Hebro 7:16 - Takarata pɛ Sɔ Mbombe Mbon

¹⁶ Wɛnɛ tɛ bo nê wan-hasadaka bo nɛ wal wen *mbonga pɛ wi na, ma, nɛ wal ngatɛ pɛa mɛ dung nɛ zutunɔ kpoo.

Hebro 7:16 Referans Kwoze

Kolose 2:20

Ɛnɛ fea hinɛ Christ gbesi. Ɛnɛ bo fin ha si ziomɔ pɛ hio sɔtɛ mɔ nzan ɛngɛ na. Ma, ɛ dea mɛng, ka ɛnɛ ha dea mɔ tuka wi mɔ nzan ɛngɛ, ge nde? Hazu ge ɛnɛ mɛkara hio haanu tuka ɛngɛ, ka tɔ nde,

Gbasamɔ 1:18

Mi nɛ zutunɔ. Mi bafe, ma, sising mi bhɔna nɛ zutunɔ kpoo nɛ kpoo. Mi nɛ ziomɔ hazu fio nɛ hazu bhandi pɛ hio fiowi.

Hebro 10:1

*Mbonga pɛ Moïse bo nê kpasa mɔ na, yo sɔna nê zizi hio dedemɔ ndɔng ka behɔ nɛ pata. Ha bɛlɛ ndang ndang fɛt hio wi dungɔ mɛ ha nɛ hio ndangtɛ tili sadaka ha Sɔ tuka nde, mbwa alɛm wɛɛ mɛ tiki nɛ hapɛtɛ wa. Ma, tili hio sadaka ndɔng lɛm mɛ de mɛgi na.

Hebro 7:28

Hio wi ka tɛ bo nê gasa wan-hasadaka nɛ wal mbonga pɛ Moïse, mbwa nê hio mɔka wi. Ma, ha pata haa mbonga ha Moïse, Sɔ gdea Bewei pɛa nɛ wal kanamɔ tuka gasa wan-hasadaka ka lɛma wɛɛ kpoo nɛ kpoo.

Hebro 7:3

Takarata pɛ Sɔ tɛ tɔ wen pɛ bafa wa na, nana wa na, hio ngbabafa wa na, bhɛ pɛa na, fio pɛa na. Wɛnɛ gbesi tuka *Bewei pɛ Sɔ, wɛnɛ bhɔna nê wan-hasadaka ngimɔ fɛt.

Kolose 2:14

Takarata ka fundi ɔ hazu hio sɛmbɔ ka ɔ de sungiri nɛ *mbonga, Sɔ ngbaa yo ha getakate. Mɛgi, wɛnɛ lɛm zɔk yo fin na.

Galasi 4:9

Sising ɛnɛ ingɔ Sɔ kari, mɛ tɔ tɛwen, yo nê Sɔ ha ing ɛnɛ kari. Ma, ɛnɛ de mɛng mɛ kifiri fin tɛ tɛ dung ha si hio mɔka gbele sɔtɛ ndɔng, ge nde? Hazu ge, ɛnɛ ngoy de tom tuka bala ha mbwa fin nɛ mbinga, ge nde?

Galasi 4:3

Yo gbesi nɛ ɔ. Ha ngimɔ ka ɔ badung tuka bhobem, ɔ badung se tuka bala ha si hio ziomɔ nzan.

Hebro 7:21

Ma, ka bo nê pɛ Jésus, Sɔ kana mɔ, a tɔa: «*Kongawan Sɔ kana mɔ, nɛ wɛnɛ lɛm kpali nu wa na: Mɛ bedung nê wan-hasadaka kpoo nɛ kpoo.»

Hebro 7:17

Hazu takarata pɛ Sɔ tɔa wen hazu wa nde: «Mɛ bedung nê wan-hasadaka kpoo nɛ kpoo, gbesi tuka ka Melkisedeke badung nɛ.»

Rome 7:14

Ɔ ingɔ nɛdedea nde, *mbonga tɛ nɛ wal *Nzɔy-Sɔtɛ. Ma, mi nê wi mɔ multɛ sɔna. Mi dung tuka tɛ bala ha si gdangamɔ.

Hebro 7:15

Nɛ mɔ ka gbasi wen ɛngɛ long pen mɔ sɔngsi, yo nê ɛngɛ: Ma mbing wan-hasadaka tuka Melkisedeke hɔa.

Hebro 9:14

Tuka mɔ dung mɛgi, bo nê tɔktɛ Christ nɛ ngaya pen tɔk sari na nde? Nɛ wal Nzɔy-Sɔtɛ ka dung kpoo, Christ kuo tɛ wa ha ha Sɔ tuka sadaka ka lɛma wɛɛ. Tɔktɛ wa besasisi ingɔmɔ sila pɛ ɔ tuka nde, ɔ ade hio tum mɔ fin na, ma, ɔ ade tom ha tunɔ Sɔ.