Jacques 2:25 - Takarata pɛ Sɔ Mbombe Mbon

²⁵ Yo badung fin gbesi hinɛ Rahab, bhoko-de wanza. A baa hio wan-mbari bhandi pɛ ngana mɔ kandɔ *Israel nɛ dede kɔ, nɛ a osa ha mbwa ma wal mɛ yu nɛ mɔ pen. Yo bo nê hazu deamɔ ɛngi, ka Sɔ baa wɛnɛ tuka nzeng wi, na nde?

Jacques 2:25 Referans Kwoze

Hebro 11:31

Nɛ wal mɛkara Sɔ, Rahab, bhoko-de wanza, baa nɛ dede kɔ hio wi ndɔng ka tɛa nɛ wuso tɛ mbari le Jéricho. Mɛgi, a tɛ fe hinɛ hio wan-de kpandele sungiri nɛ Sɔ na.

Matthieu 21:31

O ha soko bem ndɔng bwa dea mɔ ka sila bafa mbwa ngoya, o nde?» Nɛ mbwa tɔa ha Jésus: «Yo nê kaya.» Nɛ Jésus tɔa ha mbwa: «Kpasawen, mi tɔ ha ɛnɛ nde, hio wan-ndɛm mbɔli garama nɛ hio bhoko-de wanza bele ha *Kongakandɔ pɛ Sɔ sɔngsi ɛnɛ.

Matthieu 1:5

Salmon nɛ ko pɛa Rahab bhɛa Boaz. Boaz nɛ ko pɛa Ruth bhɛa Obed. Obed bhɛa Yese.

Jacques 2:22

Yo gbasa long nde, Abraham mɛkara Sɔ nɛ a dea mɔ lɛm nɛ yo gbesi, nɛ nde, hio deamɔ pɛ Abraham lɛmsara mɛkaramɔ pɛa wɛɛ.

Jacques 2:18

Ka ma wi tɔ: «Hio ma wi mɛkara Sɔ, nɛ hio ma de pɛ mbwa nɛ dedemɔ.» Mɛgi, mi bekifiri wen: «Ka mɛ de dedemɔ na, mɛ beosi ha mi nde, mɛ mɛkara Sɔ, mɛng? Mi beosi ha mɛ nde, mi mɛkara Sɔ, nɛ wal dede deamɔ pɔm.»

Deamɔ 17:7

Yason baa mbwa nɛ dede kɔ ha twa pɛa. Wi ndɔng fɛt de mɔ sungiri nɛ *mbonga pɛ *kongapora Sezar hazu mbwa tɔa nde, ma mbing kongapora ang, ling wa nde, Jésus.»

Jacques 2:24

Hazu ɛngi, ɛnɛ zɔka nde, Sɔ ba wi tuka nzeng wi nɛ wal deamɔ pɛa, yo bo sɔna nɛ wal mɛkaramɔ pɛa na.