Jean 11:11 - Takarata pɛ Sɔ Mbombe Mbon

¹¹ Hapata wen ndɔng, Jésus tɔa ha hio wan-yambimɔ: «Dan ɔ, Lazare ha ɔala. Ma, mi benɛ nɛ tunsi wɛnɛ.»

Jean 11:11 Referans Kwoze

Jean 11:13

Jésus ngoy tɔ nde, Lazare fea fe. Ma, hio wan-yambimɔ takara pɛ mbwa takiri nde, a tɔ nɛ tɛ wen ɔala.

1 Tesalonike 5:10

Hazu Christ fea gɔn zu ɔ tuka nde, ɔ adung nɛ zutunɔ hinɛ wɛnɛ gbesi, ngase ka ɔ fea, ngase ka ɔ bhɔna nɛ zutunɔ ha pea pɛa.

1 Korente 15:51

Ɛnɛ zɔk, mi begbasi ma mɔ wuso ndang ha ɛnɛ: Ɔ lɛm fe fɛt na, ma, tɛ ɔ bekpali

Deamɔ 7:60

Hapata, a teka nɛ zigolo ha nu, nɛ gdɔra nɛ ngagɛl: «Kongawan, mɛ bisi *sɛmbɔ ɛngɛ ha zu mbwa.» Nɛ hapata wen ndɔng, a fea.

Matthieu 27:52

Hio zupisi gboa long, nɛ hapata ka Jésus guotɛ kari, hio dɔka nzɔy wi ka bafe guotɛ nɛ kili tɛ. Mbwa gboa ha zang kɔfio, le ha nzɔy le Jérusalem, nɛ osa tɛ ha hio dɔka wi.

Efeze 5:14

Hazu, mɔ fɛt ka ɛ gbasi long, yo tɛ bo nê saamɔ. Yo nê hazu ɛngi ka ɛ tɔa: «Mɛ ka dung ha ɔala, mɛ tun. Mɛ gutɛ ha soko hio fiowi, nɛ Christ beba tuka saamɔ ha zu mɛ.»

Marc 5:39

Wɛnɛ lea twa nɛ tɔa ha mbwa: «Ɛnɛ de woto-wotomɔ nɛ he kwa tuka ɛngɛ hazu ge? Bem ɛngɛ tɛ fe na, ma, a ɔ nɛ la.»

Matthieu 9:24

a tɔa ha mbwa: «Ɛnɛ gbo! Hazu bebhoko ɛngɛ tɛ fe na, ma, a ɔ nɛ la.» Nɛ mbwa mama wɛnɛ gbɔɔ.

Jacques 2:23

Mɛgi, wen ɛngɛ ha zang takarata pɛ Sɔ lɛmsara tɛ: «Abraham mɛkara Sɔ, nɛ Sɔ baa wɛnɛ tuka nzeng wi hazu mɛkaramɔ pɛa.» Nɛ Sɔ saa wɛnɛ nde, dan wa.

1 Korente 15:34

Ɛnɛ ba zu ɛnɛ nɛkpasa, nɛ de fin gdangamɔ na. Hio ma ha soko ɛnɛ tɛ ing ka Sɔ nɛkpasa na, mi tɔ yo hazu pi nɛ foy ha li ɛnɛ.

1 Korente 15:18

Nɛ ka mɔ bo mɛgi, ki wi ndɔng ka bafe ha dea sɔy hinɛ Christ, mbwa bhonda bhondi.

Jean 11:3

Hazu ɛngi, hio ya mɔ bhoko bwa pio kasara ha Jésus mɛgɛ: «*Kongawan, dan mɛ ka mɛ ngoya pentɛ, wɛnɛ nɛ zɛlɛ.»

Jean 3:29

Yo nê wan-sibhoko ka besi ko pɛa. Ma, dan mɛ wan-sibhoko nɛ totɛ ka wɛnɛ ze gɛl wa. Mɛgi, mi dung tuka dan mɛ wan-sibhoko, nɛ totɛ pɔm lɛma wɛɛ kari.

Jean 11:10

Ma, ka wi yal nɛ zɛ, a bekɔ nanga hazu saamɔ bo hapɛtɛ wa na.»

Jean 11:12

Mbwa tɔa ha wɛnɛ: «Kongawan, ka wɛnɛ ɔ nɛ la, zɛlɛ pɛa bekari.»