Jacques 5:6 - Takarata pɛ Sɔ Mbombe Mbon

⁶ Ɛnɛ gɔna kita ha zu hio *nzeng wi, ka tɛ zati ha li ɛnɛ na. Nɛ ɛnɛ gbɛa mbwa.

Jacques 5:6 Referans Kwoze

Jacques 4:2

Ɛnɛ ha gola mɔ, ka ɛnɛ kpa na, nɛ ɛnɛ gbɛ wi ha wena. Ɛnɛ ha gdea sila ha tɛ ma mɔ, ka ɛnɛ lɛm kpa yo na. Yo nê ɛngi ka gde ɛnɛ ha mɔya nɛ ha bio tumbɔ ha soko may. Ɛnɛ kpa mɔ ka ɛnɛ ngoya na, hazu ɛnɛ gɔ yo ha kɔ Sɔ na.

Deamɔ 8:32

Wen, ka wɛnɛ ha tɔla, tɔ nde: «A dungɔ tuka sami, ka ɛ baa nɛnɛ ha gbɛa. A dungɔ tuka besami, ka ɛ gɔna bumɔ tɛ wa. Ha mɔ ndɔng fɛt, a dungɔ selele nɛ a tɛ gu nu ngɔti tɛ na.

Matthieu 5:39

Ma, pɔm, mi tɔ ha ɛnɛ nde, ka ɛnɛ akundiki gdangamɔ ka ɛ dea ha tɛ ɛnɛ na. Ka ma wi mɛla mbuku mɛ mɔ wal wekɔ, mɛ gde fin wɛnɛ amɛl bhalkɔa.

Hebro 10:38

Nɛ wi ka dung nzeng ha li mi, bebhɔn nɛ zutunɔ nɛ wal mɛkara mi. Ma, ka wɛnɛ laka wala gde, mi lɛm de totɛ tɛ wa na.»

Deamɔ 22:14

A tɔa fin: ‹Sɔ pɛ hio ngbabafa ɔ weka mɛ sɔngsi hazu nde, mɛ aing mɔ, ka wɛnɛ ngoya, nɛ nde, mɛ azɔk Jésus, *nzeng wi pɛ Sɔ, nɛ ze gɛl wa.

Jacques 2:6

Pɛ ɛnɛ, ɛnɛ ha bhɛsara hio fabha wi. Ma, bo nê hio wan-kpamɔ ha yukiti ɛnɛ, nɛ ha ku ɛnɛ nɛnɛ ha li kita, na nde?

Deamɔ 7:52

Hio ngbabafa ɛnɛ namala hio wan-tɔkuliwen fɛt. Mbwa gbɛa hio wi, ka batɔ wen tɛa pɛ *Mesi, ndanga *nzeng wi. Yo nê wɛnɛ ka ɛnɛ haa kasatɛ wa nɛ gbɛa wɛnɛ.

Matthieu 27:20

Ma, hio gasa wan-hasadaka nɛ hio kotowi aa sɔkira ha giliwi nde, mbwa a-ani mɛ gbosisi Barabas, nɛ mɛ gbɛ Jésus.

Matthieu 21:38

Ma, ka hio wan-tom fɔ ndɔng zɔka bem, mbwa tɔa ha soko may: ‹Wan-ba likɔ ga. Ɛnɛ tɛ, ɔ agbɛ wɛnɛ ka ɔ akay likɔ pɛ bafa wa fɛt.›

1 Pierre 4:18

Ɛ ngɛraka ha zang takarata pɛ Sɔ: «Ka yo dung nɛ ngaya hazu *nzeng wi mɛ kpasi, pɛ hio *wan-kafi Sɔ nɛ *wan-de gdangamɔ bedung mɛng?»