Jean 1:12 - Takarata pɛ Sɔ Mbombe Mbon

¹² Ma, ngase ɛngi, hio ma wi baa wɛnɛ nɛ dede kɔ, nɛ mbwa mɛkara wɛnɛ. Mɛgi, mbwa tɛ bo nê hio bem pɛ Sɔ nɛ wal ziomɔ pɛa.

Jean 1:12 Referans Kwoze

Galasi 3:26

Kpasawen, ɛnɛ fɛt tɛ bo nê hio bem pɛ Sɔ nɛ wal mɛkaramɔ ka ɛnɛ mɛkara nɛ Jésus-Christ.

Rome 8:14

Wi ndɔng fɛt ka ndari wal ka Nzɔy-Sɔtɛ osi ha mbwa, mbwa nê hio bem pɛ Sɔ.

1 Jean 3:1

Ɛnɛ zɔk, Sɔ, Bafa ɔ, saa ɔ nde, hio bem pɛa! Ɛngi osi gasa ngoy ka wɛnɛ ngoya nɛ ɔ! Ey, ɔ nê hio bem pɛa kpasawen. Hio wi mɔ nzan ing Sɔ na. Mɛgi, mbwa tɛ ing nde, ɔ nê hio bem pɛ Sɔ, na.

Galasi 4:6

Sɔ tomsa Sɔtɛ pɛ Bewei pɛa ha zang sila ɔ, hazu osi nde, ɔ nê hio bem pɛa nɛkpasa. Nɛ Sɔtɛ ɛngɛ ha gdɔra: «Abba» ka tɔ nde, Bafa mi!

Jean 3:18

Wi kɛ ka mɛkiri *Bewei pɛ Sɔ, kita lɛm ba wɛnɛ na. Ma, wi kɛ ka mɛkiri wɛnɛ na, kita baa wɛnɛ kari, hazu a tɛ mɛkiri ndanga Bewei pɛ Sɔ na.

Kolose 2:6

Ɛnɛ mɛkara kari nde, Jésus-Christ nê *Kongawan pɛ ɛnɛ. Mɛgi dea nde, ɛnɛ ade mɔ tuka wi ka de sɔy hinɛ wɛnɛ.

Matthieu 10:40

«Wi ka baa ɛnɛ nɛ dede kɔ, a baa mi. Nɛ wi ka baa mi nɛ dede kɔ, a baa Sɔ ka tomsa mi.

Jean 20:31

Ma, mɔ ndɔng ka dung ang, ɛ ngɛraka yo nde, ka ɛnɛ amɛkiri nde, Jésus nê *Mesi, *Bewei pɛ Sɔ. Ka ɛnɛ mɛkiri wɛnɛ, a beha ɛnɛ tunɔ.

2 Pierre 1:4

Nɛ wal mɔ ndɔng, Sɔ haa ɔ hio dedemɔ nɛ hio gasa mɔ ka wɛnɛ bagɔn se nua mɛ ha yo ha ɔ. Ka ɛnɛ kpaa mɔ ndɔng, ɛnɛ bedung nɛ ndangtɛ tunɔ ka Sɔ nɛ yo. Ɛnɛ bekpɔy ha mɔ ka behɔ ha hio wi mɔ nzan. Mbwa bebhondi fɛt hazu mbwa nɛ hɛl mɛ de gdangamɔ.

Matthieu 12:21

Nɛ hio kandɔ fɛt, begde tazu mbwa ha tɛ wa.»

1 Jean 3:23

Nɛ mbonga ka Sɔ haa ha ɔ, yo nde, ɔ amɛkiri ling Jésus-Christ, Bewei pɛa. Nɛ nde, ɔ angoy may lɛm nɛ mbonga ka Christ haa ha ɔ.

Deamɔ 3:16

Wei ɛngɛ ka ɛnɛ fɛt ingɔ nɛdedea, nɛ ka ɛnɛ zɔk sising, kpasa hazu ɔ mɛkara ziomɔ pɛ Jésus. Yo nê wal gdea tazu ha tɛ Jésus, ka wɛnɛ tɛ bo nɛ dede tɛ ha li ɛnɛ fɛt.

Jean 11:52

Nɛ yo bo nê hazu kandɔ zuife sɔna na. Ma, hazu wesiri hio bem pɛ Sɔ, ka de le ha nzan fɛt.

Jean 1:7

Wɛnɛ tɛa ha bulo wen saamɔ ɛngɛ ha hio wi tuka nde, mbwa amɛkiri yo nɛ wal wen nu wa.

Matthieu 18:5

Nɛ wi ka ba ma wi tuka ɛngɛ nɛ dede kɔ hazu ling mi, wɛnɛ baa mi.»

Jean 2:23

Ha ngimɔ ka Jésus dungɔ ha gala yenga *Pake ha Jérusalem, hio wi nɛdɔka mɛkara wɛnɛ hazu mbwa zɔka hio *mɔweka ka wɛnɛ dungɔ ha dea.

Jean 1:11

A tɛa ha zang kandɔ pɛa, ma, hio wi mɛ kandɔ pɛa tɛ ba wɛnɛ nɛ dede kɔ na.

Rome 8:16

Sɔtɛ ɛngɛ ha gbasa ha sɔtɛ ɔ nde, ɔ nê hio bem pɛ Sɔ.

Rome 8:19

Hio mɔ nzan fɛt ha dea gasa hɛl mɛ zɔk swe ka Sɔ begbasi hio bem pɛa long.

1 Jean 3:2

Hio ndɔngsila mi, sising ɔ tɛ bo nê hio bem pɛ Sɔ. Ma, wal ka ɔ bedung nɛ bin, Sɔ tɛ gbasi ka yo ha ɔ na. Ma, ɔ ingɔ sɔna nde, ka Christ behɔ, ɔ bedung nɛ ndangtɛ wal gbesi tuka wɛnɛ, hazu ɔ bezɔk wɛnɛ tuka wɛnɛ dung.

1 Jean 3:10

Mɛgi, mɔ ka gba soko bem pɛ Sɔ nɛ bem pɛ gdanga sɔ, yo nê ɛngɛ: Wi ka de mɔ nzeng na, nɛ ka ngoy ya wa na, wɛnɛ bo nê bem pɛ Sɔ na.