Hebro 6:5 - Takarata pɛ Sɔ Mbombe Mbon

⁵ ka tota dede wen pɛ Sɔ, nɛ ka zɔka ngatɛ mɔ nzan ka betɛ bin.

Hebro 6:5 Referans Kwoze

Dede Wen hazu Jésus-Christ ka Luc ngɛraka 8:13

Pɛ hio ma, yo gbesi nganu. Mbwa zea wen pɛ Sɔ nɛ totɛ. Ma, wena kpa kua ha zang sila mbwa na. Mbwa mɛkiri ngimɔ tikiring, nɛ ka ɛ wea sila mbwa, mbwa laka mɛkaramɔ gde.

1 Pierre 2:3

Ey, ɛnɛ tota dedemɔ pɛ Kongawan kari, nɛ ɛnɛ ingɔ nde, wɛnɛ nɛ dedea.

2 Pierre 2:20

Hio wi ka tɛa tɛ ing Kongawan Jésus, *Wan-kpasisi ɔ, mbwa gboa ha zang nzing mɔ nzan pen. Ma, ka mbwa gde tɛ mbwa nɛ mbinga ha nzing ɛngɛ, nɛ ka yo gan zu mbwa, ki dungɔ pɛ mbwa tɛ bo nɛ gdanga pen mɔ sɔngsi.

Hebro 2:5

Kpasawen, mbombe nzan ka behɔ bin nɛ ka ɔ ha tɔa wena, Sɔ tɛ gde yo ha si hio *telenge na.

Marc 6:20

hazu Herode dungɔ ha yuo ke Jean. Herode ingɔ nde, Jean nê *nzeng wi nɛ nzɔy wi. Mɛgi wɛnɛ dungɔ ha pama Jean. Nɛ ka wɛnɛ zea wen ka Jean tɔa, sila wa bhunzoko ngase ka wɛnɛ zea Jean nɛ totɛ.

Matthieu 12:32

Nɛ ka ma wi tɔ gdanga wen sungiri mi, *Bewei pɛ Wi, Sɔ lɛma ha *tiso ha wɛnɛ. Ma, ka ma wi tɔ gdanga wen sungiri Nzɔy-Sɔtɛ, Sɔ lɛm ha tiso ha wɛnɛ na. Ngase ha nzan ɛngɛ, ngase ha mbombe nzan ka betɛ.»

Efeze 6:17

Tuka ndutu bolo, ɛnɛ yol *mɔkpasi, ka Sɔ kpasasa nɛ ɛnɛ. Ɛnɛ ku fin Wen pɛ Sɔ tuka gbapa ka *Nzɔy-Sɔtɛ ha ha ɛnɛ.

Hebro 4:12

Kpasawen, wen pɛ Sɔ nɛ tunɔa, nɛ yo nɛ ngatɛ mɛ de tom pɛa. Yo nɛ sɔa pen gbapa ka ɛ bɛnga nua bwa bwa fɛt. Ka yo toka ma wi, yo begɔn soko tunɔ pɛ wia nɛ sɔtɛ wa, yo begɔn soko dokaratɛ wa nɛ mbɔ zang gbalatɛ wa, nɛ yo begɔn kita hazu takaramɔ nɛ hɛl mɔ sila wia.

Hebro 11:3

Nɛ wal mɛkara Sɔ, ɔ ingɔ long nde, Sɔ dea hio mɔ nzan fɛt nɛ wal wen nu wa. A kuo hio mɔ ka wi zɔk na, de nɛ hio mɔ ka wi zɔk.

1 Pierre 1:25

Ma, wen pɛ *Kongawan bhɔn pɛa kpoo nɛ kpoo.» Nɛ wen ɛngɛ, yo nê Dede Wen ka ɛ bulo ha ɛnɛ.