Hebro 9:25 - Takarata pɛ Sɔ Mbombe Mbon

²⁵ Ha bɛlɛ ndang ndang fɛt gasa wan-hasadaka dung mɛ ku tɔk sari le nɛ ha nzɔy bhandi fɛt. Ma, Christ, lea ha ngɔn bo hazu ha tɛ wa nɛ sadaka ze nɛdɔka na.

Hebro 9:25 Referans Kwoze

Hebro 9:12

Ha ngimɔ ka Christ lea ha nzɔy bhandi fɛt ɛngɛ ze ndang hireng, a tɛ ku nɛ tɔk sami mana tɔk benday le nɛ na, ma, a kuo tɛ kpasa tɔktɛ wa ha nɛ sadaka ha Sɔ. Mɛgi, a yanga ɔ ha si ngatɛ pɛ gdangamɔ kpoo.

Hebro 9:7

Ma, ka bo nê pɛ zebwa gdɔkua, yo nê gasa wan-hasadaka ndang sɔna ha dung mɛ le. Ha zang bɛlɛ ndang ndang fɛt, a le ka ze ndang sɔna. Lɛma ka lɛm nde, wɛnɛ ale haki nɛ tɔk sari hazu ha nɛ sadaka ha Sɔ nde, ka Sɔ abisi hio gdangamɔ ka wɛnɛ nɛ hio wi dea bo nɛ nyalɔ na.

Hebro 9:14

Tuka mɔ dung mɛgi, bo nê tɔktɛ Christ nɛ ngaya pen tɔk sari na nde? Nɛ wal Nzɔy-Sɔtɛ ka dung kpoo, Christ kuo tɛ wa ha ha Sɔ tuka sadaka ka lɛma wɛɛ. Tɔktɛ wa besasisi ingɔmɔ sila pɛ ɔ tuka nde, ɔ ade hio tum mɔ fin na, ma, ɔ ade tom ha tunɔ Sɔ.

Hebro 10:19

Mɛgi, hio ya mi, ɔ lɛma tɛ lɛm mɛ le ha nzɔy bhandi fɛt, hazu Jésus haa tɔktɛ wa tuka sadaka.

Hebro 9:26

Ka bo se mɛgi, ki lɛma nde, wɛnɛ akpa yimtɛ hapata may nisi ha ngimɔ dea nzan. Ma, a gbasa tɛ wa sising, sanga nɛ kpogio ngimɔ, hazu bisi nɛ sɛmbɔ pɛ wi hireng nɛ wal haa tɛ wa nɛ sadaka.

Hebro 10:10

Ɔ tɛ bo nɛ nzɔya ha li Sɔ, hazu Jésus-Christ haa tɛ wa nɛ sadaka ze ndang hireng tuka Sɔ ngoya.

Hebro 9:2

Mbwa bɛa twa ɛngɛ nɛ la. Bosi gdɔku twa ɛngɛ, ɛ sa linga nde, nzɔy bhandi. Haki, mbwa gdea solo lamba nɛ tabolo ang, tabolo ka hio nzɔy mampa pɛ Sɔ ha lia.