Hebro 8:1 - Takarata pɛ Sɔ Mbombe Mbon

¹ Gasa mɔ ka ɔ tɔ wena, yo nde, ma gasa wan-hasadaka pɛ ɔ ndang ang. Wɛnɛ ha dungɔnu ha zang ngɔn ha wekɔ Sɔ ka dung tuka *kongapora ha zu solowan pɛa.

Hebro 8:1 Referans Kwoze

Kolose 3:1

Sɔ guo ɛnɛ hinɛ Christ gbesi ha soko hio fiowi. Mɛgi, ɛnɛ ki wal mɛ kpa hio mɔ ka dung ha ngɔn, ha bhandi ka Christ dungnu ang ha wekɔ Sɔ.

Hebro 1:3

Wɛnɛ ha gbasa *lɛkɛ-lɛkɛmɔ pɛ Sɔ ha hio wi, dungɔ pɛa fɛt tuka pɛ Sɔ, nɛ wɛnɛ tɔn nzan fɛt nɛ wal ngatɛ mɔ wen nu wa. Hapata ka wɛnɛ zosa *sɛmbɔ pɛ hio wi kari, a dungɔnu ha ngɔn ha wekɔ Sɔ, ka dung nɛ ziomɔ pen fɛt.

Gbasamɔ 3:21

«Wi fɛt ka began zu mɔ, mi beha mbwa wal nde, mbwa atɛ tɛ dungnu hinɛ mi ha solowan pɔm. Tuka mi fin, mi gana zu mɔ, nɛ mi ha dungɔnu hinɛ Bafa mi ha solowan pɛa.

Hebro 12:2

Ɔ azɔk kanɛ Jésus, wɛnɛ ka dung nê nanga mɛkaramɔ pɛ ɔ, nɛ fin wi ka lɛmsiri yo wɛɛ. A baa sila wa nɛ kɔ ha zang fio ha getakate. A zɔka foy mɔ fio ɛngɛ tuka gbelemɔ, hazu a gdea li wa ha totɛ ka wɛnɛ bekpa nɛ pata. Nɛ sising, wɛnɛ ha dungɔnu ha wekɔ Sɔ, hapɛtɛ solowan pɛ Sɔ.

Hebro 2:17

Hazu ɛngi, lɛma ka se nde, wɛnɛ atɛ gbesi tuka hio ya wa ha hio mɔ fɛt. Mɛgi wɛnɛ tɛ bo nê gasa wan-hasadaka ka dung nɛ mboazu ha tom Sɔ, ka de kobhe tɛ hio wi, nɛ ka bisi *sɛmbɔ pɛ mbwa yunɛ.

Hebro 10:12

Ma, Christ haa ma sadaka ndang hazu bisi nɛ sɛmbɔ pɛ hio wi bhɔn. Hapata, a dungɔnu ha wekɔ Sɔ.

Hebro 1:13

Sɔ tɛ tɔ ha ma telenge pɛa ma swe ndang na, nde: «Mɛ dungnu ha wekɔ mi, mi begde hio ngana pɛ mɛ adung nê mɔ-gde nanga mɛ.»

Efeze 6:20

Mi nê wan-nɛkasara hazu Dede Wen, ngase ka mi nê wan-zɔbhɔ. Mɛgi, ɛnɛ gɔ Sɔ nde, mi abul Dede Wen pɛa nɛ da nɛ wala.

Marc 16:19

Nɛ ka *Kongawan Jésus tɔa wen ndɔng ha hio *wan-yambimɔ pɛa fɛt kari, Sɔ guo wɛnɛ si nɛ ha ngɔn. Nɛ a dungɔnu ha wekɔ Sɔ.

Hebro 3:1

Hio ya mi, Sɔ saa ɛnɛ mɛ dung nê hio nzɔy wi pɛa. Hazu ɛngi, ɛnɛ azɔk Jésus ka Sɔ tomsa ha ɔ hazu dung nê gasa wan-hasadaka mɔ mɛkaramɔ ka ɔ kɛ wena.

Hebro 4:14

Gasa wan-hasadaka pɛ ɔ nɛ gasaa pen hio oloa fɛt, a danga si ha ngɔn hapɛtɛ Sɔ. Yo nê Jésus, *Bewei pɛ Sɔ. Mɛgi, lɛma nde, ɔ aba nɛ nɔa nging mɛkaramɔ ka ɔ bul wena.