Hebro 9:11 - Takarata pɛ Sɔ Mbombe Mbon

¹¹ Sising Christ hɔa kari. Wɛnɛ nê gasa wan-hasadaka ka kuo hio dedemɔ tɛnɛ ha ɔ. Nzɔy bhandi fɛt ɛngɛ ka wɛnɛ lea ang, yo nɛ gasaa pen fɛt, nɛ yo lɛma wɛɛ fɛt. Yo bo nê hio wi ha de bhandi ɛngɛ na, hazu bhandi ɛngɛ bo nê pɛ nzan ɛngɛ na.

Hebro 9:11 Referans Kwoze

2 Korente 5:1

Hakɛ ha zu nu tɛ ɔ dung tuka gbamsa ka beyangili. Kpasawen, ɔ ingɔ nde, ha ngɔn Sɔ beha ɔ ma mbing twa ka tɛ nɛ wal wi na, ma, ka bebhɔn kpoo nɛ kpoo.

Hebro 10:1

*Mbonga pɛ Moïse bo nê kpasa mɔ na, yo sɔna nê zizi hio dedemɔ ndɔng ka behɔ nɛ pata. Ha bɛlɛ ndang ndang fɛt hio wi dungɔ mɛ ha nɛ hio ndangtɛ tili sadaka ha Sɔ tuka nde, mbwa alɛm wɛɛ mɛ tiki nɛ hapɛtɛ wa. Ma, tili hio sadaka ndɔng lɛm mɛ de mɛgi na.

Marc 14:58

«Ɔ zea wɛnɛ ha tɔa: ‹Mi begbin *gasa twa Sɔ ɛngɛ ka hio wi dea yunɛ. Nɛ ha zang yala tar, mi bebɛ ma mbinga ka kɔ hio wi de yo na.›»

1 Jean 5:20

Ɔ ingɔ nde, Bewei pɛ Sɔ tɛa tɛ ha ɔ mbaramɔ nde, ɔ aing kpasa Sɔ. Ɔ ang ha tɛ kpasa Sɔ hazu ɔ ang ha tɛ Bewei pɛa, Jésus-Christ. Wɛnɛ nê kpasa Sɔ, nɛ wɛnɛ nê tunɔ kpoo.

Hebro 2:17

Hazu ɛngi, lɛma ka se nde, wɛnɛ atɛ gbesi tuka hio ya wa ha hio mɔ fɛt. Mɛgi wɛnɛ tɛ bo nê gasa wan-hasadaka ka dung nɛ mboazu ha tom Sɔ, ka de kobhe tɛ hio wi, nɛ ka bisi *sɛmbɔ pɛ mbwa yunɛ.

Deamɔ 7:48

«Ngase ɛngi, Sɔ, ka dung ha kuso ngɔn, de le ha twa ka wi bɛa na. Gbesi tuka ka wan-tɔkuliwen batɔ nɛ:

2 Jean 1:7

Dɔka hio wan-osili wi dama nzan fɛt. Mbwa tɛ mɛkiri nde, Jésus-Christ yola tɛ wi na. Tili wi mɛgi nê wan-osili wi, nɛ fin wan-sungiri Christ.

Hebro 3:1

Hio ya mi, Sɔ saa ɛnɛ mɛ dung nê hio nzɔy wi pɛa. Hazu ɛngi, ɛnɛ azɔk Jésus ka Sɔ tomsa ha ɔ hazu dung nê gasa wan-hasadaka mɔ mɛkaramɔ ka ɔ kɛ wena.

Jean 4:25

Nɛ bhoko ɛngɛ tɔa ha wɛnɛ: «Mi ingɔ nde, *Mesi, wan-kpasisi wi, betɛ. Nɛ ka wɛnɛ hɔa, a begbasi mɔ fɛt ha ɔ.»

Jean 1:14

Nɛ Wen kifo wi, ka dung nɛ multɛ nɛ gbalatɛ fɛt. A dea le ha soko ɔ. A dona nɛ *dede sila nɛ tɛwen fɛt. Ɔ zɔka *lɛkɛ-lɛkɛmɔ pɛa, ka Bafa wa haa ha wɛnɛ, ndanga Bewei pɛa.

Hebro 7:1

Melkisedeke ɛngɛ badung nê *kongapora mɔ gasa le Salem, nɛ fin wan-hasadaka ha Sɔ ka dung ha kuso ngɔn. A nɛa ha wea si Abraham ha ngimɔ ka wɛnɛ pea tuka wan-gan zu bulo sungiri hio ma kongapora. Nɛ Melkisedeke wola dede wen ha zu wa.

Hebro 4:15

Gasa wan-hasadaka pɛ ɔ ingɔ pɔsa pɛ ɔ, nɛ wɛnɛ ha dea kobhe tɛ ɔ, hazu *Satan wea sila wa tuka pɛ ɔ. Ma, pɛa, a tɛ de gdangamɔ ndang na.

Kolose 2:11

Nɛ wal dea sɔy hinɛ Christ, Sɔ gɔna sɔru ɛnɛ kari. Gɔna sɔru ɛngɛ tɛ nɛ wal wi na, ma, yo tɛ nɛ wal Christ, nɛ yo guo gdanga ndɔkitɛ ɛnɛ yunɛ.

Matthieu 11:3

hazu ani wɛnɛ: «Mɛ nê *Mesi ka betɛ? Mana ɔ akeri ma mbinga nde?»

Matthieu 2:6

‹Nɛ mɛ, Betlehem mɔ Judée, mɛ bo nɛ bebea ha soko hio le mɔ kandɔnu Judée ndang na. Hazu gasa wan, ka bengbɔsi nɛ pam *Israel kandɔ pɔm, begutɛ ha pɛ mɛ.›»

2 Korente 4:18

Mɔ ka wi lɛma zɔk, ɔ gde li ɔ ha yo na, ma, ɔ ha gdea li ɔ ha mɔ ka wi lɛm zɔk yo na. Hazu mɔ ka wi lɛma zɔk, bebhɔn ngimɔ tikiring sɔna. Ma, mɔ ka wi zɔk na, bebhɔn kpoo nɛ kpoo.

Hebro 12:27

Hio wen ndɔng, ka tɔ «Ze ndang fin», yo gbasa long nde, hio mɔ fɛt ka Sɔ dea, beyak nɛ yo beyɛmili. Mɛgi, hio mɔ ka bebhɔn, yo bedung sɔna nê hio mɔ ka ɛ lɛm mɛ fesi yo na.

Hebro 13:14

Hazu, hakɛ ha zu nu, ɔ bo nɛ ma kpasa le ka bebhɔn na. Ma, ɔ nɛ hɛl mɔ le ɛngɛ ka betɛ bin.