Hebro 9:9 - Takarata pɛ Sɔ Mbombe Mbon

⁹ Hio mɔ ndɔng osi fin ma mɔ hazu ngimɔ ɛngɛ sising. Yo osi nde, ngase ka hio wi ha hio mɔ nɛ hio sari tuka sadaka ha Sɔ nde, ka yo asasisi ingɔmɔ sila pɛ mbwa nɛ saa wɛɛ, yo lɛm de mɛgi na.

Hebro 9:9 Referans Kwoze

1 Pierre 3:21

Mbeng li ɛngɛ dung tuka li ka ɛ gdumso ɛnɛ ang nɛ ling Jésus-Christ. Ɛ tɛ gdumsi ɛnɛ ha li hazu kusi nzing ha tɛ ɛnɛ yunɛ na, ma, ɛ dea yo hazu ani Sɔ mɛ sasisi ingɔmɔ sila pɛ ɛnɛ. Ɛnɛ kpasa sising nɛ wal gdumso ɛnɛ ha li hazu Jésus-Christ guotɛ ha soko hio fiowi.

Hebro 5:1

Ɛ weki hio gasa wan-hasadaka ndang ndang fɛt ha soko hio wi hazu gde mbwa ha tom lɛmsiri mɔ ha soko Sɔ nɛ hio wi ndɔng. Mbwa ha hio haamɔ nɛ hio sadaka ha Sɔ hazu gdangamɔ ka hio wi dea.

Rome 5:14

Ngase ɛngi, angiri ha ngimɔ pɛ Adam kanɛ ngimɔ pɛ Moïse, fio dungɔ tuka wan hazu hio wi fɛt mburr. Ngase wi ndɔng ka tɛ de gdangamɔ tuka pɛ Adam na, fio dungɔ ka ha gbɛa mbwa fin. Ndɔki deamɔ pɛ Adam nɛ pɛ Christ, ka ɛ kera tɛa pɛa, yo dung tuka pɛ gare nɛ pɛ wekɔ.

Hebro 11:19

Abraham ingɔ nde, Sɔ nɛ ngatɛ mɛ tunsi Isaac ha fio. Mɛgi, yo dungɔ tuka nde, Isaac fea fe nɛ a guotɛ fin.

Hebro 10:11

Hio wan-hasadaka fɛt dung mɛ yol ha ngɔn yala fɛt hazu de nɛ tom pɛ mbwa. Mbwa dung mɛ ha hio ndangtɛ tili sadaka hapata may. Nɛ hio sadaka ndɔng lɛm bisi sɛmbɔ pɛ hio wi ndang na.

Hebro 9:24

Christ tɛ le ha nzɔy bhandi ɛngɛ ka hio wi dea na, hazu nzɔy bhandi ɛngɛ sɔna nê zizi kpasa nzɔy bhandi ha ngɔn. Ma, a lea ha ngɔn, haki wɛnɛ dung ha li Sɔ ha lea gdong ɔ.

Hebro 7:11

Hio bezang pɛ Lévi ha dea tom haa sadaka lɛm nɛ mbonga pɛ Moïse. Mbwa nê hio wan-hasadaka gbesi tuka ka Aaron badung nɛ. Ma, tom pɛ mbwa tɛ lɛmsiri mɔ tuka ka Sɔ ngoya na. Yo nê ɛngi, ka Sɔ tomsa fin ma wi ka bo nê bezang pɛ Aaron na, tuka nde, wia adung nê wan-hasadaka tuka Melkisedeke. A bo se mɛgi na, ki Sɔ tomsa wɛnɛ mɛng?

Galasi 3:21

Ɛngi ngoy tɔ nde, mbonga sungiri nɛ hio gɔnanu pɛ Sɔ nde? Way, yo bo mɛgi na! Ka bo se nde, mbonga ka Sɔ haa ha Moïse, nɛ ngatɛ mɛ ha tunɔ ha hio wi, ki mbwa lɛma dung nzeng ha li Sɔ nɛ wal dea mɔ lɛm nɛ yo.

Hebro 8:4

Ka bo se nde, Jésus adung ka hakɛ ha zu nu, ki a bo nê wan-hasadaka na, hazu hakɛ hio wan-hasadaka ang ka ha mɔ ha Sɔ lɛm nɛ *mbonga pɛ Moïse.