Hebro 7:18 - Takarata pɛ Sɔ Mbombe Mbon

¹⁸ Mɛgi Sɔ tukolo mɔa wen mbonga, hazu yo tɛ bo nɛ mɔkaa nɛ gomboa.

Hebro 7:18 Referans Kwoze

Rome 8:3

Mbonga pɛ Moïse tɛ dung nɛ ngatɛ mɛ kpasisi ɔ na, hazu nɛ tɛ ɔ, ɔ lɛm mɛ pam yo na. Ma, mɔ ka mbonga lɛm mɛ de na, Sɔ dea yo nɛ wal Bewei pɛa ka wɛnɛ tomsa tɛ hakɛ ha nu. Bewei pɛa yola ngbak tɛ wi, ka dungɔ tuka pɛ ɔ, hio *wan-de gdangamɔ. Sɔ gdea wɛnɛ ha fio gɔn nɛ zu gdangamɔ pɛ ɔ. Nɛ wal dea mɛgi, Sɔ gɔna kita ha zu gdangamɔ, ka de tom ha tɛ ɔ.

Deamɔ 13:39

Ma, wi ndang ndang fɛt ka mɛkara Jésus, Sɔ dea nde, mbwa apen sɛɛ ha li kita pɛa kari.

Hebro 7:19

Kpasawen, mbonga pɛ Moïse tɛ lɛmsiri ma mɔ ndang na. Ma, sising, ma mɔ hɔa ka dung nɛ dedea pen mɔ sɔngsi. Ɔ lɛma gde tazu ɔ ang hazu yo gbosasa wal mɛ tiki nɛ sanga-sanga hapɛtɛ Sɔ.

Galasi 4:9

Sising ɛnɛ ingɔ Sɔ kari, mɛ tɔ tɛwen, yo nê Sɔ ha ing ɛnɛ kari. Ma, ɛnɛ de mɛng mɛ kifiri fin tɛ tɛ dung ha si hio mɔka gbele sɔtɛ ndɔng, ge nde? Hazu ge, ɛnɛ ngoy de tom tuka bala ha mbwa fin nɛ mbinga, ge nde?

1 Timothée 4:8

Dea ngatom hazu ngasisi tɛ mɛ begbakiri mɛ tikiring. Ma, dungɔa nɛ mboazu ha wal mɔ Sɔ begbakiri mɛ ha mɔ fɛt, hazu Sɔ gɔna nu nde, wi ka de mɛgi, bedung nɛ zutunɔ ha ngimɔ ɛngɛ sising nɛ ha ngimɔ ka betɛ bin.

Hebro 13:9

Hio ma wi tɛ bo ha osa hio gɔn-gɛnɛ osamɔ nɛtɛ-nɛtɛ. Ka mbwa ayɔsisi ɛnɛ na. Nɛ dedea nde, sila ɛnɛ akpa ngatɛ nɛ wal *dede sila pɛ Sɔ, bo nɛ wal hio haanu hazu yɔngamɔ na. Hio wi ka de mɔ lɛm nɛ hio haanu ndɔng, tɛ kpa ma dedemɔ ndang ang na.

Galasi 3:17

Mɛgi, mɔ ka mi ngoya mɛ tɔ, yo nê ɛngɛ: Sɔ gɔna nu ha Abraham nɛ wala. Kili bɛlɛ gɔmmay nar zu bhukɔa tar pena ing ki Sɔ tɛ ha mbonga ha Moïse. Mɛgi, mbonga lɛm mɛ tukili mana yangili gɔnanu ɛngɛ pɛ Sɔ na.

Galasi 4:21

Ɛnɛ ngoy mɛ bhɔn ha si *mbonga na nde? Mɛgi, ɛnɛ akifiri wen ha anamɔ ɛngɛ: Ɛnɛ zea mɔ ka mbonga tɔa nde?

Galasi 3:15

Hio ya mi, mi beku ma ndɔkitɛ wi tɔ nɛ wen pɔm. Ka ma wi gɔna nu nɛ wala kari hazu likɔ pɛa, ma wi ndang lɛm tukili mana kpalsi gɔnanu ɛngɛ na.

Rome 3:31

Mana, nɛ wal mɛkara Jésus, ɔ dea tuka nde, mbonga pɛ Moïse atɛ tum mɔ nde? Way, yo bo mɛgi na. Ma, nɛ wal mɛkara Jésus, ɔ osi nɛ tɛ goto mbonga ha hio wi.

Galasi 3:21

Ɛngi ngoy tɔ nde, mbonga sungiri nɛ hio gɔnanu pɛ Sɔ nde? Way, yo bo mɛgi na! Ka bo se nde, mbonga ka Sɔ haa ha Moïse, nɛ ngatɛ mɛ ha tunɔ ha hio wi, ki mbwa lɛma dung nzeng ha li Sɔ nɛ wal dea mɔ lɛm nɛ yo.