Hebro 5:6 - Takarata pɛ Sɔ Mbombe Mbon

⁶ Nɛ a tɔa fin ha ma bhandi: «Mɛ bedung nê wan-hasadaka kpoo nɛ kpoo, gbesi tuka ka Melkisedeke badung nê.»

Hebro 5:6 Referans Kwoze

Hebro 7:17

Hazu takarata pɛ Sɔ tɔa wen hazu wa nde: «Mɛ bedung nê wan-hasadaka kpoo nɛ kpoo, gbesi tuka ka Melkisedeke badung nɛ.»

Hebro 7:21

Ma, ka bo nê pɛ Jésus, Sɔ kana mɔ, a tɔa: «*Kongawan Sɔ kana mɔ, nɛ wɛnɛ lɛm kpali nu wa na: Mɛ bedung nê wan-hasadaka kpoo nɛ kpoo.»

Hebro 7:3

Takarata pɛ Sɔ tɛ tɔ wen pɛ bafa wa na, nana wa na, hio ngbabafa wa na, bhɛ pɛa na, fio pɛa na. Wɛnɛ gbesi tuka *Bewei pɛ Sɔ, wɛnɛ bhɔna nê wan-hasadaka ngimɔ fɛt.

Hebro 5:10

Nɛ Sɔ gdea wɛnɛ gasa wan-hasadaka tuka ka Melkisedeke badung nê.

Hebro 6:20

Jésus lea haki sɔngsi nɛ ɔ hazu gbosisi wal ha ɔ. Mɛgi, a tɛ bo nê gasa wan-hasadaka kpoo nɛ kpoo tuka ka Melkisedeke badung nê.

Hebro 7:15

Nɛ mɔ ka gbasi wen ɛngɛ long pen mɔ sɔngsi, yo nê ɛngɛ: Ma mbing wan-hasadaka tuka Melkisedeke hɔa.

Hebro 7:8

Hio bezang pɛ Lévi ndɔng ka kpa zu mɔ ha kɔ hio ya mbwa, mbwa fɛt nê hio wi ka befe. Ma, ka bo nê pɛ Melkisedeke, takarata pɛ Sɔ tɔa nde, a bhɔn pɛa nɛ zutunɔ.

Hebro 7:11

Hio bezang pɛ Lévi ha dea tom haa sadaka lɛm nɛ mbonga pɛ Moïse. Mbwa nê hio wan-hasadaka gbesi tuka ka Aaron badung nɛ. Ma, tom pɛ mbwa tɛ lɛmsiri mɔ tuka ka Sɔ ngoya na. Yo nê ɛngi, ka Sɔ tomsa fin ma wi ka bo nê bezang pɛ Aaron na, tuka nde, wia adung nê wan-hasadaka tuka Melkisedeke. A bo se mɛgi na, ki Sɔ tomsa wɛnɛ mɛng?