Jean 1:19 - Takarata pɛ Sɔ Mbombe Mbon

¹⁹ Hio wan-le *zuife mɔ Jérusalem tomsa hio ma wan-hasadaka nɛ hio ma *Levite hazu nɛ, nɛ ani Jean: «Mɛ nê o?» Wɛnɛ gbasa wen,

Jean 1:19 Referans Kwoze

Jean 10:24

Hio wi wesara may zikiri wɛnɛ fin. Nɛ mbwa tɔa ha wɛnɛ: «Ka mɛ nê *Mesi, mɛ tɔ yo ha ɔ long. Yo tɛ bo nê ngimɔ nɛdɔka ka ɔ ha zenga mɔ. Mɛ betɔ yo ha ɔ ha nge swe ge?»

Deamɔ 19:4

Nɛ Paul tɔa: «Jean gdumso nɛ wi ndɔng, ka mɛkara mɛ kifiri sila mbwa. Nɛ wɛnɛ tɔa ha hio wi mɔ kandɔ *Israel nde, mbwa amɛkiri wi, ka betɛ ha pata wa. Wi ɛngɛ nê Jésus.»

Deamɔ 13:25

Nɛ ha kpogio tom pɛa, Jean tɔa: ‹Ɛnɛ zɔk mi tuka o? Mi bo nê *Mesi na. Ma, wɛnɛ betɛ ha pata mi, nɛ mi bo nɛ zioa mɛ bul pɛl nakala pɛa na.›

Jean 2:18

Hio wan-le *zuife tɔa ha wɛnɛ: «Mɛ de ma *mɔweka ka ɔ azɔk nde, mɛ dung nɛ ziomɔ mɛ de nɛ mɔ ndɔng!»

Jean 5:10

Mɛgi, ka hio zuife zɔka wei kɛ ka zɛlɛ pɛa kara ha nɛa nɔ, mbwa tɔa ha wɛnɛ: «Mɛsɛ nê swe ɔmtɛ. *Mbonga pɛ ɔ tɔ nde, wi atoy dele na.»

Jean 6:52

Nɛ ka hio wi zea mɛgi, mbwa angara zanga wen nɛngaya ha soko may. Mbwa tɔa: «Wei kɛ beku multɛ wa ha ɔ ayɔng mɛng?»

Jean 6:41

Hio wi dea ngambi sungiri nɛ Jésus hazu wen pɛa nde, wɛnɛ nê yɔngamɔ ka zil nɛ ngɔn tɛnɛ.

Jean 1:7

Wɛnɛ tɛa ha bulo wen saamɔ ɛngɛ ha hio wi tuka nde, mbwa amɛkiri yo nɛ wal wen nu wa.

Jean 2:20

Mbwa tɔa ha wɛnɛ: «Ɛ bɛa twa ɛngɛ ha zang kili bɛlɛ bhukɔa nar zanga mɔrkɔ gbala ndang, nɛ mɛ bebɛ yo fin nɛ mbinga ha zang yala tar karsi nde?»

Jean 5:15

Mɛgi, wei kɛ pena nɛ tɔ ha hio wan-le zuife nde, yo nê Jésus ka kpasasa wɛnɛ.

Jean 5:16

Tuka ɛngi, hio zuife angara namala Jésus, hazu a kpasasa wan-zɛlɛ ha swe ɔmtɛ.

Jean 5:18

Yo nê ɛngi ka hio zuife kio wal mɛ gbɛ wɛnɛ nɛngaya pen mɔ sɔngsi. Yo bo sɔna hazu a tukolo mbonga swe ɔmtɛ na, ma, hazu a tɔa fin nde, Sɔ nê Bafa wa. Ɛngɛ osi nde, a dea tɛ wa tuka Sɔ.

Jean 7:1

Hapata, Jésus dungɔ ha yala bhɔn ka ha kandɔnu Galile. A tɛ ngoy fin yala ha kandɔnu Judée na, hazu haki hio wan-le *zuife dungɔ ha kio wal mɛ gbɛ wɛnɛ.

Jean 7:11

Ha ngimɔ yenga, hio wan-le *zuife dungɔ ha kio wɛnɛ nɛ ana mɔ nde, wɛnɛ ha ndo?

Jean 7:15

Hio wi yaksa pentɛ nɛ mbwa tɔa: «Wei kɛ tɛ yambi *mbonga pɛ ɔ na. Ma, wɛnɛ ingɔ takarata pɛ Sɔ nɛdedea. A dea yo mɛng?»

Jean 8:22

Nɛ hio wi tɔa: «Wɛnɛ ngoy mɛ gbɛ nɛ tɛ wa nɛ pɛa tɛ nde? Hazu a tɔa nde, ɔ lɛm nɛ ha bhandi ka wɛnɛ benɛ ang na.»

Jean 8:48

Hio *zuife kiforo wen ha Jésus: «Mɛ nê wi mɛ *Samari, ka dua ha zang wa. Ɔ tɔa tɛwen na nde?»

Jean 8:52

Hio zuife tɔa ha wɛnɛ: «Kpasawen, sising, ɔ ingɔ long nde, mɛ nê wan-dua. Abraham hinɛ hio *wan-tɔkuliwen fɛt fea. Ma, mɛ tɔ nde, wi ka de mɔ lɛm nɛ wen pɛ mɛ, a lɛm fe kpoo na.

Jean 8:57

Mɛgi, hio zuife tɔa ha Jésus: «Mɛ tɛ kpa ka bɛlɛ bhukɔa mɔrkɔ na, mɛ tɛ tɔ nde, mɛ zɔka Abraham nde?»

Jean 10:31

Hio zuife kaya ta nɛ mbinga hazu lo nɛ wɛnɛ gbɛ.

Jean 11:19

Mɛgi, hio *zuife nɛdɔka dungɔ ha tɛa ha pɛ Marthe hinɛ Marie, hazu yɔkili mbwa hapata fio pɛ ya mbwa bewei.

1 Jean 1:5

Sɔ nê saamɔ, nɛ tutum bo ang ha tɛ wa ndang na. Ɛngɛ nê wen ka ɔ zea ha nu Jésus-Christ, nɛ ka ɔ tɔ yo ha ɛnɛ.