Hebro 6:12 - Takarata pɛ Sɔ Mbombe Mbon

¹² Ka ɛnɛ atɛ pɔsa wi na. Ma, ɛnɛ ade mɔ gbesi tuka hio wi ndɔng ka mɛkara Sɔ, nɛ ka dung nɛ yikosila, hazu mbwa bekpa mɔ ndɔng ka Sɔ gɔna nua.

Hebro 6:12 Referans Kwoze

Hebro 13:7

Tazu ɛnɛ agba nɛ wi ndɔng ka bangbɔsi ɛnɛ nɛ bosia ha wal mɔ Sɔ, nɛ ka batɔ wen pɛ Sɔ ha ɛnɛ. Tazu ɛnɛ agba nɛ wal ka mbwa bade nɛ mɔ hɔ ha fio. Ɛnɛ amɛkiri Sɔ tuka ka mbwa bamɛkiri nɛ.

Hebro 10:36

Lɛma nde, ɛnɛ aba sila ɛnɛ nɛ kɔ hazu de nɛ mɔ ka Sɔ ngoya. Ka ɛnɛ de mɛgi, ɛnɛ bekpa mɔ ka wɛnɛ gɔna nua.

1 Jean 2:25

Nɛ wal dea sɔy ɛngɛ ɔ kpaa *tunɔ kpoo, ka Bewei pɛ Sɔ gɔna nua mɛ ha yo ha ɔ.

Rome 12:11

Ka ɛnɛ adung pɔsa wi na, ma ɛnɛ agbɛngsi tɛ ɛnɛ ha dea tom ha *Kongawan nɛ hafala tɛ.

Hebro 5:11

Ɔ nɛ hio mɔ nɛdɔka mɛ tɔ ha ɛnɛ hazu mɔ ndɔng. Ma, yo nɛ ngaya mɛ tɔ gotoa ha ɛnɛ, hazu ɛnɛ ze mɔ nɛhasa na.

2 Pierre 1:10

Hazu ɛngi, hio ya mi, ɛnɛ gbɛngsi tɛ ɛnɛ pen mɔ sɔngsi hazu osi nde, ɛnɛ nê hio wi, ka Sɔ saa nɛ weka mɛ dung nê pɛa. Ka ɛnɛ de mɔ tuka ɛngi, ɛnɛ lɛm tek ha zang dea gdangamɔ na,

Jacques 1:3

Hazu ɛnɛ ingɔ nde, ka ɛnɛ bhɔn ha mɛkara Sɔ ha zang yeksamɔ ndɔng, yo bede nde, ɛnɛ adung nɛ yikosila ngi-ngi-ngi.

Hebro 12:1

Ka bo nê pɛ ɔ, dɔka giliwi ha zikoro ɔ. Yo nê ɛ ndɔng fɛt ka bade mɔ nɛ wal mɛkara Sɔ. Hazu ɛngi, ɔ ail hio zio toy fɛt ka dolsi ɔ ha wal mɔ Sɔ pi ha nu, ɔ alak fin gdangamɔ ka hɛl sila ɔ nɛhasa gde, nɛ ɔ asɔwi nɛ nɔa ha kpakpay ka Sɔ gdea ɔ ang, hɔ ha kpogioa.

Hebro 1:14

Mɛgi, hio telenge nê o? Mbwa sɔna nê hio sɔtɛ ka de tom ha Sɔ, nɛ ka Sɔ tomsi nɛ nɛ gbakiri wi ndɔng ka wɛnɛ ngoy mɛ kpasisi mbwa.

Rome 4:12

Abraham dung fin nê bafa mɛ hio wan-gɔn sɔru ndɔng, ka gɔn sɔru mbwa nɛgbelea na, ma, ka nak pata ngbabafa mbwa, Abraham, nɛ ka mɛkara Sɔ tuka wɛnɛ dea sɔngsi nɛ gɔna sɔru wa.

Rome 2:7

Hio wi ndɔng ka de dedemɔ nɛ yikosila tuka nde, mbwa akpa ha kɔ Sɔ lukosomɔ, *lɛkɛ-lɛkɛmɔ, nɛ tunɔ ka bebhɔn, Sɔ beha mbwa *tunɔ kpoo.

Gbasamɔ 13:10

Ka Sɔ weka nde, ma wi adung nê wan-zɔbhɔ, bede ka gan, a benɛ ha twa zɔbhɔ. Ka Sɔ weka nde, ɛ agbɛ ma wi nɛ gbapa, bede ka gan, ɛ begbɛ wɛnɛ nɛ gbapa. Ha ngimɔ ɛngi lɛma ka lɛm nde, hio wi pɛ Sɔ abhɔn ka ha mɛkara Sɔ nɛ yikosila.»

Hebro 11:33

Nɛ wal mɛkara Sɔ, mbwa gana zu hio mbing kandɔ ha bulo, mbwa dea nzengmɔ, nɛ mbwa kpaa nde, Sɔ dea mɔ ka wɛnɛ bagɔn nu mɛ de. Mbwa gdɔka nu hio dila,

Hebro 6:15

Abraham kera mɔ nɛ yikosila, nɛ a kpaa hio mɔ ka Sɔ bagɔn nua ha wɛnɛ.

2 Tesalonike 1:4

Yo nê ɛngi, ɔ ha lukoso tɛ hazu ɛnɛ ha soko hio *giliwi mɔ eglize pɛ Sɔ. Ɔ ha dea mɛgi hazu ha zang hio namalamɔ nɛ yeksamɔ fɛt ka ɛnɛ zɔk, ɛnɛ bhɔna ka ha yɔnga yini nɛ ha mɛkara Christ.

Dede Wen hazu Jésus-Christ ka Luc ngɛraka 8:15

Nɛ pɛ hio ma fin, yo gbesi dede nu. Sila mbwa nê nzeng nɛ dedea. Mbwa ze wen pɛ Sɔ, nɛ pam yo nɛ mboazu, nɛ mbwa way dede waya.»

Matthieu 22:32

‹Mi nê Sɔ pɛ Abraham, Sɔ pɛ Isaac nɛ Sɔ pɛ Jacob.› Sɔ bo nê Sɔ pɛ hio fiowi na. Ma, wɛnɛ nê Sɔ pɛ hio tunɔ wi.»

1 Tesalonike 1:3

Ha li Sɔ, Bafa ɔ, tazu ɔ ha gbaa nɛ tom ka ɛnɛ de nɛ wal mɛkara Christ. Nɛ tazu ɔ ha gbaa nde, ɛnɛ ha gbɛngsa tɛ hazu ngoy may, nɛ nde, ɛnɛ ha gdea tazu ɛnɛ nɛ yikosila ha tɛ *Kongawan pɛ ɔ, Jésus-Christ.

Dede Wen hazu Jésus-Christ ka Luc ngɛraka 16:22

Ngimɔ hapata, fabha wi ɛngɛ fea, nɛ hio *telenge kuo wɛnɛ nɛnɛ gde ha ngbolokɔ Abraham. Nɛ wan-kpamɔ fea fin, ɛ gunɔ wɛnɛ.

Matthieu 25:26

Ma, wan pɛa kiforo wen ha wɛnɛ: ‹Gdanga pɔsa wan-tom! Mɛ ingɔ nde, mi bhi kpalmɔ ha bhandi ka mi tɛ pɛ ang na, nɛ mi wesiri kpalmɔ ha bhandi ka mi tɛ pɛfi ang na.