Jean 1:34 - Takarata pɛ Sɔ Mbombe Mbon

³⁴ Hazu mi zɔka mɔ mɛgi, mi gbasi wen ha ɛnɛ nde, wi kɛ nê *Bewei pɛ Sɔ.»

Jean 1:34 Referans Kwoze

Jean 1:49

Mɛgi Natanael tɔa ha wɛnɛ: «Wan-osimɔ, mɛ nê *Bewei pɛ Sɔ, mɛ nê *kongapora mɔ Israel.»

Matthieu 4:3

Satan tiko nɛ hapɛtɛ Jésus nɛ tɔa: «Ka mɛ nê *Bewei pɛ Sɔ, mɛ ha nu ha ta ndɔng akifi mampa.»

1 Jean 5:20

Ɔ ingɔ nde, Bewei pɛ Sɔ tɛa tɛ ha ɔ mbaramɔ nde, ɔ aing kpasa Sɔ. Ɔ ang ha tɛ kpasa Sɔ hazu ɔ ang ha tɛ Bewei pɛa, Jésus-Christ. Wɛnɛ nê kpasa Sɔ, nɛ wɛnɛ nê tunɔ kpoo.

Gbasamɔ 2:18

«Mɛ ngɛriki ha *telenge pɛ giliwi mɔ eglize ha Tiatire wen mɛgɛ: Ɛngɛ nê wen nu *Bewei pɛ Sɔ. Gbali wa tuka lembe we, nɛ nanga wa ha duo we tuka gbɛbolo.

Rome 1:4

Sɔ guo wɛnɛ ha soko hio fiowi nɛ wal *Nzɔy-Sɔtɛ. Ɛngi gbasi nde, wɛnɛ nê *Bewei pɛ Sɔ ka dung nɛ ziomɔ.

Jean 20:31

Ma, mɔ ndɔng ka dung ang, ɛ ngɛraka yo nde, ka ɛnɛ amɛkiri nde, Jésus nê *Mesi, *Bewei pɛ Sɔ. Ka ɛnɛ mɛkiri wɛnɛ, a beha ɛnɛ tunɔ.

1 Jean 4:9

Sɔ tomsa ndanga Bewei pɛa tɛ hakɛ ha nzan nde, ɔ akpa tunɔ nɛ wal wa. Yo nê mɛgi, ka Sɔ osa ngoy ka wɛnɛ ngoya nɛ ɔ.

1 Jean 3:8

Ma, wi ka bhɔna ha dea gdangamɔ, wɛnɛ nê wi pɛ gdanga sɔ. Hazu gdanga sɔ bhɔna ha dea gdangamɔ bhee nisi ha ngimɔ ka Sɔ dea nzan. Nɛ *Bewei pɛ Sɔ tɛa hazu yangili tom pɛ gdanga sɔ yunɛ.

1 Jean 2:23

Ka ma wi kafa *Bewei pɛ Sɔ, wia kafa Bafa wa gbesi. Ma, ka ma wi mɛkara Bewei pɛ Sɔ, wia mɛkara Bafa wa gbesi.

2 Korente 1:19

Mi, Silas nɛ Timothée, ɔ bulo wen hazu Jésus-Christ, *Bewei pɛ Sɔ, ha soko ɛnɛ. Nɛ wɛnɛ tɛ hɔ hazu tɔ «ey» nɛ «way» na. Ma, wen pɛa ka nê «ey» sɔna.

Jean 19:7

Mɛgi, hio zuife kiforo wen ha wɛnɛ: «*Mbonga pɛ ɔ tɔa nde, a lɛma nɛ fio, hazu a tɔa nde, wɛnɛ nê *Bewei pɛ Sɔ.»

Jean 11:27

Marthe kiforo wen ha wɛnɛ: «Ey, Kongawan, mi mɛkara nde, mɛ nê *Mesi, *Bewei pɛ Sɔ, ka ɛ batɔ nde, wɛnɛ betɛ ha nzan.»

Jean 10:36

Sɔ weka mi nɛ wɛnɛ tomsa mi ha nzan. Mɛgi ɛnɛ dea mɛng mɛ tɔ nde, mi ha fɛngsa Sɔ hazu mi tɔa nde, mi nê Bewei pɛ Sɔ, nde?

Marc 1:1

Ɛngɛ nê angara *Dede Wen hazu Jésus-Christ, *Bewei pɛ Sɔ.

Matthieu 27:54

Kagama-bulo nɛ hio wan-bibulo ka pɛma Jésus zɔka yaka nu nɛ mɔ fɛt ka hɔa. Mɛgi gasa ke baa mbwa, nɛ mbwa tɔa: «Kpasawen, wi kɛ dungɔ nê *Bewei pɛ Sɔ.»

Matthieu 27:43

A gdea tazu wa fɛt ha tɛ Sɔ. A tɔa nde, wɛnɛ nê Bewei pɛ Sɔ. Mɛgi ka Sɔ ngoya wɛnɛ, Sɔ akpasisi wɛnɛ sising.»

