Jean 1:51 - Takarata pɛ Sɔ Mbombe Mbon

⁵¹ Jésus tɔa fin: «Kpasawen, mi tɔ ha ɛnɛ nde, ɛnɛ bezɔk nu ngɔn nɛ gbosasa long, nɛ ɛnɛ bezɔk fin hio *telenge pɛ Sɔ ha dangaa nɛ ha ziloa ha pɔm, *Bewei pɛ Wi.»

Jean 1:51 Referans Kwoze

Deamɔ 7:56

A tɔa: «Ɛnɛ ze, mi zɔka ngɔn gboa long, nɛ *Bewei pɛ Wi, ha yola ha wekɔ Sɔ.»

Dede Wen hazu Jésus-Christ ka Luc ngɛraka 22:43

Ma *telenge mɔ ngɔn gbasa tɛ ha wɛnɛ mɛ ha da ha wɛnɛ.

Dede Wen hazu Jésus-Christ ka Luc ngɛraka 2:13

Ha ndangtɛ ngimɔ, ma zugili telenge zilo ha ngɔn, tɛ tɛ kpa may nɛ bosi telenge. Nɛ mbwa lukoso Sɔ, mbwa tɔa:

Marc 14:62

Jésus mɛkara yo: «Ey, yo nê mi! Nɛ ɛnɛ bezɔk mi, *Bewei pɛ Wi, ha dungɔnu ha wekɔ Sɔ ka dung nɛ ngatɛ fɛt. Nɛ ɛnɛ bezɔk mi bin ha ngimɔ ka mi betɛ ha zang buswe.»

Marc 1:10

Ha ndangtɛ ngimɔ ka Jésus ha gboa ha li, a zɔka liswe mbanga, nɛ *Nzɔy-Sɔtɛ zilo ha zu wa tuka gbakuli.

Matthieu 3:16

nɛ gdumso wɛnɛ. Ka Jésus gboa ha li, liswe gboa long, nɛ wɛnɛ zɔka *Nzɔy-Sɔtɛ pɛ Sɔ ha ziloa tuka gbakuli tɛ dung ha zu wa.

Deamɔ 10:11

A zɔka nu ngɔn gboa long, nɛ ma mɔ ha ziloa tɛ ha li wa tuka gasa la ka ɛ ba nɛ ngbilia nar.

Dede Wen hazu Jésus-Christ ka Luc ngɛraka 3:21

Ka Jean tɛ le ka zɔbhɔ na, a gdumso hio wi fɛt ka tɛa ha pɛa. Nɛ a gdumso fin Jésus. Ha ngimɔ ka Jésus ha gɔa Sɔ, liswe gboa long.

Matthieu 4:11

Hapata Satan laka wɛnɛ gde. Nɛ hio telenge hɔa nɛ dea tom ha Jésus.

Gbasamɔ 19:11

Hapata ɛngi, mi zɔka ngɔn gboa long, nɛ ma bu yanga yola ang. Ling wan-dang yanga ɛngɛ nde, «Wan-mboazu» nɛ «Wan-tɛwen.» Wɛnɛ ha gɔna kita nɛ ha bio bulo nɛ wala nzeng.

Gbasamɔ 4:1

Hapata ɛngi, mi zɔka fin ma zizimɔ: Mi zɔka ma nutwa ka gboa ha zang ngɔn long. Nɛ ndangtɛ gɛl wi ka mi zea nɛ bosia, wolamɔ ha mi tuka gɛl mbia, nɛ tɔa: «Mɛ dang hakɛ ka mi aosi ha mɛ mɔ ndɔng ka behɔ ha pata.»

2 Tesalonike 1:7

nɛ a beha ɛnɛ ka kpa yeksamɔ sising, ngimɔ ɔmtɛ gbesi hinɛ ɔ. A bede mɛgi ha ngimɔ ka Kongawan Jésus begu nɛ tɛ ha ngɔn mɛ pe nɛ hinɛ hio nga *telenge pɛa.

Dede Wen hazu Jésus-Christ ka Luc ngɛraka 2:9

Ma telenge pɛ *Kongawan hɔa ha soko mbwa nɛ yolo *lɛkɛ-lɛkɛmɔ pɛ Kongawan baa zikiri mbwa, nɛ gasa ke baa mbwa.

