Hebro 5:7 - Takarata pɛ Sɔ Mbombe Mbon

⁷ Ha zang ngimɔ ka Christ bayol tɛ wi, a gɔa Sɔ nɛ a alanu ha wɛnɛ nɛ ngagɛl nɛ milikwa. Nɛ Sɔ ka lɛma mɛ kpasisi wɛnɛ gbo ha fio, zea wɛnɛ hazu wɛnɛ yuo ke Sɔ.

Hebro 5:7 Referans Kwoze

Jean 17:1

Ka Jésus tɔa wen ndɔng fɛt kari, a guo li ha ngɔn nɛ a tɔa: «Bafa mi, ngimɔ lɛma kari. Mɛ gbasi *lɛkɛ-lɛkɛmɔ pɔm, Bewei pɛ mɛ, ha hio wi tuka nde, mi agbasi lɛkɛ-lɛkɛmɔ pɛ mɛ ha mbwa fin.

Matthieu 27:46

Ka swe wɛla hɔ ha ngonga tar, Jésus gdɔra nɛ ngagɛl: «Eli, Eli, lama sabaktani?» Ɛngɛ tɔ nde, Sɔ pɔm, Sɔ pɔm, mɛ laka mi gde hazu ge?

Marc 15:34

Nɛ ha ngonga tar ki, Jésus gdɔra nɛ ngagɛl: «Eloi, Eloi, lama sabaktani?» Ɛngɛ tɔ nde, Sɔ pɔm, Sɔ pɔm, mɛ laka mi gde hazu ge?

Hebro 12:28

Nɛ Sɔ haa ɔ wal mɛ le ha kongakandɔ ɛngɛ ka ɛ lɛm mɛ fesi na. Mɛgi, ɔ aha oeba ha wɛnɛ nɛ wal dea dede tom ha wɛnɛ nɛ mɛndi nɛ ke.

Jean 11:35

Nɛ Jésus angara hea kwa.

Matthieu 27:50

Ma, Jésus gdɔra fin nɛ ngagɛl, nɛ wɛnɛ fea.

Marc 15:37

Ma, Jésus gdɔra fin nɛ ngagɛl, nɛ wɛnɛ gaa.

Hebro 2:14

Wɛnɛ yola tɛ wi ka ba may nɛ pɛ hio bem ndɔng, hazu mbwa fɛt nê wi nɛ multɛ nɛ tɔktɛ. A dea mɛgi tuka nde, nɛ wal fio pɛa, wɛnɛ ayangili *Satan ka dung nɛ ngatɛ hazu gde wi ha fio.

Dede Wen hazu Jésus-Christ ka Luc ngɛraka 23:46

Nɛ Jésus gdɔra nɛ ngagɛl: «Bafa mi, mi kuo sɔtɛ mi gde ha kɔ mɛ.» Hapata wen ndɔng, ɔmi pɛa kara.

Hebro 13:20

Sɔ, wan-ha gaamɔ, guo *Kongawan pɛ ɔ, Jésus, ha soko hio fio wi yunɛ. Wɛnɛ nê gasa zaoro sami, ka tɔktɛ wa bhɔngara *mbon ɛngɛ ka bebhɔn kpoo.

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.

2 Jean 1:7

Dɔka hio wan-osili wi dama nzan fɛt. Mbwa tɛ mɛkiri nde, Jésus-Christ yola tɛ wi na. Tili wi mɛgi nê wan-osili wi, nɛ fin wan-sungiri Christ.

1 Jean 4:3

Ma, wi ka kafi nde, Jésus tɛ yol tɛ wi na, Nzɔy-Sɔtɛ pɛ Sɔ bo ha tɛ wa na. Yo nê sɔtɛ pɛ wan-sungiri Christ ka dung ha tɛ wa. Ɛnɛ baze nde, wan-sungiri Christ betɛ. Sising, a hɔa ha nzan kari.

Galasi 4:4

Ma, ka ngimɔ ka Sɔ baweki lɛma kari, a tomsa Bewei pɛa. Bhoko bhɛa wɛnɛ, nɛ a dungɔ ha si *mbonga pɛ Moïse.

Jean 11:42

Mi ingɔ nde, mɛ ha zea mi kpoo. Ma, mi tɔ yo hazu giliwi ndɔng ka zikiri mi hakɛ, ka mbwa aing nde, yo nê mɛ ka tomsa mi tɛnɛ hakɛ.»

Rome 8:3

Mbonga pɛ Moïse tɛ dung nɛ ngatɛ mɛ kpasisi ɔ na, hazu nɛ tɛ ɔ, ɔ lɛm mɛ pam yo na. Ma, mɔ ka mbonga lɛm mɛ de na, Sɔ dea yo nɛ wal Bewei pɛa ka wɛnɛ tomsa tɛ hakɛ ha nu. Bewei pɛa yola ngbak tɛ wi, ka dungɔ tuka pɛ ɔ, hio *wan-de gdangamɔ. Sɔ gdea wɛnɛ ha fio gɔn nɛ zu gdangamɔ pɛ ɔ. Nɛ wal dea mɛgi, Sɔ gɔna kita ha zu gdangamɔ, ka de tom ha tɛ ɔ.

Jean 1:14

Nɛ Wen kifo wi, ka dung nɛ multɛ nɛ gbalatɛ fɛt. A dea le ha soko ɔ. A dona nɛ *dede sila nɛ tɛwen fɛt. Ɔ zɔka *lɛkɛ-lɛkɛmɔ pɛa, ka Bafa wa haa ha wɛnɛ, ndanga Bewei pɛa.

Hebro 10:5

Yo nê hazu ɛngi, ha ngimɔ tɛa pɛa ha nzan, Christ batɔ nɛ ha Sɔ: «Hio haamɔ nɛ hio sari ka ɛ ha nɛ sadaka ha mɛ, mɛ ngoy yo na. Ma, mɛ yolsa tɛ wi ha mi.

Hebro 10:10

Ɔ tɛ bo nɛ nzɔya ha li Sɔ, hazu Jésus-Christ haa tɛ wa nɛ sadaka ze ndang hireng tuka Sɔ ngoya.

Hebro 11:7

Nɛ wal mɛkara Sɔ, Noe zea nu Sɔ, ka gbaa tazu wa nɛ mbengli ka behɔ. Ngase ka wɛnɛ tɛ zɔk ka mbenglia na, a dea gasa kuga. Nɛ wɛnɛ hinɛ hio nam pɛa kpasa ang. Nɛ wal dea mɛgi, a gɔna kita ha zu hio wi mɔ nzan, nɛ a tɛ bo nzeng ha li Sɔ nɛ wal mɛkara wɛnɛ.