Jean 1:16 - Takarata pɛ Sɔ Mbombe Mbon

¹⁶ Tuka wɛnɛ nɛ dede sila pentɛ, ɔ fɛt kpaa hio dede mɔ ha kɔ wa ngimɔ nɛ ngimɔ.

Jean 1:16 Referans Kwoze

Kolose 1:19

Hazu Sɔ bheka nde, wɛnɛ nɛ tɛ wa fɛt adung ang ha tɛ Bewei pɛa.

Rome 5:2

Ɔ mɛkara Jésus-Christ. Mɛgi, a gbosasa wal nde, Sɔ ade *dede sila ha tɛ ɔ. Nɛ sising, ɔ ha nɔa nging ha zang dede sila pɛa. Ɔ ha dea totɛ hazu *mɔgdetazu ɔ nde, Sɔ bekapini *lɛkɛ-lɛkɛmɔ pɛa hinɛ ɔ.

Efeze 3:19

Ey, ɛnɛ aing ngoy pɛ Christ, ngase ka ma wi ndang lɛm ing yo hɛrr na. Mɛgi, tunɔ pɛ ɛnɛ bedon lɛtɛtɛ nɛ mɔ pɛ Sɔ fɛt mburr.

Efeze 1:23

Giliwi mɔ eglize nê kilitɛ Christ. Wɛnɛ ang nɛ tɛ wa ha soko mbwa, wɛnɛ ka ang ha zang mɔ fɛt ha bhandi fɛt.

Rome 5:17

Kpasawen, nɛ wal wi ndang, nɛ wal gdangamɔ pɛa ndang, fio ha gana zu hio wi fɛt. Ma, nɛ wal wi ndang, Jésus-Christ, ɔ ha kpaa dedemɔ pentɛ pet. Yo tɔ nde, Sɔ ha dea dede sila ha tɛ ɔ nɛkpasa, nɛ wɛnɛ gdea ɔ nzeng ha li wa. Mɛgi, ɔ began zu gdangamɔ nɛ fio fɛt nɛ wal Jésus-Christ.

Jean 3:34

Wi kɛ ka Sɔ tomsa, tɔ nɛ Wen pɛ Sɔ, hazu Sɔ donsa wɛnɛ nɛ Sɔtɛ pɛa lɛtɛtɛ.

1 Pierre 1:2

Sɔ, Bafa ɔ, baweki ɛnɛ lɛm nɛ mɔ ka wɛnɛ babhɔngiri sɔngsi bhee. *Nzɔy-Sɔtɛ pɛa gdea ɛnɛ nɛtɛ tuka nde, ɛnɛ aze nu Jésus-Christ, nɛ nde, tɔktɛ wa asasisi ɛnɛ. Sɔ ade *dede sila ha tɛ ɛnɛ, nɛ wɛnɛ aha gaamɔ ha ɛnɛ nɛdɔka pentɛ pet.

Matthieu 13:12

Hazu ɛ beha mɔ ha wi ka dung nɛ mɔ ha kɔ wa. Nɛ wɛnɛ bedung ha zang yɛbhɛ-yɛbhɛ kpaamɔ. Ma, wi ka bo nɛ ma mɔ na, ngase bebe mɔ ka dung ha kɔ wa, ɛ beku yo yunɛ.

Kolose 2:3

ka Sɔ gdea mbaramɔ nɛ ingɔmɔ fɛt mburr ha tɛ wa.

Rome 8:9

Ka bo nê pɛ ɛnɛ, ka ɛnɛ ade mɔ nɛ tɛ ɛnɛ na, ma, ɛnɛ de mɔ nɛ Nzɔy-Sɔtɛ pɛ Sɔ, hazu Sɔtɛ ɛngɛ ha dea le ha tɛ ɛnɛ. Ka Sɔtɛ pɛ Christ de le ha sila ma wi na, wia bo nê pɛ Christ na.

Dede Wen hazu Jésus-Christ ka Luc ngɛraka 21:15

Hazu mi nɛ pɔm tɛ beha ɛnɛ mbaramɔ mɛ tɔ wen, ka ngana pɛ ɛnɛ fɛt lɛm gan zua na, nɛ ka mbwa lɛm kifiri wen ha yo na.

Matthieu 3:14

Ma, Jean ngoya dola wɛnɛ, a tɔa: «Yo nê mɛ, Jésus, ka lɛma gdumsi mi ha li. Nɛ mɛ tɛ ha pɔm mɛng?»

Matthieu 3:11

Pɔm, mi gdumsi ɛnɛ ha li hazu osi nde, ɛnɛ kiforo sila. Ma, wi kɛ ka betɛ ha pata mi, wɛnɛ nɛ gasaa pen mi. Mi bo nɛ zioa hazu bul pɛl nakala pɛa na. A begdumsi ɛnɛ ha zang *Nzɔy-Sɔtɛ nɛ ha zang we.

1 Pierre 1:11

*Nzɔy-Sɔtɛ pɛ Christ ka dungɔ ha sila mbwa gbasa bingiri nde, Christ bekpa yimtɛ sɔngsi ing ki, a tɛ kpa lɛkɛ-lɛkɛmɔ. Mbwa dungɔ ha kio mɔ nɛngaya, hazu ing ngimɔ nɛ wal ka mɔ ndɔng behɔ nɛ.

Rome 5:20

Sɔ baha mbonga ha Moïse tuka nde, dea gdangamɔ pɛ hio wi ayɛbhi. Ma, ha bhandi ka gdangamɔ yɛbha ang, Sɔ dea dede sila ha tɛ hio wi haki pen mɔ sɔngsi fin.