Hebro 8:5 - Takarata pɛ Sɔ Mbombe Mbon

⁵ Hio wan-hasadaka ndɔng de tom pɛ mbwa ha zang ma twa, ka dung ka nê zizi kpasa twa Sɔ mɔ ngɔn. Yo gbesi nɛ mɔ ka hɔa ha Moïse. Ha ngimɔ ka wɛnɛ bangoy mɛ bɛ nɛ twa Sɔ nɛ la, Sɔ batɔ ha wɛnɛ: «Zɔk, mɛ abɛ mɔ fɛt lɛm nɛ mɔ ka mi osa ha mɛ ha zu ngari.»

Hebro 8:5 Referans Kwoze

Kolose 2:17

Mɔ ndɔng ki fɛt dung sɔna tuka zizi hio mɔ ka behɔ bin. Ma, ngbak mɔ, yo nê Christ.

Hebro 10:1

*Mbonga pɛ Moïse bo nê kpasa mɔ na, yo sɔna nê zizi hio dedemɔ ndɔng ka behɔ nɛ pata. Ha bɛlɛ ndang ndang fɛt hio wi dungɔ mɛ ha nɛ hio ndangtɛ tili sadaka ha Sɔ tuka nde, mbwa alɛm wɛɛ mɛ tiki nɛ hapɛtɛ wa. Ma, tili hio sadaka ndɔng lɛm mɛ de mɛgi na.

Hebro 9:9

Hio mɔ ndɔng osi fin ma mɔ hazu ngimɔ ɛngɛ sising. Yo osi nde, ngase ka hio wi ha hio mɔ nɛ hio sari tuka sadaka ha Sɔ nde, ka yo asasisi ingɔmɔ sila pɛ mbwa nɛ saa wɛɛ, yo lɛm de mɛgi na.

Hebro 12:25

Ɛnɛ pangay yu nde, ɛnɛ betɛ kafi zea wi ɛngɛ ka tɔ wen ha ɛnɛ. Hio wi mɔ Israel bakafi zea wi ka gbaa tazu mbwa nɛ wen pɛ Sɔ hakɛ ha zu nu, nɛ mbwa tɛ kpɔy ha ndulsomɔ na. Mɛgi, ka ɔ kafi zea wi ka guotɛ ha ngɔn tɛnɛ, ɔ lɛm kpɔy ha ndulsomɔ ndang na.

Hebro 11:7

Nɛ wal mɛkara Sɔ, Noe zea nu Sɔ, ka gbaa tazu wa nɛ mbengli ka behɔ. Ngase ka wɛnɛ tɛ zɔk ka mbenglia na, a dea gasa kuga. Nɛ wɛnɛ hinɛ hio nam pɛa kpasa ang. Nɛ wal dea mɛgi, a gɔna kita ha zu hio wi mɔ nzan, nɛ a tɛ bo nzeng ha li Sɔ nɛ wal mɛkara wɛnɛ.

Deamɔ 7:44

Nɛ Etienne tɔa fin: «Ka hio ngbabafa ɔ dungɔ ha kpɛnu, mbwa dungɔ nɛ twa Sɔ ɛngɛ ka osi nde, Sɔ hinɛ mbwa. Mbwa bade yo nɛ la tuka ka Sɔ baha nu ha Moïse mɛ de. Yo lɛma nɛ weka nanga twa ɛngɛ ka Sɔ baosi ha wɛnɛ.

Matthieu 2:12

Hapata, Sɔ gba tazu mbwa nɛ wal lisɔ nde, ka mbwa akifiri fin tɛ ha pɛ Herode na. Mɛgi mbwa sio ha le pɛ mbwa nɛ ma mbing wal.

Hebro 13:10

Hio wan-hasadaka ka de tom ha twa Sɔ hakɛ ha nu, mbwa tɛ kpa wal mɛ yɔng mɔ ha bhandi ha sadaka pɛ ɔ, na.

Gbasamɔ 15:5

Hapata ɛngi mi zɔka nu *gasa twa Sɔ ha zang ngɔn ha gboa long, nɛ ha zanga mi zɔka twa la mɔ *mbon pɛ Sɔ.