Hebro 9:12 - Takarata pɛ Sɔ Mbombe Mbon

¹² Ha ngimɔ ka Christ lea ha nzɔy bhandi fɛt ɛngɛ ze ndang hireng, a tɛ ku nɛ tɔk sami mana tɔk benday le nɛ na, ma, a kuo tɛ kpasa tɔktɛ wa ha nɛ sadaka ha Sɔ. Mɛgi, a yanga ɔ ha si ngatɛ pɛ gdangamɔ kpoo.

Hebro 9:12 Referans Kwoze

Hebro 10:4

Hazu tɔk bafa nday nɛ tɔk bafa sami lɛm mɛ bisi sɛmbɔ pɛ wi yunɛ ndang na.

Hebro 9:15

Hazu ɛngi, Christ nê wan-bhɔngiri mbombe mbon ha soko Sɔ hinɛ hio wi. Mɛgi, hio wi ndɔng ka Sɔ besa, mbwa bekpa hio dedemɔ, ka Sɔ gɔna nua mɛ ha tuka likɔ ka bebhɔn kpoo. Mɔ dung mɛgi, hazu Christ fea hazu yangi hio wi ha gdangamɔ ka mbwa dea ha si bosi mbon.

Efeze 1:7

Sɔ yanga ɔ ha si gdangamɔ nɛ wal tɔktɛ Bewei pɛa, nɛ a biso gdangamɔ ka ɔ dea. Ɛngɛ osi nde, Sɔ nɛ dede sila pentɛ.

Hebro 5:9

Ka wɛnɛ tɛa wi ka lɛma wɛɛ kari, a tɛ bo fin nê wan-ha *mɔkpasi kpoo ha hio wi ndɔng ka ze nu wa.

Gbasamɔ 1:5

Jésus-Christ nê mboazu wan-kɛwen, bosi wi ka guotɛ ha soko hio fiowi, nɛ gasa wan hazu hio *kongapora mɔ nu ɛngɛ fɛt. A ngoya ɔ, nɛ a yanga ɔ ha si *sɛmbɔ pɛ ɔ nɛ wal tɔktɛ wa.

Hebro 10:19

Mɛgi, hio ya mi, ɔ lɛma tɛ lɛm mɛ le ha nzɔy bhandi fɛt, hazu Jésus haa tɔktɛ wa tuka sadaka.

Hebro 9:28

Yo fin gbesi nɛ Christ. A fea ze ndang hireng tuka sadaka, hazu bisi nɛ sɛmbɔ pɛ hio dɔka wi. Ha zebwa tɛa pɛa, a begbasi tɛ bo hazu bisi sɛmbɔ pɛ wi na, ma, hazu kpasisi nɛ wi ndɔng ka keri wɛnɛ.

Hebro 7:27

Lɛma nde, hio mbing gasa wan-hasadaka aha sadaka ha Sɔ swe fɛt. Mbwa ha sadaka sɔngsi ha wen *sɛmbɔ pɛ mbwa, nɛ ha pata ha wen sɛmbɔ pɛ hio olo wi. Ma, pɛ Jésus bo mɛgi na. A haa kanɛ sadaka ze ndang hireng ha ngimɔ ka wɛnɛ gdea tɛ wa ha fio.

Hebro 9:13

Hio wan-hasadaka dungɔ ha kuo tɔk bafa sami, tɔk bafa nday, nɛ bok benday ka dɔa hɛrr, ngbanzili ha tɛ hio wi ndɔng ka dung nɛ nzing ha li Sɔ. Nɛ wal dea mɛgi, hio wi tɛ bo nɛ saa ha li Sɔ fin nɛ mbinga.

Hebro 1:3

Wɛnɛ ha gbasa *lɛkɛ-lɛkɛmɔ pɛ Sɔ ha hio wi, dungɔ pɛa fɛt tuka pɛ Sɔ, nɛ wɛnɛ tɔn nzan fɛt nɛ wal ngatɛ mɔ wen nu wa. Hapata ka wɛnɛ zosa *sɛmbɔ pɛ hio wi kari, a dungɔnu ha ngɔn ha wekɔ Sɔ, ka dung nɛ ziomɔ pen fɛt.