Hebro 1:14

Mɛgi, hio telenge nê o? Mbwa sɔna nê hio sɔtɛ ka de tom ha Sɔ, nɛ ka Sɔ tomsi nɛ nɛ gbakiri wi ndɔng ka wɛnɛ ngoy mɛ kpasisi mbwa.

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.

Jean 10:1

Jésus tɔa: «Kpasawen mi tɔ ha ɛnɛ, wi kɛ ka le zang ngalɔ sami nɛ wal nua na, ma, ka dang nɛ ma mbing wal nɛtɛ, wɛnɛ nê wanzu nɛ wan-ba mɔ nɛ nyalɔ.

Dede Wen hazu Jésus-Christ ka Luc ngɛraka 22:69

Ma, angiri sising mi, *Bewei pɛ Wi, bedungnu ha wekɔ Sɔ, ka dung nɛ ziomɔ fɛt.»

Matthieu 25:31

«Ha ngimɔ ka mi, *Bewei pɛ wi, betɛ hinɛ hio nzɔy *telenge ha zang *lɛkɛ-lɛkɛmɔ pɔm, mi bedung ha zu lɛkɛ-lɛkɛ solowan pɔm.

Jude 1:14

Henok badung kul mɔrkɔ zanga bwa hapata Adam. A batɔ kuliwen hazu hio wi ndɔng, a batɔ: «Kongawan ha tɛa hinɛ gasa zugili telenge pɛa,

2 Tesalonike 1:9

Tuka ndulsomɔ pɛ mbwa, mbwa bedung ha zang bhondasa mɔ kpoo nɛ kpoo. Mbwa bedung nɛ yɛa ha li Kongawan nɛ ha lɛkɛ-lɛkɛ ngatɛ pɛa.

Jean 14:12

Kpasawen mi tɔ ha ɛnɛ, wi ka mɛkiri mi, a bede tom ndɔng ka mi ha dea. Nɛ wia bede gasa tom pen mi, hazu mi ha kiforoa si hapɛtɛ Bafa mi.

Jean 6:47

Mi tɔ kpasawen ha ɛnɛ nde, wi ka mɛkiri mi, bedung nɛ tunɔ kpoo.

Dede Wen hazu Jésus-Christ ka Luc ngɛraka 24:4

Nɛhasa, ka mbwa boka yem, wei bwa yola ha li mbwa nɛ lɛkɛ-lɛkɛ la.

Matthieu 26:24

Mi, *Bewei pɛ Wi, befe gbesi tuka ɛ ngɛraka ha zang takarata pɛ Sɔ. Ma, ngɔtɛ ha wan-hakasatɛ Bewei pɛ Wi. Ɛ abhɛ se wɛnɛ na, ki dea se!»

Jean 21:18

Kpasawen, mi tɔ ha mɛ nde, ha ngimɔ ka mɛ bhɔna pɔlɔmbɔ, mɛ dungɔ ha bhɔngara tɛ nɛ tɛ mɛ hazu yal ha bhandi ka sila mɛ ngoya. Ma, ka mɛ gbɛla kari, mɛ beyafifi hio kɔ mɛ, nɛ ma mbing wi bebhɔngiri tɛ mɛ hazu ku mɛ nɛnɛ ha ma bhandi ka mɛ ngoy na.»

Jean 8:51

Kpasawen mi tɔ ha ɛnɛ nde, wi ka de mɔ lɛm nɛ wen pɔm, a lɛm fe kpoo na.»

Jean 6:32

Jésus tɔa ha mbwa: «Mi tɔ kpasawen ha ɛnɛ nde, yo bo nê Moïse ka baha yɔngamɔ ka tɛ nɛ ngɔn na. Ma, yo nê Bafa mi ka ha ɛnɛ kpasa yɔngamɔ ka tɛ nɛ wal ngɔn.

Jean 3:5

Jésus kiforo wen: «Kpasawen, mi tɔ ha mɛ, ka ɛ tɛ bhɛ ka mɛ nɛ wal li nɛ *Nzɔy-Sɔtɛ na, mɛ lɛm le ha Kongakandɔ pɛ Sɔ na.

Jean 16:20

Mi tɔ kpasawen ha ɛnɛ nde, ɛnɛ behe kwa nɛ ɛnɛ belokitɛ. Ma, hio wi mɔ nzan bede pɛ mbwa nɛ totɛ. Ɛnɛ bedung nɛ ngɔtɛ. Ma, ngɔtɛ pɛ ɛnɛ bekifiri ha totɛ.

