Hebro 8:11 - Takarata pɛ Sɔ Mbombe Mbon

¹¹ Ma wi ndang ha soko mbwa lɛm mɛ osi mɔ ha ma wa mana ha ya wa nde, wɛnɛ aing Kongawan, na. Hazu, mbwa fɛt being mi, angiri ha bebe wi hɔ ha gasaa.

Hebro 8:11 Referans Kwoze

Jean 6:45

Hio *wan-tɔkuliwen bangɛriki nde, Sɔ beosi wen pɛa ha wi fɛt. Wi kɛ ka ze Bafa mi nɛ ka pam osamɔ pɛa, betɛ ha pɔm.

1 Jean 2:27

Pɛ ɛnɛ, Christ haa ɛnɛ Nzɔy-Sɔtɛ ka de le ha zang sila ɛnɛ. Mɛgi, ɛnɛ lɛm ki fin ma wan-osimɔ na, hazu Nzɔy-Sɔtɛ ha osamɔ fɛt ha ɛnɛ. Nɛ hio mɔ ndɔng ka wɛnɛ osi ha ɛnɛ, yo nê tɛwen, dalo bo ang na. Mɛgi, ɛnɛ abhɔn ha dea sɔy hinɛ Jésus-Christ tuka ka Nzɔy-Sɔtɛ ha osa ha ɛnɛ.

1 Jean 5:20

Ɔ ingɔ nde, Bewei pɛ Sɔ tɛa tɛ ha ɔ mbaramɔ nde, ɔ aing kpasa Sɔ. Ɔ ang ha tɛ kpasa Sɔ hazu ɔ ang ha tɛ Bewei pɛa, Jésus-Christ. Wɛnɛ nê kpasa Sɔ, nɛ wɛnɛ nê tunɔ kpoo.

Deamɔ 8:10

Mɛgi, hio bebe wi nɛ hio gasa wi fɛt dola tɛ ha wɛnɛ, mbwa tɔa: «Wei ɛngɛ nê ngatɛ pɛ Sɔ, ngatɛ ka ɛ sa nde, gasa ngatɛ.»