Jacques 2:6 - Takarata pɛ Sɔ Mbombe Mbon

⁶ Pɛ ɛnɛ, ɛnɛ ha bhɛsara hio fabha wi. Ma, bo nê hio wan-kpamɔ ha yukiti ɛnɛ, nɛ ha ku ɛnɛ nɛnɛ ha li kita, na nde?

Jacques 2:6 Referans Kwoze

1 Korente 11:22

Bo nê ɛnɛ nɛ twa mɛ yɔng nɛ nɔ mɔ ang, na nde? Ɛnɛ ngoy bhɛsiri *giliwi mɔ eglize pɛ Sɔ nde? Hio wi ndɔng ka bo nɛ mɔ na, ɛnɛ ngoy mɛ pi foy ha li mbwa nde? Mi betɔ nɛ nge wen ha ɛnɛ ge? Ɛnɛ takiri pɛ ɛnɛ nde, mi belukisi ɛnɛ? Way, mi lukisi ɛnɛ ndang na.

Jacques 5:4

Zɔk, ɛnɛ osala hio wan-tom ka bhi kpalmɔ ha zang fɔ pɛ ɛnɛ. Mbwa ha lokatɛ hazu ɛnɛ tɛ ha mbɔli tom ha mbwa na. Gdɔra pɛ hio wan-bhi kpalmɔ ndɔng lea zala Sɔ, Wan-gan zu mɔ fɛt.

Jacques 2:3

Mɛgi, ɛnɛ baa wi ɛngɛ ka yola dede la nɛ zioa, nɛ tɔa: «Ɛnɛ tɛ tɛ dungnu hakɛ ha dede kiti.» Nɛ ɛnɛ tɔa ha fabha wi: «Mɛ yol pɛ mɛ hakɛ ha ngɔn, mana mɛ dung haki ha nu.»

Deamɔ 17:6

Tuka mbwa tɛ kpa Paul nɛ Silas na, mbwa baa Yason nɛ hio ma ya ha Christ nɛnɛ ha pɛ hio wan-le. Mbwa angara gdɔra nɛ tɔa: «Wi ndɔng yeksa nzan fɛt, nɛ sising, mbwa hɔa hakɛ.

Deamɔ 13:50

Hio zuife ilo hio ma konga bhoko, ka lukisi Sɔ, nɛ hio konga wei mɔ le ɛngi nde, mbwa anamili Paul hinɛ Barnabas nɛ yin mbwa gbo ha kandɔnu ɛngi.

Deamɔ 8:3

Saul kio wal mɛ bhondisi giliwi mɔ eglize. A lea hio twa pɛ mbwa nɛnɛ, nɛ kaya hio wei nɛ bhoko a ha twa zɔbhɔ.

Jacques 5:6

Ɛnɛ gɔna kita ha zu hio *nzeng wi, ka tɛ zati ha li ɛnɛ na. Nɛ ɛnɛ gbɛa mbwa.

Deamɔ 18:12

Ma, ha ngimɔ ka Galion dungɔ gɔfɔrma ha zu kandɔnu Akai, hio zuife guotɛ nɛ sila ndang sungiri nɛ Paul, nɛ mbwa kuo wɛnɛ nɛnɛ ha li kita.

Jean 8:49

Jésus tɔa fin ha mbwa: «Mi bo nɛ dua ha zang mi na. Mi lukisi nɛ Bafa mi. Ma, pɛ ɛnɛ, ɛnɛ ngoy lukoso mi na.