Hebro 5:8 - Takarata pɛ Sɔ Mbombe Mbon

⁸ Ngase ka wɛnɛ nê Bewei pɛ Sɔ, a yamba zea nu Sɔ nɛ wal kpaa yimtɛ.

Hebro 5:8 Referans Kwoze

Filipe 2:8

A hilo nɛ mɛndi, nɛ a zea nu Sɔ kanɛ fio pɛa, fio ha getakate.

Jean 4:34

Jésus tɔa ha mbwa: «Ka mi de mɔ ka wan-tomsi mi ngoya, nɛ ka mi lɛmsiri tom pɛa, ɛngɛ nê yɔngamɔ pɔm.

Jean 15:10

Mi pama hio haanu pɛ Bafa mi, nɛ mi bhɔna ka ha zang ngoy ka wɛnɛ ngoya nɛ mi. Yo gbesi nê ɛnɛ, ka ɛnɛ pam hio haanu pɔm, ɛnɛ bebhɔn ha zang ngoy ka mi ngoya nɛ ɛnɛ.

Jean 6:38

Hazu mi zilo ha ngɔn tɛ, bo hazu de mɔ ka sila mi ngoya na, ma, hazu de mɔ ka sila wan-tomsi mi ngoya.

Hebro 3:6

Ma, Christ nê *Bewei pɛ Sɔ, ka dung nê wan hazu twa pɛ Sɔ. Ka ɔ bhɔna nɛ da ha kera mɔ ka ɔ gde tazu ɔ ang, ɔ bedung nê twa pɛa.

Hebro 1:8

Ma, ka bo nê pɛ Bewei pɛa, Sɔ tɔa hazu wa nde: «Ey, Sɔ, solowan pɛ mɛ bhɔna kpoo nɛ kpoo. Mɛ nê nzeng *kongapora ha zu kongakandɔ pɛ mɛ.

Hebro 1:5

Sɔ tɛ tɔ ha ma telenge ma swe ndang na, nde: «Mɛ nê Bewei pɔm, mɛsɛ mi tɛ bo nê Bafa mɛ.» Nɛ a tɛ tɔ hazu ma telenge fin na, nde: «Mi bedung nê Bafa wa, nɛ wɛnɛ bedung nê Bewei pɔm.»

Matthieu 3:15

Ma, Jésus kiforo wen ha wɛnɛ: «Ka mɛ atakiri tɛ sising na! Hazu dea nde, ɔ ade mɛgi mɛ lɛmsiri mɔ fɛt ka Sɔ ngoya.» Mɛgi Jean mɛkara wen pɛa,

Hebro 1:2

Ma, ha hio kpogio yala sising, Sɔ wolamɔ ha ɔ nɛ wal Bewei pɛa. Sɔ bade nzan fɛt nɛ wal wɛnɛ, nɛ a gdea wɛnɛ wan hazu mɔ fɛt.

Jean 10:18

Ma wi ndang gu tunɔ pɔm ha kɔ mi yunɛ na. Yo nê mi nɛ pɔm tɛ ka lak yo gde. Mi nɛ ziomɔ mɛ lak tunɔ pɔm gde, nɛ mi nɛ ziomɔ mɛ kpa yo nɛ mbinga. Yo nê Bafa mi ka haa nu ha mi nde, mi ade mɛgi.»