Hebro 7:11 - Takarata pɛ Sɔ Mbombe Mbon

¹¹ Hio bezang pɛ Lévi ha dea tom haa sadaka lɛm nɛ mbonga pɛ Moïse. Mbwa nê hio wan-hasadaka gbesi tuka ka Aaron badung nɛ. Ma, tom pɛ mbwa tɛ lɛmsiri mɔ tuka ka Sɔ ngoya na. Yo nê ɛngi, ka Sɔ tomsa fin ma wi ka bo nê bezang pɛ Aaron na, tuka nde, wia adung nê wan-hasadaka tuka Melkisedeke. A bo se mɛgi na, ki Sɔ tomsa wɛnɛ mɛng?

Hebro 7:11 Referans Kwoze

Hebro 8:7

Ka bo se nde, bosi nɔa mbon alɛm wɛɛ, ki Sɔ tɛ bhɔngiri fin ma mbinga na.

Galasi 2:21

Mi lɛm kifiri *dede sila pɛ Sɔ ha gbelemɔ na. Hazu, ka wi dung nzeng ha li Sɔ nɛ wal pama mbonga, ki Christ fea nɛgbelea.

Hebro 7:21

Ma, ka bo nê pɛ Jésus, Sɔ kana mɔ, a tɔa: «*Kongawan Sɔ kana mɔ, nɛ wɛnɛ lɛm kpali nu wa na: Mɛ bedung nê wan-hasadaka kpoo nɛ kpoo.»

Hebro 7:15

Nɛ mɔ ka gbasi wen ɛngɛ long pen mɔ sɔngsi, yo nê ɛngɛ: Ma mbing wan-hasadaka tuka Melkisedeke hɔa.

Hebro 5:6

Nɛ a tɔa fin ha ma bhandi: «Mɛ bedung nê wan-hasadaka kpoo nɛ kpoo, gbesi tuka ka Melkisedeke badung nê.»

Galasi 4:9

Sising ɛnɛ ingɔ Sɔ kari, mɛ tɔ tɛwen, yo nê Sɔ ha ing ɛnɛ kari. Ma, ɛnɛ de mɛng mɛ kifiri fin tɛ tɛ dung ha si hio mɔka gbele sɔtɛ ndɔng, ge nde? Hazu ge, ɛnɛ ngoy de tom tuka bala ha mbwa fin nɛ mbinga, ge nde?

Hebro 6:20

Jésus lea haki sɔngsi nɛ ɔ hazu gbosisi wal ha ɔ. Mɛgi, a tɛ bo nê gasa wan-hasadaka kpoo nɛ kpoo tuka ka Melkisedeke badung nê.

Hebro 5:10

Nɛ Sɔ gdea wɛnɛ gasa wan-hasadaka tuka ka Melkisedeke badung nê.

Galasi 4:3

Yo gbesi nɛ ɔ. Ha ngimɔ ka ɔ badung tuka bhobem, ɔ badung se tuka bala ha si hio ziomɔ nzan.

Hebro 7:10

Hazu, ha ngimɔ ka Abraham kpaa may hinɛ Melkisedeke, Lévi badung ang ha tɛ Abraham, ngase ka ɛ tɛ bhɛ ka wɛnɛ na.

Hebro 7:12

Ka wal tom haa sadaka kpala, lɛma nde, mbonga akpali fin.

Hebro 7:13

*Kongawan pɛ ɔ, ka ɔ tɔ wena hakɛ, wɛnɛ nê wi mɛ ma mbing nugala nɛtɛ. Nɛ ma wi mɛ nugala pɛa tɛ de tom haa sadaka ha Sɔ ndang na.

Hebro 9:6

Ka ɛ bhɔngara mɔ fɛt mɛgi kari, hio wan-hasadaka lea ha bosi gdɔkua yala fɛt hazu de tom pɛ mbwa ang.