Jacques 1:14 - Takarata pɛ Sɔ Mbombe Mbon

¹⁴ Yo nê gdanga golamɔ pɛ wi ndang ndang ka sɛbhili wɛnɛ hazu mbɔmbili wɛnɛ pi ha li sak.

Jacques 1:14 Referans Kwoze

Efeze 4:22

Mɛgi, ɛnɛ lak mɔa ndɔki deamɔ pɛ ɛnɛ gde. Ey, ɛnɛ kpɔsi mɔa tɛ wi, ka de mɔ lɛm nɛ gdanga golamɔ. Golamɔ ndɔng ha osala ɛnɛ, nɛ yo bebhondisi ɛnɛ.

Matthieu 15:18

Ma, mɔ ka gbo ha nu wi, yo gutɛ ha sila wa. Ɛngɛ nê mɔ ka de nzing ha tɛ wi ha li Sɔ.

Hebro 3:13

Ma, hɔ ha kpogio yala ha soko hio yala ndɔng, ka Sɔ sa nde, swe mɛsɛ, ɛnɛ ambo may swe ndang ndang fɛt yu nde, gdangamɔ betɛ sɛbhili ɛnɛ hazu dung nê hio wan-ngazala.

Rome 7:13

Mi ani mɔ nde, mbonga ka dung nê dedemɔ, kpala tɛ dung nê mɔ gbɛ mi nde? Way! Yo bo mɛgi na. Ma, yo nê gdangamɔ ha gbɛ mi. Gdangamɔ kuo dedemɔ ɛngɛ gbɛ nɛ mi. Nɛ wal ɛngi, hio wen mbonga osa long nde, gdangamɔ nê tɛ kpasa gdangamɔ.

Matthieu 5:28

Ma, pɔm, mi tɔ ha ɛnɛ nde, wi ka zɔk ma bhoko hazu de li wa, dea wanza hinɛ wɛnɛ ha zang sila wa kari.

Rome 7:11

Hazu nɛ wal wen mbonga, gdangamɔ kpaa wal mɛ osili mi. Nɛ gdangamɔ kuo wen mbonga hazu gbɛ nɛ mi.

Matthieu 15:20

Yo nê mɔ ndɔng ka de nzing ha tɛ wi. Ma, ka ɛ yɔngmɔ nɛ kɔ nɛ nzing, ɛngɛ de nzing ha tɛ wi ha li Sɔ na.»

Matthieu 4:1

Hapata *Nzɔy-Sɔtɛ ngbɔsa Jésus nɛnɛ ha kpɛnu tuka nde, Satan awe sila wa.

Jacques 1:13

Ka mɔ sɛbhala ma wi, ka wɛnɛ atɔ nde, yo nê Sɔ ha sɛbhili wɛnɛ, na. Hazu ma mɔ lɛm sɛbhili Sɔ mɛ de gdangamɔ na. Nɛ Sɔ nɛ tɛ wa sɛbhili wi ndang na.

Jacques 1:15

Hapata gdanga golamɔ beba zang, nɛ yo bebhɛ *sɛmbɔ. Nɛ ka sɛmbɔ kpɔatɛ kari, yo bebhɛ fio.