1 Tesalonike 1:10

Nɛ mbwa ha tɔa fin nde, ɛnɛ ha kera *Bewei pɛ Sɔ, ka begutɛ ha ngɔn pe nɛ. Bewei ɛngɛ nê Jésus, wi ka Sɔ bagu se ha soko hio fiowi, nɛ ka kpasisi ɔ gbo ha ngambi pɛ Sɔ ka betɛ bin.

Kolose 1:14

Nɛ wal Bewei pɛa, a gbosasa ɔ ha si tom bala pɛ gdangamɔ, nɛ a biso *sɛmbɔ pɛ ɔ fɛt.

Deamɔ 20:28

Ɛnɛ pam tɛ ɛnɛ nɛ tɛ ɛnɛ. Nɛ ɛnɛ pam fin *giliwi mɔ eglize, ka Nzɔy-Sɔtɛ gdea ha kɔ ɛnɛ. Ɛnɛ pam mbwa nɛdedea, tuka ka zaoro sami pam nɛ sami, hazu Sɔ hɛa mbwa nɛ wal tɔktɛ Bewei pɛa.

Marc 3:29

Ma, wi ka fɛngsa *Nzɔy-Sɔtɛ pɛ Sɔ, Sɔ lɛm bisi sɛmbɔ pɛa na. Sɛmbɔ pɛ wi ɛngɛ dung ha zu wa kpoo nɛ kpoo.›»

Gbasamɔ 5:9

Mbwa ha bea ma mbombe gima nde: «Mɛ nɛ kongaa mɛ ku takarata ɛngɛ nɛ kusi hio gdangi ha nua yunɛ. Hazu ɛ bagbɛ mɛ, nɛ mɛ hɛa hio wi ha Sɔ nɛ tɔktɛ mɛ. Hio wi ndɔng nê mɔ nugala fɛt, mɔ nu le fɛt, mɔ kandɔ fɛt, mɔ kandɔnu fɛt.

Tite 2:14

Jésus-Christ fea gɔn zu ɔ hazu yangi ɔ ha dea tili kpandele fɛt, nɛ hazu sasisi ɔ tuka nde, ɔ adung nê kandɔ pɛa, ka gbɛngsi tɛ swe fɛt ha dea dedemɔ.

Hebro 9:7

Ma, ka bo nê pɛ zebwa gdɔkua, yo nê gasa wan-hasadaka ndang sɔna ha dung mɛ le. Ha zang bɛlɛ ndang ndang fɛt, a le ka ze ndang sɔna. Lɛma ka lɛm nde, wɛnɛ ale haki nɛ tɔk sari hazu ha nɛ sadaka ha Sɔ nde, ka Sɔ abisi hio gdangamɔ ka wɛnɛ nɛ hio wi dea bo nɛ nyalɔ na.

Dede Wen hazu Jésus-Christ ka Luc ngɛraka 1:68

«Ɔ lukisi *Kongawan Sɔ, pɛ kandɔ *Israel, ka tɛa ha kandɔ pɛa, nɛ wɛnɛ yanga ɔ. Kongawan Sɔ tomsa ha ɔ gasa *wan-kpasisi ɔ fɛt.

Hebro 9:14

Tuka mɔ dung mɛgi, bo nê tɔktɛ Christ nɛ ngaya pen tɔk sari na nde? Nɛ wal Nzɔy-Sɔtɛ ka dung kpoo, Christ kuo tɛ wa ha ha Sɔ tuka sadaka ka lɛma wɛɛ. Tɔktɛ wa besasisi ingɔmɔ sila pɛ ɔ tuka nde, ɔ ade hio tum mɔ fin na, ma, ɔ ade tom ha tunɔ Sɔ.

Hebro 9:19

Sɔngsi bhee, Moïse tɔla hio wen mbonga pɛ Sɔ ndang ndang fɛt ha hio wi mɔ *Israel. Hapata a kuo gbakɔte hizope, a wesara yo hinɛ gbɛ bumɔ tɛ sami de nɛ mbunzɔ, nɛ a aa yo ha zang tɔk benday, ka ɛ sɔkara yo nɛ li. A ngbanzala yo ha tɛ takarata mbonga pɛ Sɔ, nɛ fin ha tɛ hio wi fɛt.

Hebro 13:12

Yo nê hazu ɛngi, ka Jésus fea ha gdong kin le tuka nde, wɛnɛ agde kandɔ pɛa nɛ nzɔya nɛ wal tɔktɛ wa.