hazu a dea nɛ yala nar ha kɔfio mɛsɛ.»

Dede Wen hazu Jésus-Christ ka Luc ngɛraka 19:20

Kpogio wan-tom hɔa tɛ tɔ ha wɛnɛ: ‹Kongawan, mbɔli pɛ mɛ ga. Mi pama yo nɛ kpoa ha nu la.

Jean 11:43

Hapata wen ki, Jésus saa Lazare nɛ ngagɛl: «Lazare, mɛ gbo!»