Jean 13:16

Kpasawen mi tɔ ha ɛnɛ nde, wan-tom bo nɛ zioa pen wan pɛa na. Nɛ wan-nɛkasara bo nɛ zioa pen wan-tomsi wɛnɛ na.

Jean 10:7

Jésus tɔa fin: «Kpasawen, mi tɔ ha ɛnɛ nde, mi nê nu ngalɔ sami.

Jean 6:53

Jésus tɔa fin: «Kpasawen, mi tɔ ha ɛnɛ nde, ka ɛnɛ yɔng multɛ mi, Bewei pɛ Wi na, nɛ ka ɛnɛ nɔ tɔktɛ mi na, ki ɛnɛ lɛm dung nɛ tunɔ nɛkpasa na.

Jean 5:27

Nɛ a haa mi fin ziomɔ mɛ gɔn kita ha zu hio wi, hazu mi nê *Bewei pɛ Wi.

Jean 5:19

Jésus tɔa ha hio wan-le *zuife: «Kpasawen, mi tɔ ha ɛnɛ nde, mi, Bewei, lɛm de mɔ ndang nɛ zu mi na. Mi de sɔna nɛ mɔ ka mi zɔka Bafa mi ha dea. Mɔ fɛt ka Bafa mi ha dea, mi ha dea yo gbesi.

Jean 3:3

Mɛgi, Jésus kiforo wen: «Kpasawen, mi tɔ ha mɛ nde, ka ɛ kifiri bhɛ wi nɛ mbinga na, a lɛm zɔk *Kongakandɔ pɛ Sɔ na.»

Matthieu 9:6

Ɛnɛ being long nde, mi, *Bewei pɛ Wi, mi nɛ ziomɔ mɛ bisi sɛmbɔ pɛ hio wi ha zu nu.» Mɛgi Jésus tɔa ha wan-zɛlɛ mɛla: «Gutɛ, ba lang pɛ mɛ, nɛ mɛ si ha twa pɛ mɛ!»

Matthieu 8:20

Jésus kiforo wen ha wɛnɛ: «Hio ngbanza nɛ ngu pɛ mbwa, nɛ hio nɔy nɛ twa pɛ mbwa. Ma, mi, *Bewei pɛ Wi, bo nɛ bhandi ɔmtɛ na.»

Jean 16:23

«Ha ngimɔ ɛngi, ɛnɛ lɛm mɛ ani mi nɛ goto ma wen fin na. Nɛ mi tɔ kpasawen ha ɛnɛ nde, hio mɔ fɛt ka ɛnɛ beani ha kɔ Bafa mi nɛ ling mi, wɛnɛ beha yo ha ɛnɛ.

Jean 13:38

Jésus kiforo wen ha wɛnɛ: «Mɛ nê gdungɛ-gdungɛ mɛ fe ha wen zu mi nde? Kpasawen, mi tɔ ha mɛ nde, mɛsɛ, sɔngsi ka gɔlɛ tɛ dɔm ka na, mɛ bekafi mi zetar nde, mɛ ing mi na.»

Jean 8:58

A kiforo wen ha mbwa: «Kpasawen mi tɔ ha ɛnɛ: Sɔngsi bhee, gde ɛ tɛ bhɛ ka Abraham na, mi ang.»

Jean 8:34

Jésus kiforo wen ha mbwa: «Mi tɔ kpasawen ha ɛnɛ nde, wi ndang ndang fɛt ka de gdangamɔ, mbwa nê bala ha si gdangamɔ.

Jean 6:26

Jésus kiforo wen ha mbwa: «Mi tɔ kpasawen ha ɛnɛ: Ɛnɛ ki mi, hazu ɛnɛ yɔnga mampa ndɔng zang ɛnɛ don. Yo bo nde, hazu ɛnɛ ingɔ goto *mɔweka pɔm na.

Jean 1:50

Jésus tɔa ha wɛnɛ: «Mi tɔa nde, mi zɔka mɛ ha si te fige. Yo nê ɛngi, ka mɛ mɛkara mi nde? Mɛ bezɔk fin hio gasamɔ pen ɛngi.»