Jean 10:3 - Takarata pɛ Sɔ Mbombe Mbon

³ Wan-pam nu ngalɔ gbosisi ha wɛnɛ, nɛ hio sami ze nu wa. A sa hio sami ndang ndang fɛt nɛ ling mbwa, nɛ ngbɔsi mbwa ha dɛl.

Jean 10:3 Referans Kwoze

2 Timothée 2:19

Ma, tɛwen pɛ Sɔ dung tuka nga nanga twa ka ɛ gɔna ha tɛa nde, «*Kongawan ingɔ hio wi pɛa», nɛ nde, «Hio wi fɛt ka sa ling Kongawan hazu dung nê pɛa, mbwa alak dea gdangamɔ gde.»

Jean 10:4

Ka wɛnɛ kaya hio sami gbo nɛ kari, a nɛ nɔ ha li mbwa, nɛ mbwa ndari wɛnɛ hazu mbwa ingɔ gɛl wa.

Jean 10:16

Mi kpaa fin hio ma mbing sami ka bo ha zang ngalɔ ɛngɛ na. Lɛma nde, mi angbɔsi mbwa fin tɛnɛ. Mbwa belɛngi zala ha gɛl mi. Mɛgi, zugili sami bedung kanɛ ndang sɔna, nɛ zaoro pɛ mbwa fin ndang sɔna.

Jean 10:14

Mi nê dede zaoro sami. Mi ingɔ hio sami pɔm, nɛ hio sami pɔm ingɔ mi,

Gbasamɔ 3:20

Ɛnɛ zɔk, mi ha yola ha nutwa nɛ mi ha kɔna. Wi fɛt ka beze gɛl mi, nɛ ka begbosisi nutwa ha mi, mi bele ha pɛ mbwa, nɛ ɔ beyɔng tɛ mɔ hinɛ may.

Gbasamɔ 7:17

Hazu Besami ka dung hapɛtɛ solowan bedung nê zaoro pɛ mbwa. Nɛ a bengbɔsi mbwa nɛnɛ ha nɔa li ha hio nzɔngɛ ka ha tunɔ. Nɛ Sɔ bedi milikwa fɛt ha li mbwa yunɛ.»

Rome 8:30

Tuka Sɔ babhɔngiri wen hazu mbwa mɛgi, a basa fin mbwa nde, ka mbwa adung nê hio wi pɛa. Tuka wɛnɛ saa mbwa kari, a gdea mbwa nzeng ha li wa fin. Nɛ tuka wɛnɛ gdea mbwa nzeng kari, a kapana fin lɛkɛ-lɛkɛmɔ pɛa hinɛ mbwa.

Jean 6:45

Hio *wan-tɔkuliwen bangɛriki nde, Sɔ beosi wen pɛa ha wi fɛt. Wi kɛ ka ze Bafa mi nɛ ka pam osamɔ pɛa, betɛ ha pɔm.

Jean 6:37

Hio wi ndang ndang fɛt ka Bafa mi ha mi, betɛ ha pɔm. Nɛ mi lɛm kafi wi ka tɛ ha pɔm ndang na.

Gbasamɔ 20:15

Nɛ hio wi fɛt ka ɛ tɛ ngɛriki ling mbwa ha Takarata Tunɔ na, ɛ pio mbwa ha zang tɔ we.

Kolose 4:3

Ɛnɛ agɔ Sɔ hazu ɔ fin nde, ka wɛnɛ agbosisi wal ha ɔ mɛ bul wen pɛa, nɛ mɛ tɔ fin wen tɛ Christ ka badung se nɛ wuso. Yo nê hazu wen ɛngɛ ka mi dung ha twa zɔbhɔ.

Filipe 4:3

Pɛ mɛ, kpasa sɔy-tom pɔm, mi ani mɛ nde, mɛ agbakiri hio bhoko ndɔng bwa mɛ ze nu may. Hazu ɔ hinɛ mbwa, ɔ dea tom bulo *Dede Wen nɛdɔka pentɛ, tɛ ba nɛ Klement nɛ hio olo sɔy-tom pɔm, ka Sɔ ngɛraka ling mbwa fɛt ha zang Takarata Tunɔ.

1 Pierre 1:12

Sɔ osa ha mbwa long nde, mɔ ndɔng bo hazu mbwa nɛ pɛ mbwa tɛ na, ma, yo hazu ɛnɛ. Nɛ sising, hio wan-bul *Dede Wen bulo wen mɔ ndɔng ha ɛnɛ fɛt kari. Mbwa tɔa wena nɛ wal ngatɛ pɛ Nzɔy-Sɔtɛ ka Sɔ tomsa ha ngɔn tɛnɛ. Nɛ hio *telenge fin nɛ hɛl mɛ mbari hio mɔ ndɔng.

1 Korente 16:9

Hazu hakɛ, Sɔ gbosasa dede wal ha mi tuka nde, mi ade tom pɛa nɛkpasa, ngase wi nɛdɔka ha sungoro mi.

Jean 10:9

Mi nê nu ngalɔ sami. Wi ka le nɛ wal mi, mi bekpasisi wɛnɛ. A bele nɛ a begbo, nɛ a bekpa yɔngamɔ.

1 Jean 4:6

Ma, ɔ nê pɛ Sɔ. Wi ka ingɔ Sɔ, a beze wen pɛ ɔ. Ma, wi ka bo nê pɛ Sɔ na, a lɛm ze wen pɛ ɔ na. Yo nê mɛgi, ka ɔ lɛma gba soko wi ka sɔtɛ tɛwen ha tɛ wa nɛ wi ka sɔtɛ dalo ha tɛ wa.

3 Jean 1:14

hazu mi ngoy mɛ nɛ ha pɛ mɛ sising ka ɔ awolmɔ ha li may.