Hebro 8:4 - Takarata pɛ Sɔ Mbombe Mbon

⁴ Ka bo se nde, Jésus adung ka hakɛ ha zu nu, ki a bo nê wan-hasadaka na, hazu hakɛ hio wan-hasadaka ang ka ha mɔ ha Sɔ lɛm nɛ *mbonga pɛ Moïse.

Hebro 8:4 Referans Kwoze

Hebro 5:1

Ɛ weki hio gasa wan-hasadaka ndang ndang fɛt ha soko hio wi hazu gde mbwa ha tom lɛmsiri mɔ ha soko Sɔ nɛ hio wi ndɔng. Mbwa ha hio haamɔ nɛ hio sadaka ha Sɔ hazu gdangamɔ ka hio wi dea.

Hebro 11:4

Nɛ wal mɛkara Sɔ, Abel haa dede sadaka ha Sɔ ka pena pɛ Kain. Nɛ ha wen zu mɛkaramɔ pɛa, Sɔ zɔka wɛnɛ tuka *nzeng wi, nɛ a mɛkara sadaka pɛa. Ngase ka Abel fea, a bhɔna ka ha wolamɔ ha ɔ nɛ wal mɛkaramɔ pɛa.

Hebro 7:27

Lɛma nde, hio mbing gasa wan-hasadaka aha sadaka ha Sɔ swe fɛt. Mbwa ha sadaka sɔngsi ha wen *sɛmbɔ pɛ mbwa, nɛ ha pata ha wen sɛmbɔ pɛ hio olo wi. Ma, pɛ Jésus bo mɛgi na. A haa kanɛ sadaka ze ndang hireng ha ngimɔ ka wɛnɛ gdea tɛ wa ha fio.

Hebro 8:3

Sɔ gdea hio gasa wan-hasadaka fɛt ha tom haa hio haamɔ nɛ hio sadaka ha wɛnɛ. Mɛgi lɛma nde, gasa wan-hasadaka pɛ ɔ fin akpa ma mɔ mɛ ha ha Sɔ.

Hebro 9:9

Hio mɔ ndɔng osi fin ma mɔ hazu ngimɔ ɛngɛ sising. Yo osi nde, ngase ka hio wi ha hio mɔ nɛ hio sari tuka sadaka ha Sɔ nde, ka yo asasisi ingɔmɔ sila pɛ mbwa nɛ saa wɛɛ, yo lɛm de mɛgi na.

Hebro 10:11

Hio wan-hasadaka fɛt dung mɛ yol ha ngɔn yala fɛt hazu de nɛ tom pɛ mbwa. Mbwa dung mɛ ha hio ndangtɛ tili sadaka hapata may. Nɛ hio sadaka ndɔng lɛm bisi sɛmbɔ pɛ hio wi ndang na.