Jacques 5:19 - Takarata pɛ Sɔ Mbombe Mbon

¹⁹ Hio ya mi, ka ma wi ha soko ɛnɛ yɔamɔ lak tɛwen gde, nɛ ka ma wi kiforo wɛnɛ pe nɛ ha tɛwen,

Jacques 5:19 Referans Kwoze

Galasi 6:1

Hio ya mi, *Nzɔy-Sɔtɛ ang ha tɛ ɛnɛ. Mɛgi, ka ɛnɛ kpa ma wi ha dea gdangamɔ, ɛnɛ yolsi wɛnɛ nɛ gaa sila. Nɛ ɛnɛ pangay nɛ tɛ ɛnɛ fin yu nde, ɛnɛ betɛ tek ha zang gdangamɔ tuka wɛnɛ.

Matthieu 18:15

«Ka ya mɛ dea gdangamɔ sungiri nɛ mɛ, mɛ nɛ, nɛ kpa wɛnɛ nɛ wuso, mɛ gbatɛ hinɛ wɛnɛ. Mɛ gbasi gdangamɔ pɛa ha wɛnɛ. Ka wɛnɛ zea mɛ, wɛnɛ tɛa fin ya mɛ nɛ mbinga.

Jacques 5:20

ɛnɛ aing nde, wɛnɛ ka kiforo wi ka yɔamɔ, kpasasa tunɔ pɛ *wan-de gdangamɔ ɛngɛ ha fio. Nɛ hazu deamɔ mɛgi, Sɔ bebisi hio *sɛmbɔ nɛdɔka.

Dede Wen hazu Jésus-Christ ka Luc ngɛraka 22:32

Ma, mi gɔa Sɔ hazu mɛ nde, ka mɛ alak mɛkaramɔ gde na. Nɛ hapata, ka mɛ bekifiri fin ha pɔm, lɛma nde, mɛ angasisi hio ya mɛ.»

2 Pierre 3:17

Ka bo nê pɛ ɛnɛ, hio ndɔngsila mi, mi gbaa tazu ɛnɛ kari. Mɛgi, ɛnɛ pangay yu nde, hio *kalbho-kalbho wi betɛ sɛbhili ɛnɛ mɛ ndari mbwa ha gdanga wal pɛ mbwa, nɛ ɛnɛ betɛ lak gde mɛ zati ha wal mɔ Sɔ.

1 Timothée 6:10

Yo nê hɛl mbɔli ha bhɛ tili gdangamɔ fɛt. Hio ma wi yɔsasa wal pɛ Sɔ hazu mbwa ngoya mbɔli nɛdɔka, nɛ mɛgi, mbwa pio tɛ mbwa ha zang dɔka ngɔtɛ.

1 Timothée 6:21

Hio ma wi ka mɛkara ingɔmɔ ɛngɛ, yɔa wal mɛkara Christ. Sɔ ade dede sila ha tɛ ɛnɛ.

Jude 1:11

Ngɔtɛ ha mbwa! Hazu mbwa ndara deamɔ pɛ Kain. Mbwa tɔa wen dalo hazu kpa nɛ mbɔli gbesi tuka ka Balaam batɔ nɛ. Mbwa guotɛ sungiri nɛ Sɔ, gbesi tuka ka Kore bade nɛ, nɛ mbwa fɛt befe tuka wɛnɛ.

Jacques 3:14

Ma, ka ɛnɛ de nga sila nɛ ɛnɛ ha kio wen sungiri nɛ may, ka ɛnɛ asutɛ na. Ɛngi tɛ bo nê kiforo tɛwen ha dalo.

2 Timothée 2:18

Mbwa laka tɛwen gde, hazu mbwa ha tɔa nde, Sɔ guo hio fiowi kari. Mɛgi, mbwa gdangsa mɛkaramɔ pɛ hio dɔka wi.

Hebro 5:2

Gasa wan-hasadaka ingɔ dea kobhe tɛ hio tam-tum wi ka yɔa wal, hazu wɛnɛ fin nɛ mɔkaa gbesi tuka mbwa.

Jacques 1:16

Hio ya mi ka mi ngoya gdang, ka ɛnɛ aosili ɛnɛ nɛ tɛ ɛnɛ na.

Jacques 1:19

Hio ya mi ka mi ngoya gdang, tazu ɛnɛ agba nde, lɛma nde, ɛnɛ adung gdungɛ-gdungɛ mɛ lɛngi zala. Ka ɛnɛ awolmɔ nɛhasa na, nɛ ka ɛnɛ ade yimsila mbalang na.