Matthieu 27:40

mbwa tɔa: «Yiss! Mɛ ka batɔ nde, mɛ begbin *gasa twa Sɔ, nɛ mɛ bebhɔngiri yo ha zang yala tar, mɛ kpasisi tɛ mɛ nɛ pɛ mɛ tɛ. Ka mɛ nê *Bewei pɛ Sɔ, mɛ zil ha getakate!»

Matthieu 26:63

Ma, Jésus dungɔ sɛm. Mɛgi wan-zu hio wan-hasadaka tɔa ha wɛnɛ: «Mi ani mɛ nɛ ling tunɔ Sɔ, mɛ tɔ ha ɔ ka mɛ nê *Mesi, *Bewei pɛ Sɔ.»

Matthieu 17:5

Ka wɛnɛ boka ha wolamɔ, ma lɛkɛ-lɛkɛ buswe tɛa tɛ gok mbwa nɛ simɔa. Ma gɛl gboa ha soko buswe nɛ tɔa: «Wi kɛ nê Bewei pɔm ka mi ngoya gdang. Mi gdea sila mi ha tɛ wa. Ɛnɛ ze nu wa!»

2 Jean 1:9

Wi fɛt ka pam osamɔ pɛ Christ na, mana ka gde ma mɔ nɛtɛ ha zua, tili wi mɛgi bo ha dea sɔy hinɛ Sɔ na. Ma, wi ka pam osamɔ pɛ Christ, tili wi mɛgi ha dea sɔy hinɛ Sɔ, Bafa, nɛ hinɛ Bewei pɛa.

Hebro 7:3

Takarata pɛ Sɔ tɛ tɔ wen pɛ bafa wa na, nana wa na, hio ngbabafa wa na, bhɛ pɛa na, fio pɛa na. Wɛnɛ gbesi tuka *Bewei pɛ Sɔ, wɛnɛ bhɔna nê wan-hasadaka ngimɔ fɛt.

Dede Wen hazu Jésus-Christ ka Luc ngɛraka 3:22

Nɛ *Nzɔy-Sɔtɛ zilo ha zu Jésus tuka gbakuli. Nɛ ma gɛl gboa ha liswe nɛ tɔa: «Mɛ nê bewei pɔm ka mi ngoya gdang. Mɛ gdea totɛ ha sila mi.»

Dede Wen hazu Jésus-Christ ka Luc ngɛraka 1:35

Telenge tɔa ha wɛnɛ: «*Nzɔy-Sɔtɛ betɛ ha zu mɛ, nɛ Sɔ ha kuso ngɔn begok mɛ nɛ ngatɛ pɛa tuka zizi. Hazu ɛngi bem ka mɛ bebhɛ bedung nɛ nzɔya, nɛ ɛ besa wɛnɛ nde, Bewei pɛ Sɔ.

Marc 1:11

Gɛl Sɔ gboa ha liswe nɛ tɔa: «Mɛ nê bewei pɔm ka mi ngoya gdang, mɛ gdea totɛ ha sila mi.»

Matthieu 16:16

Simon-Pierre kiforo wen: «Mɛ nê Mesi, Bewei pɛ tunɔ Sɔ.»

Matthieu 11:27

«Bafa mi gdea mɔ fɛt ha kɔ mi. Yo nê Bafa mi sɔna ka ing mi, Bewei pɛa. Nɛ yo nê mi, Bewei pɛa sɔna ka ing Bafa mi. Nɛ wi ndang ndang, ka mi ngoy gbasi Bafa mi ha mbwa, mbwa being Bafa mi.

Matthieu 8:29

Mbwa gdɔra: «*Bewei pɛ Sɔ, mɛ ngoy mɛ de nɛ ge nɛ ɔ ge? Mɛ tɛa hazu yukiti ɔ sɔngsi swe kita pɛ Sɔ nde?»

Matthieu 4:6

Nɛ wɛnɛ tɔa ha Jésus: «Ka mɛ nê Bewei pɛ Sɔ, mɛ bhil tek ha nu. Hazu takarata pɛ Sɔ tɔa nde, Sɔ beha nu ha hio *telenge pɛa mɛ gde kɔ ha si mɛ nde, mɛ akɔ nanga mɛ ha ta na.»

Matthieu 3:17

Ma gɛl gboa ha liswe nɛ tɔa: «Wi kɛ nê bewei pɔm ka mi ngoya gdang. Wɛnɛ gdea totɛ ha sila mi.»

Jean 20:28

Nɛ Thomas kiforo wen ha wɛnɛ: «Mɛ nê Kongawan pɔm, nɛ mɛ nê Sɔ pɔm.»

Jean 10:30

Mi hinɛ Bafa mi, ɔ nê wi ndang sɔna.»

Jean 6:69

Ɔ mɛkara nɛ ɔ ingɔ nde, mɛ nê nzɔy wi ka Sɔ tomsa ha ɔ.»

Jean 1:18

Ma wi ndang tɛ zɔk Sɔ na. Ma, yo nê ndanga Bewei pɛa, ka dung hapɛtɛ wa, ka gbasa wɛnɛ ha ɔ.