Jean 1:21 - Takarata pɛ Sɔ Mbombe Mbon

²¹ Mɛgi, mbwa ana wɛnɛ: «Ma, mɛ nê o? Mɛ nê *wan-tɔkuliwen *Elie nde?» Wɛnɛ kiforo wen ha mbwa: «Way, mi bo nê Elie na.» Mbwa ana wɛnɛ fin: «Mɛ nê wan-tɔkuliwen kɛ ka ɔ ha kera nde?» A kiforo wen ha mbwa: «Way, mi bo nê wɛnɛ na.»

Jean 1:21 Referans Kwoze

Matthieu 11:14

*Elie wan-tɔkuliwen bekifiri. Ka ɛnɛ mɛkiri mana kafi, mi tɔ ha ɛnɛ nde, Jean nê Elie ka kiforo!

Jean 1:25

Mbwa ana wɛnɛ fin: «Ka mɛ bo nê Mesi na, ngase Elie na, ngase wan-tɔkuliwen ɛngi na, ma, mɛ ha gdumso hio wi ha li hazu ge?»

Matthieu 16:14

Mbwa kiforo wen: «Hio ma wi tɔ nde, mɛ nê *Jean wan-gdumsiwi. Hio ma nde, mɛ nê *Elie. Nɛ hio ma mbinga tɔ nde, mɛ nê Jérémie mana ma ndang ha soko hio *wan-tɔkuliwen.»

Jean 7:40

Ka hio giliwi zea wen ndɔng, hio ma ha soko mbwa tɔa: «Kpasawen, wi kɛ nê *wan-tɔkuliwen kɛ, ka ɔ ha kera.»

Dede Wen hazu Jésus-Christ ka Luc ngɛraka 1:17

Nɛ wɛnɛ bepen sɔngsi Sɔ tuka wan-nɛkasara. A bede yo nɛ sɔtɛ nɛ ngatɛ ka dungɔ se ha tɛ *wan-tɔkuliwen *Elie. Nɛ wɛnɛ bebhɔngiri soko hio gdibafa nɛ hio bem. A bede nde, hio wan-ngazu atakiri mɔ tuka hio *nzeng wi. Mɛgi wɛnɛ bebhɔngiri kandɔ Israel hazu tɛa pɛ Kongawan.»

Matthieu 21:11

Nɛ giliwi kiforo wen: «Yo nê wan-tɔkuliwen Jésus, wi mɛ Nazaret, ha kandɔnu Galile.»

Jean 1:22

Mbwa ana wɛnɛ nɛ mbinga: «Ma, mɛ nê nge tɛ wi ge? Hazu lɛma nde, ɔ akifiri wen ha hio wi ka tomsa ɔ. Mɛgi, mɛ tɔ pɛ mɛ nde, mɛ nê o?»

Jean 6:14

Ka hio wi zɔka mɔweka ɛngi ka Jésus dea, mbwa tɔa: «Kpasawen, wei kɛ nê *wan-tɔkuliwen, ka ɛ batɔ sɔngsi nde, a betɛ bin ha nzan.»