Hebro 8:10 - Takarata pɛ Sɔ Mbombe Mbon

¹⁰ Mbombe mbon ka mi benɔ ha soko mi hinɛ hio wi mɔ Israel ha ngimɔ ɛngi, yo bedung tuka ɛngɛ: Mi begɔn mbonga pɔm ha takaramɔ pɛ mbwa, nɛ mi begde yo fin ha zang sila mbwa. Mi bedung nê Sɔ pɛ mbwa, nɛ mbwa bedung nê kandɔ pɔm. Yo nê mi Kongawan ha tɔ mɛgi.

Hebro 8:10 Referans Kwoze

2 Korente 3:3

Ey, yo gboa long ha li wi fɛt nde, ɛnɛ dung tuka takarata ka Christ ngɛraka nde, ɔ anɛ nɛ yo ha bhandi fɛt. A tɛ ngɛriki yo nɛ li takarata na, ma, nɛ Sɔtɛ pɛ tunɔ Sɔ. Nɛ a tɛ ngɛriki yo ha li papota na, ma, ha zang sila hio wi.

1 Pierre 2:9

Ma, pɛ ɛnɛ, ɛnɛ nê kandɔ ka Sɔ weka. Ɛnɛ nê hio konga wan-hasadaka. Ɛnɛ nê nzɔy kandɔ, ka Sɔ gdea nɛtɛ hazu wa nɛ pɛa tɛ. Wɛnɛ saa ɛnɛ gbo ha tutum hazu lesisi ɛnɛ ha zang gasa saamɔ pɛa tuka nde, ɛnɛ aba kasi hio gasa mɔ ka wɛnɛ dea.

Rome 11:27

Nɛ mi belɛmsiri *mbon ka mi nɔa hinɛ mbwa, ha ngimɔ ka mi bebisi *sɛmbɔ pɛ mbwa yunɛ.»

Jacques 1:21

Mɛgi, ɛnɛ lak mɔ nzing nɛ gdangamɔ fɛt gde. Ɛnɛ ze nɛ mɛndi wen ka Sɔ lesisi ha zang sila ɛnɛ. Hazu wen ɛngɛ lɛma kpasisi tunɔ pɛ ɛnɛ.

Tite 2:14

Jésus-Christ fea gɔn zu ɔ hazu yangi ɔ ha dea tili kpandele fɛt, nɛ hazu sasisi ɔ tuka nde, ɔ adung nê kandɔ pɛa, ka gbɛngsi tɛ swe fɛt ha dea dedemɔ.

1 Pierre 1:23

Sɔ bhɛa ɛnɛ nɛ mbombea. A tɛ de yo nɛ wal wi ka befe na, ma, a dea yo nɛ wal wen pɛa ka ha tunɔ ha hio wi, nɛ ka bebhɔn kpoo.

Jacques 1:18

Yo nê wɛnɛ nɛ tɛ wa ha ngoy mɛ ha ɔ tunɔ kpoo. A haa yo ha ɔ nɛ wal wen pɛa ka dung nê tɛwen, tuka nde, ɔ adung hio bosi wi ha soko mɔ fɛt ka wɛnɛ dea.

Matthieu 22:32

‹Mi nê Sɔ pɛ Abraham, Sɔ pɛ Isaac nɛ Sɔ pɛ Jacob.› Sɔ bo nê Sɔ pɛ hio fiowi na. Ma, wɛnɛ nê Sɔ pɛ hio tunɔ wi.»

Hebro 11:16

Ma, mbwa dea hɛl mɛ de le ha ma dede le ka pena kotoa. Dede lea, yo nê zang ngɔn. Hazu ɛngi, foy tɛ de Sɔ na, ka mbwa saa wɛnɛ nde, Sɔ pɛ mbwa. Kpasawen, a bhɔngara ma gasa le hazu mbwa.

1 Korente 6:16

Ɛnɛ tɛ ing nde, ka ma wi ɔa hinɛ ma bhoko-de wanza, mbwa bwa tɛ bo nê tɛ ndang, na nde? Takarata pɛ Sɔ tɔa long: «Mbwa bwa fɛt bedung nê wi ndang.»